أختي الحبيبة المصرية ،،

ربنا يوفقك حبيبتي على ردك الجميل ،،

أريد أوضح لك بعض الأمور ،،،

أنا مش في الدين الآن ،،، لأن أمره محلول بإذن الله ،، هو كلم أخوه الذي يدرس في بلد آخر ،، وقال أخوه مافي مشكلة ودبر المبلغ بس كان في مشكلة في تحويل المبلغ لهنا ،،، لأن البلد الي هو فيها مايمكن تحولي منها ،،فأضطر إلى أن ينتظر مسافر حتى يرسل معه ،،، طيب أنا طلبت من خطيبي أن يدبر المبلغ من أي شخص لغاية مايبعث أخوه ،، لأني أولا بدون مصاريف وثانيا البنت وعدتها أرد لها المبلغ قبل العيد .

قال مافي أحد وصعب يتواجد مع أحد مبلغ كبير كهذا ،،، طيب شوف أعمامك قال مستحيل ماينفع ،،، أصحابك قال أنا مسافر من راح يضمن واحد مسافر بمبلغ مثل هذا..

أنا في رأيي أنه رجل والرجل قادر أنه يدبر ،، منتظر مني أنا أدبر له ،،، طيب خلك من المبلغ الكبير كان يدبر لي مصاريفي ويضمن أن معي مصاريف وأخوه لما يبعث يسدهم لأي شخص أخذهم منه.. برضه هذا ماحصل ،، سافر وأنا معي 40$ هل تكفيني ؟؟

والآن هو في قريته عند أهله وأمه ،، من أمس ولاسأل فيني ولاقال أيش مسويه ولاجاب لي خبر عن الفلوس هل أرسلها أخوه أم لا.

وأمي الي زعلتت وتركتني بدون مصاريف ،، كل واحد يهم نفسه ،، والشيء الأهم تاركينه ،،، أمي همها زعلها وهو همه أنه مايوري لأهله أنه رجع من السفر مديون..

حسبي الله ونعم الوكيل.

يا أخوة وينكم ،، إني أستغيث بك فأغيثوني ،،

الله لايوريكم سوء ساعدوني واعطوني النصح والمشورة ،،

مالي أحد بعد رب العالمين غيركم ،،
دلوني ....

لاحول ولاقوة الا بالله




ياليت كل البنات مثلك



اختي ظلال هذه فرصتك


جربي خطيبك اذا تخلى عنك خلاص اتركيه واذاا وقف معك تحمليه



مهما كانت اعذاره اتركيه اذا ما وقف معك


ترا الرجال اذا يبغو يسوون شيء يسوونه واذا ما يبغون يحصلون 100 عذر


وألـ500 دولار ماهو مبلغ كبير لهدرجه واذا يبغى يحصله يقدر مثلا يتسلف يشتغل باي طريقه ان شاء الله يسرق بس ما يترك خطيبته بدون مصروف


ومو مهم يرسل لك 500 دولار مرة وحده < لو هو صادق في حبه لك راح يتصرف حتى لو يرسل لك 100 دولار خمس مرات بس يثبت لك انك في باله وماتخلى عنك


واذا طفش منك وتخلى عنك وباعك راح تحصلين 100 عذر وما بيرسل لك شيء


وبهالحاله اختي ظلال انصحك تتركينه ويكفي السنوات الي ضاعت وتحسبي عند الله الاجر والله ما يضيع اجر عبد والله بيعوضك ويمكن هذا امتحان واختبار من الله وهالتجربه ان شاء الله تستفيدين منها وانتي لسه في بدايه عمرك والمستقبل بيدك وبدراستك والاهم ما تتخلين عن دراستك

الله يوفقك أخي ويجزاك كل خير على كل حرف كتبته هنا ،،

أخي مبلغ ال500 دبره من أخوه ولكن تأخر في الوصول إلى مابعد العيد ،،

كل ماهو قاهرني أنه منتظر لما أخوه يبعث ،، يعتقد بذلك أنه عمل الي عليه ودبر الفلوس ،، وماهي مشكلته أنها تأخرت ،،،

أنا أعرف أنه أمر محرج أن يستلف من أهله لأنه طلب منهم ألا يتدخلوا في حياته ،، وكلن هناك مهم وهناك أهم.

أنا بدون مصروف وحتى أمي رفضت ترسل لي بعد ماكذبت عليها ،، وكل الي عملته لأجله لأجل مايرجع الوطن ويكون مديون لأحد هنا .

