مجتمعنا كذا شغل فشخره وفلانه لبست وفلانه اشترت انا كما اسلفت ملتزم كحد ادنى بهذا المبلغ لكن قد اعطيها 5000 او 6000 ريال بس لن يقل عن المبلغ الذي ذكرته .

بصراحه اليوم قررت اعطيها 15 الف بس بيجي الصيف وبرضوه بتطلب 10 او حتى 15 الف لفستان لزواج احد اقرباءنا وبصراحه ما اقدار اقول لا لأن كل اخواتي يشترون كذا وبجد نشتغل والحريم يصرفونه بيوم وبعد يعتبرونه حق ومالك منه فيه بعد ياليت كذا وبس تطلب شنطه او ثنتين وبعدها ساعه وبعدها لأزم اسافر واتسوق والخ.......وكل ما اقول كثرتي تقول خذ من ابوك وشف اخواتك وش يلبسون وش يشترون وانا مو اقل منهم شكلها مفكره اني انا الغني مو ابوي بصراحه بديت اطفش منها واسلوبها.

وبصراحه انا مفهمها ان الوضع الحالي لي بينتهي ان شاء الله وبعدها خذي راحتك لأنه عندنا مصاريف كثيره بسبب احد مشاريعنا الحاليه والتي اتوقع تنتهي من سنه الى سنه ونصف بالكثير لكن هي لا تقدر تفكر باليوم وبس والمستقبل آخر اهتمماتها.

بصراحة الله يعينك... انا من تزوجت الى يومك ما طلبت من زوجي مصروف شهري أحيان ودي بس بصراحه استحي اخاف يقول ماديه علماً انه لو عطاني الفين نعمه ... بالعكس بصراحه افكر للمستقبل وكيف نأمنه أفضل وهذا اللي نسويه الحين وبنفس الوقت مو مقصر معي ابد بس لأن طلباتي عقلانية بعد وحتى انا مو مقصره على نفسي الحمدلله و الماركات كلن يعرفها وكلن عنده بس الظاهر زوجتك عندها هوس....
على العموم حاول تعطيها مصروفها وتقول ما فيه اي زيادات عليه الا في ظروف طارئة مثل مناسبة كبيره وذات صلة وثيقه ممكن. الله يصلح احوالكم وتذكر ان اللي يجي بسهوله يروح بسهوله..

__________________
[type=612464][/type]

تبين الجد بعض النساء ما يفكرون بالمستقبل مو من قل فهم بس عشان هم فاهمين ( بعض النساء مو كلهم ) ان اذا ما صرفت الفلوس الحين زوجها بيصرفها على زوجة الثانيه في المستقبل يعني اتغدى عليه قبل لا يتعشى علي .

اللي مثل نوع زوجتك لو تعطسها بالذهب ماشبعت

يبدو انها مايملا عينها الا التراب

ياعزيزي

لا تنسي انك بيوم من الايام بتكون كبير في السن وتحتاج من يقف بجنبك ويحبك

انصحك بالبحث عنها

اخاف عليك ان ترميك غدا

ويبدو لي انها تزوجتك اصلا على اساس مادي -- والله اعلم --

زوجتك هذي راح تظل انها بوضع المظلمومه ((يااااااأخي 6000 ريال مايكفيها ))بالله انت قلي ايش تتوقع نهايتها

