والله اختي لو يجي واحد من عيالك صدمة عصبيه وانتي طالعة من البيت ما راح تستفيدين شئ...


خصوصا نايمين... يعني ماعندهم خبر..


واولادك بعدهم اطفال..


فيك تطلعين بالعصر وهم قاعدين.. تقولين لهم بروح مشوار مع بابا وارجع.. لكن تسيبيهم بالليل .. لا تماما.. افرضي واحد منهم وانتي خارجة.. قام من النوم.. وفجأة انقطع الكهرباء.. كيف بيكون وضعه..

افرضي طلع شئ واهم نايمين صوت سيارات شرطة او اسعاف.. او صار شئ بالبيت..



واختي لا تقارنين نفسك بباقي الحريم... بعضهم تعطي عيالها منوم.. عشان تنام بالليل.. بعضهم.. عيالها مع الشغالة مرميين.. ما تدري عنهم شئ..


فيك اذا رحتي لاهلك تنزلينهم وتطلعين انتي وزجك..


بقولك قصة طفل قريب لي..

راح مع باص المدرسة.. وجلس اخر الباص.. ونام .. وصلوا المدرسة نزل كل الاطفال وهو نايم.. السواق ما عرف عنه.. والسواق حرك الباص ووداه لعند بيته.. الطفل بعدين صحى من النوم..فتح عيونه الا هو ما يعرف احد.. ولا يعرف الحارة.. نزل من الباص.. وراح يركض بالشوارع.. وشاف علامه عرفها.. راح يركض يدور بالشوراع ويعبر الشوارع العامة ركض.. وهو يبكي.. فيه رجال انتبه انه هذا الطفل يركض.. وباين ضايع.. ناداه.. وسأله عن اسمه.. واسأله عن رقم بيت اهله.. في ذيك الحظة الادارة اتصلت على الام تسألها عن سبب الغياب.. قلت هو راح تأكدوا.. شوي اتصلوا فيها يأكدون لها انه مو موجود .. جن جنونها.. شوي اتصل عليهم رجال.. قالهم انه لقى ولدهم يركض بالشوارع.. وجابه لين البيت وصارت قصة طويلة.. النهاية هذا الطفل جاته صدمه نفسية.. 5 سنوات وهو يعاني.. وبالليل يتألم من رجوله.. يبكي بكي مو طبيعي.. ومن يجي الباص تشوفين حاله نفسية تجيه.. صار جبان جدا جدا وعصبي الى ابعد درجة.. غيروا الباص وغيروا المدرسة.. والولد لسه تعبان.. الحين هو بسادس ابتدائي.. والحادثة صار له باول ابتدائي.. والى يومك هذا يعاني.. وصار من يروح المدرسة لازم معه جوال..



فاختي تحملي انك ما تطلعين.. ولا صدمة كيف يصير بعيالك مكروه.. والله تندمين.. وسألي اي ام لما تعرض طفلها لصدمة نفسيه.. كيف صارت حياتها..



الله ييسر لك امرك..


حاولي تتفقين مع زوجك.. باسلوب تتعاملون معهم وانتي خارجين عشان يقل الازعاج..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

هلا اختي لحظه مشكوره على الرد

يعني فيه احد مثله انا اقوله فنفسي اكيد منا متهنيين بطلعتنا لو وافق فهو مو مقتنع

هلا اختي سيدة برتقاله مشكوره على الرد

اما هم صاحيين فهدي مستحيله لان الكبير خواف وهو الي بيخربهم وبيخاففون مثله انا اقصد فالليل لانهم بيكونون نايمين مايعرفو انا طلعنا

غاليتي بسمة امل

ادام المولى عليك البسمه


اطفالك امانة عندك فان حدث لهم شئ بتقصير منك


فانتي المسؤؤله امام الله

وان كان ولابد

اختاري يوم يناسب اهلك

واتركي الاولاد عندهم واخرجي برفقة زوجك

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

مدري أحس ام أن الموضوع صعب احس إني ما راح انبسط وعيالي في البيت لوحدهم

هلا اختي كلمة عتاب مشكوره على الرد

وبلعكس صراحتك ريحتني انا اكون متردده فنفسي لاني اخاف يصير شي ويكون بسبب تفريطي بس ودي مثل الناس الا متى وانا بنقول هالكلام وانا ماعندي ولا وحده من خواتي والا اهلي والا اهله وحتى لوكان احد عندي مااعتقد انه يوافق

هلا اختي jeansمشكوره على الرد

انا احس لو فيه شغاله معهم مستحيل اخليهم لاني ابخاف تسوي فيهم شي

هلا اختي ام عبدالله مشكوره على الرد

يمكن لانها وحده وصغيره بس انا اكثر من واحد واحسهم كبار

هلا اختي دلوعه ونحوسة مشكوره على الرد

والله قصتك خوفتني

السيف المهند اشكرك على الرد

انا والله من داخلي احس اني متردده ولا بعد جربنا وطلعنا لوحدنا يمكن اني مااقدر بدونهم بس اقوله ادا شفت الناس