طيب الأمور مضت عكس ماتوقعنا ،، كان نفسي يتنازل عن كبرياءه ويطلب من أهله حتى 100 أمشي بها بحالي لغاية ما أخوه يرسل ،، لكن ولا هو هنا ،،
فسؤالي هل يستحق هذا الأمر أنني أتركه لأجله ،،، لأن الفلوس كذا كذا جايه بعد العيد من أخوه ،، الي مزعلني ومخليني أسأل سؤالي هذا هو هل انتظاره للحواله من أخوه - حتى لو تأخرت- وعدم تدبير مبلغ بسيط حتى أمضي به العيد سبب كاف لتركه وفسخ خطوبتي منه؟

رد عليا الله يوفقك.

والله يا أخواني ويا أخواتي أني ماتحركت من جنب الكمبيوتر منتظرة ردودكم ،،

وينكم يا أهل المشورة والحكمة ،،

أنا أعلم أنني ثقلت عليكم ولكن والله كربتي عظيمة ،،

ومنهااااااااااااارة تماما أكتب لكم وأنا أبكي ،،،

أرسلت له رسالة من ساعتين أنني بدون فلوس ومحتاجة يدبر لي ،، وللآن مارد .

أمي رفضت ترسل لي ،، كل هذا بسببه .

دلوني كيف أتصرف ؟؟

هل أتصل بأخوه وأستفسر عن الفلوس ؟؟ أم لا؟؟

هل أتركه وربنا يعوضني ؟؟ أم هناك من يجد له عذر في ذلك ؟؟

دلوني جزيتم خيرا ....

عليك بالدعاء والاستغفار كثيرا
والله يفرج همك

ويفرج همك ياااارب .

والله أني لا أنفك أدعو الله وأستغفره ،،

جزاك الله خيرا

الله يعينك


لاتتكدرين كثير الله بيفرجها من حيث لاتحتسبين


المهم انا متابع موضوعك من مده واكتشفت انه خطيبك مستهين فيكي والسبب تعلقك فيه


بقولك سر " نحن الشباب اذا حسينا البنت مهمته فينا ومتعلقه وماتقدر تتخلى عنا نستهين فيها ومانحاول نرضيها"


وخطيبك حاس انه ماتقدرين تتخلين عنه وبحالته مستهين فيك



نجي لسؤالك " هل افسخ خطوبتي منه"



شوفي اختي ظلال اول شيء تسوينه هي الاستخاره


ثاني شيء تسوينه تراجعين نفسك وتجيبين ورقه وقلم


وتكتبين في جه الورقه المواقف الي حسيتي فيها انه متمسك فيك


وتكتبين في الجه الثانيه المواقف الي حسيتي انه متخلي فيها عنك وبايعك




المهم تكتبين المواقف السلبيه والايجابيه الي تبدا في زمن واحد < بالعربي تكتبين المواقف بعد ماحسيتي انه تغير عليك ,, ومواقف ايام الرومنسيه اتركيها على جنب ولاتكتبينها في الورقه ...


وهنا راح تتضح لك الصورة وتعرفين انه يستحق تبقين معه او لا؟؟؟

=============


ثالث شيء تسوينه



حطيه في مواقف واختبارات



واذا هو للحين يبيك وماطفش منك راح ينجح بالاختبار ويتعدى كل المواقف ويثبت لك حبه



واذا هو واجه الاختبار بالاعذار والتهرب تاكدي انه هو ما يبيك وبس يبي يتخلى عنك بس مو لاقي طريقه



هو يمكن يستحي يقولك خلاص مالنا نصيب مع بعض ,,, ويبغى هالكلمه تتطلع منك < بالعربي يبيك انتي الي تصيحين وتقولين خلاص اتركني وخلنا نفسخ الخطوبه عشان ضميره ما يعذبه ويخدع نفسه ويقول "هي الي تركتني"




========

اختي ظلال الي خلق خطيبك خلق شباب احسن منه


لاتحسبين اذا تركتيه خربت الدنيا وماراح تحصلين شريك حياه مناسب


لاتربطين مصيرك بشخص غير كفوء



هو لو كان يحبك ماكان قدر يتركك ويسافر لاهله


كان اشتغل باي شغل حتى لو جمع قوارير البيبسي وباعها المهم انه يظل معك



ترا الي يدور مجال للرزق يحصله باي طريقه



وانتي ماشاء الله عليك مو مقصره معه




عندي سوال ؟؟


قد اكتشفتي انه كذب عليك في مساله مهمه ؟؟؟



اذا كان اجابتك نعم < فلاتستبعدين انه يكذب عليك في مساله ارساله للـ 500 دولار < يمكن يماطلك مده وبعد مده يقولك انا ارسلت الفلوس بس ضاعت في الطريق



وسؤالك الاخير عن الاتصال باخوه والاستفسار عن الفلوس ,,,




شوفي اذا اخوه شخص ثقه اسئليه واستفسري عن الفلوس واطلبي منه ما يعلم خطيبك < باستفسارك هذا راح يختصر عليك طريق طوبل



