الله يعطيكم العافيه ويبارك فيكم جميعا ولا يوريكم مكروه يارب
ومااجمل ان يقول الانسان خيرا او صمت واشكر كل الي ردو ودعو لي الشكر الكثير واعتب على اخي الكريم الي يقول ماعندك سالفه لانه يعلم الله اني مادخلت وكتبت موضوعي الا وانا بجد تعبانه وحيرانه وودي احد يشاركني ويدلني على الخير وانا ماني صغيره او تفكيري محدود ولله الحمد سني الحين 39 واعرف وادرك وش قاعده اقول ولاكن هذا واقعي وهذي معاناتي والحمد لله على كل حال والي سالو ماسبب هذا الكره انا اقول لكم ليش
اول شي انا تزوجته بلغصب وعمري 13 سنه وحاولت بكل طريقه طول هذه السنين اني اعدله واعدل سلوكه ولاكن للاسف هو عصبي جدا يثور لاتفه الاسباب ويقلب الدنيا وشوي ولا كنه مسوي شي غير كذا لسانه سليط مره انسان مزعج بمعنى الكلمه مايعرف في الحياه الزوجيه الا --------------- وبس دايم السابق في اي موضوع صياحه قبل يعرف اويفهم اويستفسر متناقض لابعد درجه يعني الان رايق وهادي ويسولف ويضحك وبس دقائق ومن غير سبب ينقلب بشكل ثاني حتى الاولاد ماعاد له هيبه من تصرفاته يصيح ويضرب ولا كانه قاعد يسوي شي وللامانه عشان مااضلمه هو كريم على عياله ومايقصر في طلباتهم ولاكن مو الاكل والشرب والبس كل شي كل مسوليه عليه انا الي انتبه وادور ورا الاولاد انا اوجه انا اراقب انا اهذب والله تعبت تعبت عمره مادخل عليه بهديه ولو بخمسه ريال عمره مامدح شي فيني مع اني ولله الحمد قمه في كل شي وهذا من فضل ربي والكل والله القريب والبعيد يحسده على ان عنده زوجه مثلي
والي يبغون يعرفون هل هوه عارف اني اكرهه اقول لهم
انا بطبعي مااحب اجرح احد اوابين له اني مااحبه بلعكس والله يشهد عليه اني احاول اسعده ولا مرض ولا صار له شي اكون معاه مثل الام الحنونه وابيض وجه مع اهله وادله على برهم وربي يشهد وعيالي ولله الحمد الكل يشكر فيهم ادب ودين وفي التحفيض ولله الحمد والمنه وبقول لكم على اقرب موضوع صار وانتم احكمو بنتي الكبيره في سن الزواج وقد جاها من العرسان يمكن اكثر سته اوسبعه وكل ماقلت له على احد رفض وهو طبعا اي شي يصير بيننا على طول يروح يبلغ اهلي بس اهلي عارفينه ولا ياخذون على كلامه واخر واحد تقدم لها من جيرننا وماشاء الله مهندس في ارامكو وطيب ومو ناقصه شي والله اني ماغير فتحت له الموضوع وان جارتنا كلمتني على بنتي تبغاه الا وانقلب وحش وطار ووقع من غير اي سوال او بحث هيا بلله اش رائكم وطولي دق على امي ويشتكي لها وامي قالت له طيب اشفيها زعل وقفل السماعه يعني امور مايعلمها الا الله وانا بطبعي مااحب اشتكي ولا احب اطلع امورنا برا بس تعبت وودي احد ياخذ بيدي عشان كذا كتبت لكم واستشرتكم والمهم المهم اني حاطه الله امام عيني وخايفه من قصوري معاه ان ربي يغضب عليه وللمعلوميه احنا عايله محافضه والدين ولله الحمد اهم شي واول شي في حياتنا كلها ولكم مني جزيل الشكر واسفه طولت عليكم سامحوني
التعديل الأخير تم بواسطة ليتني اسلى ; 25-05-2008 الساعة 02:10 AM
السبب: لفظ المشيئه
24-05-2008, 09:32 AM
ضوابط المشاركة
العرض العادي