والة متى هذا الكلام

وصدقني لو مره بترفض صدقني ماراح يبقى لك ولا حسنه ولا اي رصيد حلو

وانت قلت انها تحبك اذا سفرتها او اشتريت لها شئ غالي

طيب انت كشخص لك حق انك تنحب لذاتك -- انت تستاهل المحبه على طيبتك وطيب نيتك --


بالاخير يمكن كلامي مو عاجبك ولا عاجب وحده من العضوات

لكن ح تتذكره بعدين

بالاخير اتمنى كل كل الخير والتوفيق ياااااااارب

واتمنى يارب ان يحبب زوجتك فيك

او يرزقك الفتاه التي تحبك لذاتك ولطيبتك

واعذرني على ازعاجك الكريم

ياخي قولوا الحمدلله والله العظيم ربي راح يسالكم على اموالكم هذه اللي تبعثروها على اشياء تافهة ..
ياما رجال موظفين رواتبهم ماتتعدى 1500 و2000 حرام عليكم والله حراااااااااااااااااااااااااااااااااام انت صاحب شركة وادرى ..
(لن تزول قدمي بن ادم حتى يسال عن ثلاث ومنها ماله من اين اكتسبه وفيما انفقه )
انا معاك ان ربي منعم عليكم وعاطيكم واما بنعمة ربك فحدث بس مو بالشكل هذا اتقوا الله ..
(وكلواواشربواولاتسرفوا إنه لايحب المسرفين) [الأعراف:31]
( ولا تبذروا تبذيراً . إن المبذرين كانوا إخوان الشياطين . وكان الشيطان لربه كفوراً . ) الإسراء 26 ـ 27

ووالله العظيم اني قبل يومين لقيت ايميل في بريدي مقارنة بين صور للاغنياء وتبذيرهم للاموال بالباطل واسرافهم في الولائم والموائد اللي معباة بما لذ وطاب بكميات هاااااااائلة جدا جدا والوجودين لايتجاوزون اعشرين شخص ..
وبين صور لفقراء من شتى بقاع الارض والمجاعات واثر الصور اللي اثرت فيني ان طفل لم يتجاوز الخمس سنوات تقريبا يمشي ويطيح من الجوع وبدون ملابس عاري والنسر يتتبعه منتظر متى يموت عشان ياكله لانه ياكل بس الجثث ..
وصورة ثانية لشاب في 17 او 18 من العمر عاري تماما يقف خلف بقرة وياكل من برازها والله العظيم اني دمعت لما شفتها وغيرها كثير من الصور المؤثرة انت سوي بحث في قوقل عن صور لمجاعات افريقيا وغيرها ووري زوجتك يمكن يحن قلبها وتتبرع بقيمة فستان والا شنطة وحتى اخواتك كمان لا حول ولا قوة الا بالله ..
[caution]

يرجى تحري الدقة عند الإستشهاد من القرآن الكريم الإشراف

[/caution]

لاحول ولا قوة الا بالله

والله ما شدني ولا جذبني لموضوعك الا كمية المبالغ اللي تصرفوها

اذا مصروف الزوجة الخاص 3 الاف اجل مصروفك ومصروف البيت كم ؟

والله حرام كل هذا التبذير والاسراف

الحمد لله دخلنا الشهري كله ما يتجاوز 4000 رايحة في الديون والاقساط وعايشين بخير ونعمة وعندنا بنوتة والثاني في الطريق

القناعة يا أخي كنز لا يفني

واذا كان رب البيت بالدف ضارباً .... فشيمة أهل البيت الرقص

خلي لك خطة واستراتيجية تمشي عليها بيتك وحياتك وزوجتك واولادك في المستقبل

لاتكونوا امعة ، ماشين مع المجتمع وبس

واذا قالت شوف اخواتك ، قلها شوفي هذولا الفقراء والمساكين

ابوي الله يجزاه خير علمني حكمة
قال :

في امور الدنيا ، دااايما شوفي اللي اقل منك واحمدي الله على النعمة
وفي امور الاخرة ، دااايما شوفي اللي احسن منك وتشجعي تصيري زيه وأحسن

اخي لازم تتغيروا ، مو لازم تمشوا مع المجتمع الفاسد هذا
انا عارفة كيف مجتمع اهل الرياض ، واحد اسباب رفضي العيشة هناك هو اهتمام اهلها بالمظاهر

