اكتشفت أن زوجتي مصابة بمس عاشق !! ما الحل ؟
السلام عليكم ورحمه الله وبركاته
اولا: المعذرة على ركاكة الأسلوب ،، النفسية ماتسمح 
انا حديث زواج مضى على زواجي 5 أشهر
وكان عندي مشكلة سبق وطرحتها قبل الزواج في هذا المنتدى قبل 6 أشهر
زوجتي بعيده عني
http://www.66n.com/forums/showthread.php?t=156178
انا من يوم خطبت الى أن تملكت والبنت ماقدرت آخذ منها لا حق ولا باطل
وكنت افسر الشئ هذا بأنه حياء من البنت ،، وان البنت تحتاج وقت الى أن تتعود علي
بعد الزواج استمر الوضع على ماهو عليه
الزوجة بالعربي ( ما عطتني وجه نهائي 
)
جلست معي حوالي شهر ونص في البيت ،، البنت دائما ساكته
ما تآخذ منها لا حق ولا باطل
كانت تتحاشا الجلوس معي ،، حتى وقت النوم
هي تنوم في النهار وانا انوم في الليل
حتى الأكل كان اكلها قليل ،، وصحتها في تدهور
بعد الشهر والنص اطلبتها امها انها تجلس عندها يومين .
بعد اليومين اتصلت على البنت ، عشان اجي آخذها
قالت البنت انها ما تقدر تجي معي ،، وانها تعبانة
وأنها تحس بضيقة وتعب اذا كانت معي
مابغيت اضغط ،، خليتها اسبوع عند امها
في خلال الاسبوع هذا خذتها امها عند شيخ يقرا عليها
البنت تعبت تعب شديد مع القرايه
تفاجأت ان الشيخ يقول البنت فيها مس
فيه جني عاشقها ،، وهذا الي مخليها تكره رجلها
على حد علمي المس العاشق هو اصعب انواع المس
البنت استمرت على القرايه مع اكثر من شيخ
لها الآن حوالي اربع اشهر وبدون نتيجة
البنت الآن تكره حتى تسمع اسمي
لي حوالي اربع شهور ماقدرت اشوفها ولا قدرت اكلمها حتى بالماسنجر
حتى الرسايل ماترد عليها
وتعاملها مع اهلها طبيعي جداً ،، حتى المناسبات تروح لها
صراحه محتار !!!!
الوضع طول ،، ونفسيتي تعبت
المشكله ان اهل البنت يطلبون مني أني اصبر ،، وهم قرايبي - بنت عمي وفي نفس الوقت بنت خالتي - وجدتي تكون امها بعد
يقولون وشلون تترك البنت وهي تعبانة
فكرت اني اتزوج عليها ،، لكن وضعي المادي مايسمح ، وأخاف من زعل الأهل
لا تبخلون علينا بمشورتكم
06-08-2008, 08:09 PM
ضوابط المشاركة
العرض الشجري