السلام عليكم ورحمة الله

انا لست خاطب ولكن انا مقبل وبدعائكم ان شاء الله قريب بخطب

اليوم وانا اسولف اي احد اصحابي حديثي الخطوبة وهو كان يريد يشتري سيارة له فقلت له ببراءة ليش ما تاخذ اياك خطيبتك علشان تختارو سيارة علشان تحس نفسها قريبة لك

فتفاجئت بمقاطعة وهو يقول لاااااا تفكرني مجنون!!!!
اولا البنات وش فهمهم بالسيارات
ثانيا لو اختارت سيارة ما عجبتني ابتلش انا

انا اشتري بحالي الي يعجبني وخلاص و لا تفكر تدخلها بهالحاجات

وبعدين وجهه خطابه لي

حتى انت لما تخطب لا تسوي روحك مثالي وبتقعد تاخذ رايها في كل شي و بتقعد تتناقش

انتبه لا تبتلش افرض رايك في بعض الامور واذا على قولتك تبي تعطيها اهمية في طريقة افضل

اتصل ليها كل فترة وسمعها كلام حلو وقعد تغزل فيها

وحتى لو بتروحو تتمشو لا تستشيرها روح المكان الي تبيه بدون ما تستشيرها وحتى المطاعم انت اختارها وعلى طول ودها المكان الي تبيه انت

واذا زعلت راضيها وقول ليها بنروح المرة الجاية المطعم الي تبيه

احذر انك تعطيها وجه زيادة لا بعدين بتبتلش وبكل صغيرة وكبيرة تبيك تناقشها

انا انصدمت بالكلام بس ما عرفت ارد لان انا كنت الفكرة بالنسبة ليي محسوم اني اناقشها في كل شي واخذ رايها

هل انا على صواب ام هو ؟
هل انا فكري مثالي ما ينفع هالايام؟

احتاج الى رايكم وخاصتا الخاطبين و المتزوجين



الاشراف: عذراً تم تغيير العنوان ليناسب المضمون

لفظ المشيئة يكتب على هذا النحو إن شاء الله