انتو في مواجهة وتحدي مع المجتمع ، فاكسبوا التحدي ولا تنهزموا

كلام الاخوات جميل
اسأل الله تعالى ان يهديها و يعقلها

السلام عليكم ،،
من الخطأ أن تعمم حالة زوجتك على باقي النساء ،
وأخشى أن تقرأ ماكتبته العضوات في المنتدى
وصرفياتهن البسيطة
فتزاد غضباً على زوجتك ،،
وتزداد مشكلتك تعقيداً

ياأخي المجتمعات تختلف ،،
تختلف تماماً ،،
فكما يشتري فلان سيارة بمئة ألف ويراها فخمة للغاية
الآخر يشتري بمليون ونصف ولايهتم لشأنها كثيراً
لابد من مراعاة المستوى الذي تعيش فيه الزوجة


أنا بذلك لا أدعو زوجتك للإسراف أو أرى معها الحق
لأني لا أعرف ظروفكما تماماً وكيف يصرف المال
لكن أريدك أن تعذرها وتحاول أن تحتويها
وتقنعها بالأسلوب الطيب وتسترضيها
بالكلام اللين
وأبشر بالأجر ،،

أنت تقول ما تحبك إلا إذا سفرتها أو صرفت عليها ..!! مشكلة والله

يعني هم مزوجينك بنتهم عشان فلوسك .. مو عشان شخصيتك وذاتك !!

لا وتقول حتى لو تسرق عادي !! والله حاله صحيح مادية فوق العاده

يعني صحيح القصص الي نشوفها بالمسلسلات مو كذب ولا خيال


يا اخوي في بيوت تعيش على 4000 أو 5000

وناس اقل من كذا ..

بس وش نقول أنتوا مجتمعكم كذا .. وانت خذتها من بيت اهلها كذا .. وخواتك نفس الشي

وش تبيها تصير يعني .. ؟؟

هي بنت نعمه .. بنت تجار متعودين ما ينقصهم شي .. كل طلباتهم مجابه

هي مو بنت نبي عشان تصبر على القله وما تهمها المظاهر

الانسان بيئته هي الي تأثر في تفكيره وتصرفه .. إلا من رحم ربي

ويمكن ما نلومها لأن الانسان صعب ينزل عن مستواه الي متعود عليه

صعب وضغت اعصاب ..

تبيها تكون قنوعه .. لازم تكون عاشت الحاجة في يوم من الايام عشان تعرف القناعه

لازم تكون شخصيتها قوية ولا تحس بالاضمحلال أمام المال و الكماليات

لكن معظم الناس هليام تعطي قيمة لنفسها من خلال ما يملكه من المال والدنيا تساعد على هالتفكير

الدنيا كلها صايره مادية ..

ما أدري وش اقول ..

بس الشخصية الي تبيها ما تتكون غالباً في مثل هالبيئات الباذخه

الشخصية القنوعه الي تبيها تتكون في البيئات الي تعطي للأنسان قيمة حسب تفكيره وتعامله وما يقدم

من أعمال نافعه

مو حسب الي يلبس والي ياكل والي يسكن




الله يعينك ..
حالول معها بالحوار أنك تعوضها بس تتحسن أحوالك ..

قلها عشان خاطري وإذا تحبيني و قلبك علي صبري هالفترة ..

قول لها أن مو ثيابك الي تعطيك قيمة في عيني .. أنا أحبك لشخصيتك وروحك وتعاملك

وأتمنى بعد أنتي تحبيني لذاتي وشخصي .. ترى الدنيا مو كلها فلوس ..

الفلوس تروح وترجع .. القلوب الصافية المحبة المخلصة هي الي تبقى

والرحة النفسة مو في الي تلبسيه .. قد ماهي احساسك اني احبك ومخلص لك ولا في قلبي غيرك

قول لها أنا ما ابي ابوي يصرف علي .. الانسان ماله قيمة إلا إذا كون نفسه بنفسه وانا ابي اكون نفسي



عسى الله يهديها