مدري اختي انتي من اي دوله وان شاء الله كلامي مفهوم لاني كتبت كلامي باللهجه السعوديه

أخوي والله جزاك الله ألف ألف خير ،، ربي يسعدك ويفرج كربتك ،،

كلامك الأول صحيح 100% أنا خلاص تأكدت أنه من كثر ماهو شايفني متعلقة فيه وبحبه وبعطي من كل قلبي يبدو أنه استهان فيني ،،

والله يا أخي أن جلوسه هنا كان لأجلي وكان بإمكانه يرجع يشتغل في البلد ،، لكن هذه من الأشياء الي حسيت فيها أنه متمسك فيني ،،، نحن في بلد أهلها يسافروا منها عشان يدوروا على شغل ،، مالاقى شغل أبدا أبدا لف ودور في كل مكان ،،والسفر كان حل أخير لما عجزنا عن كل شيء..

في مواقف كثيرة تقول أنه متمسك فيني ،، مشكلته أناني يعني يحب نفسه كثير وقااااسي ،،، يقول لي هذه عقدة من وأنا صغير ماكنت أشعر أحد يحبني فحبيت نفسي وأصبحت أناني ،،
لما يفيض فيني وأقول له ما أريدك يجن جنونه ،، ويجلس يبكي ويجلس تحت بيتي سااااعات ومرة طول الليل ،، ويجلس يعتذر ويبكي أمام الناس كلها ،، وهذا الي محيرني ومخليني مترددة في أخذ قرار الإنفصال..

لما كان يستلم مرتب هنا أيام الدراسة كان مايبخل عليا أبدا أبدا ،،، ليل نهار يتصل فيني ،، جات فاتورة تلفونه 200$ في الشهر ،، وكان يقول فداك كفاية اسمع صوتك..

اتغير بعد ما انقطع مرتبه واضطر يجلس هنا وكنت أنا الي بتعطيه ولما تنقل لأكثر من بيت بسبب ذلك ،، يعني ظروفه اتلخبطت تماما.. وحصلت مشاكل مع أبوه وأتخلى عن تزويجه ومساعدته ماديا.
ما أعطيه عذر لأني مؤمنة بأن الظروف هي الي تكشف معدن الإنسان ،،،

قلت لي أخي أحطه في إختبارات ؟؟ كيف وأيش هي هذي الإختبارات ،، ماأعرف أيش أعمل بالضبط ،، وضح لي الله يعافيك.

بخصوص الكذب ،، ماقد كذب في شيء مهم للغاية ،، يعني حاجات بسيطة ،، طلعة مع أصحابه ،، ليه ماتصلت ممكن يكذب عشان مايزعلني مثل مابيقول ،، بس مش شيء كبير ومهم.

بخصوص أخوه ،، أ{سلت له رسالة أستفسر فيها ،،، قال لي اليوم أرسل الفلوس مع أحد من أصدقاءه ،، وقال توني قبل شوي كلمت خطيبك ،، وخطيبي للآن ماكلمني؟؟؟

سامحني أخوي والله ثقلت عليك ،، بس ودي أحد يرشدني كيف أتصرف.

ربنا يسهل أمورك.

السلام عليكم

اسال الله العظيم رب العرش العظيم ان يفك كربتك و يرزقك بالزوج الصالح و يبعد عنك عيال الحرام

اختي انا اتتفق مع راي اخي دكتور الحب .. و مشاركتك الاخيره حسيت فيها نقاط مهمة .. تولين اناني و هو يعترف انها عقده ! .. شيء غريب يعني في حد يعرف انه اناني و يقول لان كنت متعقد من و انا صغير؟ .. الصراحه هذا ينخاف من العيشه معاه
و ان يقعد يبكي امام الناس الصراحه هذه افعال شخص غير متزن منوجهة نظري لانها ليست من صفات الرجوله
و انك تطلعينله اعذار وتبريرات .. فهذا لان مو هاين عليك تمسينه بكلمه .. بس ترا هو مو رجال لما خلاكي بالغربة من غير مصرف و انت مراه .. ترا مو منواجباتك الي انت تسويه المفروض هو يدبر نفسهبس انت دلعتيه لدرجة ان موهامه ايش وضعك اللآن .. يقول بداخله مثل ما دبرتلي بتدير نفسها !

و سالفة الكذب .. الي يكذب باشياء تافهه و صغيره على قولتك مو بعيده يكذب على اشياء اكبر .. المهم الكذب في طبعه !

سامجيني اختي على كلماتي القاسية.. بس اتمنة انك تعيدين نظرك بالموضوع و تبعدين العواطف .. و اكيد قبل كل شيء الاستخاره