السلام عليكم ورحمة الله وبركاته
عدت لكم من جديد ولن أغيب عنكم إن شاء الله ...
أنا الحمد لله أصبحت بحالة جيدة ..
سبحان الله الإنسان فقير ببعده عن الله...
أخواتي وإخواني أشكركم جميعا ......
حبيت اخذ رأيكم بموضوع يهمني كثـــــــــــــــــــــــيرا ....
القصة طويلة ياريت تتحملوني..
لي صديقة مقربة مني جدا عمرها22 وكتاب مفتوح بالنسبة لي...وإليكم قصتها...
صاحبتي انخطبت واهي عمرها 18 سنه ولم تبقى كثيرا 5 شهور وتم فسخ العقد بينهم لأسباب قوية والحق معاها..
ومرت بحالة نفسيه صعبة جدا وكنت معاها والحمدلله تجاوزت المحنة ولكن للأسف اصبحت تدخل الانترنت بشكل مستمر وملحوظ وبعد 5شهور من استخدامها الانترنت تعرفت على شاب وصارحتني وانا نصحتها كثيرا بالابتعاد عن هذا الطريق ولكن للأسف لم تسمع كلامي واستمرت معه 3سنوات وانا كل مره اكلمها وانصحها بس ماكانت تسمع مني كانت تسمع كلام الشاب في كل شي..وكانت تقول لي انه وعدها بالزواج واهي قالت له انها راح تنتظرة لانه يدرس وعرفت عنه كل شي والشاب عرف عنها كل شي..وظلت معاه تكلمة تليفون وانترنت وصارت ترفض كل الي يخطبونها علشانه كانت تعطيه فلوس كل مااحتاج وانا كل مره اتخانق معاها لهذا السبب وقبل 7شهور تقدم لها شاب محترم ولا يوجد فيه أي عيب علشان ترفضة واهي كل مره تطلع اسباب تافهة جدا علشان ترفض بس هذا الشاب ماقدرت ترفضة طبعا انا وقتها قلت لها قولي للشاب الي تعرفينه و اذا كان متمسك فيكي راح يجي يخطبك وانا كنت عارفه انه ماراح يخطبها لانه لعوب وطبعا كلمته وقالت له قال لها بحاول واهلي رافضين وطلع لها حجج وانا كنت اقول لها يلعب عليكي وظلت شهرين كاملين وبالاخير ماقدرت تعمل أي شي ووافقت على الولد ويوم الي قالت لأهلها انها موافقة تركت الي تعرفت عليه بالانترنت نهائي...
وتكلمت معاها قالت لي انها غبية واكتشفت متاخره انه يلعب عليها وانها ندمانه وانا ماحبيت الومها بس قلت لها انا نصحتك كثير بس ماتسمعي الكلام...بس سبحان الله لأسباب خاصة لا استطيع ذكرها انلغت الخطوبه قبل مايحصل أي شي..وتعبت عدل صديقتي لانها بجد فتحت صفحة جديدة بس لله حكمة في ذلك ولا اعتراض على قضاء الله..
وطبعا الشاب من نفس منطقتهم بس عرف ان الخطوبة ماتمت صار يرسل لها بس ردت عليه بمسج واحد بيت اهلي تعرفه اذا انت متمسك فيني تعال اخطبني و لا عندي كلام غيرة ...الشاب تركها شهور وقبل اسبوع ارسل مسج يسأل عنها وانا قلت لها هذا اخر يوم لي معاكي اذا تردي على المسج الي ارسله..ولا ردت عليه...
بس احين صاحبتي تعبانه وحبيت اخذ رايكم شنو اقدر اسوي لها..
وصديقتي ندمانه وتابت وانا قنعتها تروح العمرة والحمدلله راحت ورجعت نفسيتها احسن بس لسى اشوفها منكسرة وحزينه...
وانا عارفه انكم ماراح تبخلون عليها...
اختكم....الحائــــرة....

__________________
سلامات يا قلبي...
اتمنى اعرف اخبارك...