في البداية أختي الفاضلة

أنا حسيت من كلامك ، إنك تتعاملي مع زوجك كأنه طفل عندك ؟
كأنك تبغي تتحكمي فيه و تسيطري عليه ؟

أختي
متأكدة إنه زوجك مبسوط و مرتاح معاك ؟

سامحيني لقسوتي قليلا ، لكن لإني أول ماتزوجت كنت مثلك بأول سنة زواج
و الحمد لله خلال شهر و شهرين انتبهت على نفسي

و أنا فاهمة قصدك و نيتك و خوفك عليه ، لكن أحيانا الخوف الزايد مو كويس
هو مو طفل و إنت مو مسؤولة عنه

و أنا كنت مثلك و كنت أتضايق و أنزعج و أبكي و أتمشكل معاه وووووو إلخ

لكن جلست مع نفسي و فكرت ؟
زوجي يحب يتفرج على الإم بي سي و على الأفلام الأجنبية لإنه ممنوع عنها
فلييييييييه ما يتفرجها أمامي ؟ و أشاركه هوايته و نفس الوقت أحاول إني أوجهه ؟

ترى الرجل مثل الطفل الكبير
و زوجك دامه يسمع كلامك ماشاء الله عليه ، فممكن بأسلوب آخر إنك تدفعيه
للأمام

أختي ، ترى بعض الأحيان ، الإلتزام الشديد و التقييد يدفع الإنسان للغلط
فإنظري للأمام و فكري ؟
هل إنت تبغي زوجك يستمر على إلتزامه و صلاحه ؟ أم ينتكس ؟

يا أختي
أسلوبك و إن كنتي خايفة عليه ، فهو أسلوب ينفر الإنسان
أنا مثلا لو أمي تخاف علي و من خوفها علي جات تهزئني ، فراح أنفر غصب عني
و إن كنت أحترمها و أحبها لإنها أمي

فلا تجعلي زوجك يهرب منك

أختي حاولي تحتوي زوجك و هذا شئ في نفسه و لا تشتميه
و يعني ملتحي و ملتزم ، خلاص صار نبي و لا ملك ؟

مثله مثل أي انسان ، نفسه يشاهد إم بي سي
و ترى صدقيني بيطفش منها

أنا زوجي أكبر مثال ، كان كذة في البداية

أنصحك تروحي تراضي زوجك و حتى لو ما كنت غلطانة و مع إني أحط اللوم عليك
لإن أسلوبك جارح و قاسي جدا

لكن إذا صح إنت ملتزمة و خايفة عليه من الذنب فكان من باب أولى إنك تراضيه
و ما تخليه ينام و هو غاضب منك

يا أختي ، إنت زعلتي منه عشان الدش ، و إنت عملتي ذنب أكبر من كذة
إنت أغضبتي زوجك و شتمتيه ، فحتى تستقيم حياتنا
لابد لنا من أن نوازن أمورنا

أنا حاولت اليوم وأرسلت له رساله على الجوال وكان الرد منه قاسي مع ان الرساله كان مضمونها اعتذار وحب
وأرسلت له بعد رساله خطيه طويله اعتذار
وكتب وراها رد قاسي مختصر
جلست ابكي وارسلت مره ثالثه على الجوال وارسل رد قاسي بعد
خلاص احس لحد كذا وباقف جالسه اشحذه يصالحني
انا كنت خايفه يموت وهو غضبان علي بس طلبته السموحه و وافق بس يقول(( لاتجين لمي ولا أجي لمك))
والله الرجال الحياة معهم صعبه ياليت الدنيا ترجع عشر سنين وأعيش بدون مكدر ولامندر
وشكرا لكل الي ردو علي
بس وين الرجال أبغى أشوف رايهم

كل هذا عشان شاف mbc
الله أكبر تراك مزوداها والرجال صابر خنقتيه حرام عليك والله إن ربنا معطيك رجال صبور وانت اللي تمشي كلامك عليه لا وبعد مو عاجبك

عفواً .. يُنقل للمكان المناسب ..

بما ان زوجك كسر الدش 3 مرات معناته مقتنع ان هالشي مو كويس ويجاهد نفسه عليه

معناته انتي لازم تقنعينه وتوقفين معه وتساعدينه انه يترك هالشي مو تزعلين عليه وتخلينه لابليس

يضعف ويجيبه مره رابعه

هذا بالنسبه لمشكلتك

مع اني ارى ان قناة الام بي سي قناة محترمه كلها برامج ومسلسلات اجتماعيه وثقافيه مافيه رقص وخلاعه مثل باقي القنوات

رأي شخصي فقط

تبغي تريحي راسك ؟

إنت عملتي اللي عليك ، و هو مسؤول و محاسب أمام ربه عن نفسه

تدري إيش الفرق بيننا و بين نساء الغرب ؟

نحن نتزوج و نفكر إننا نبغى نغير أزواجنا و وووو إلخ

لكن الغربية تتزوج و تقول ( مالي دخل فيه ) يبغى يتغير يتغير ، يعني مريحة راسها

أختي صدقيني كنت مثلك و أبكي و أحرق في أعصابي و ليش و وووو إلخ ؟

لكن فكرت مع نفسي ؟ هو نفسه في التلفزيون و الدش عشان الأفلام الأجنبية

طيب ، ما عارضته و صرنا نتفرج و أشاركه و نفس الوقت كنت معاه حبة حبة

يعني مرة يقلب القناة إذا فيها مقاطع مو كويسة ، مثل القبلات أو الإحتضان أو ملابس فاضحة شوي

و مرة يرخي الصوت إذا فيه أغاني

و مو دايم ، و لحد ما هو بنفسه صار يقلب الأشياء هذه بنفسه و ألحين طفش منها

يا أختي

إذا زوجك نفسه في الشئ هذا ، فراح يشوفه برة و ما تعرفي يجلس مع مين من الصحبة السيئة أم الصالحة ؟

فيجلس معاك و تشاركيه و نفس الوقت ، كل مرة تحاولي تقلبي على قناة المجد أو إقرأ

عرفتي ؟

حاولي عزيزتي تراضيه و شوفي إيش الشئ اللي يرضيه ؟

حاولي تغرقيه بحنانك و حبك

و أنا متأكدة إنه يحبك و لا ما كان سوى لك اللي تبغيه و كسر الدش

فلا تكوني إنت و الشيطان عليه ، خليك مثل الأم الحنون على طفلها

مو الأم القاسية على طفلها

و تصارحوا في الموضوع هذا و أنسي اللي فات

لا يروح يدور له على وحدة تتفرج معاه و تشاركه عالدش

و خلي نيتك إن شاء الله إنه ربي يهديه و يصلحه

بأعطيك مثال ، صحبتي زوجها ملتزم و رافض وجود الدش في البيت

و هي أصرت عليه و جاب لها دش و ألحين طفششششششت من الدش

و بدأت تلتزم من القنوات الدينية اللي فيها مثل قناة الرسالة و أظن الإنسان ؟

عرفتي ؟

[b]الله يهدي زوجك يا اختي تراكي با اسلوبك هذا صدقيني راح يعاندك وينفر منك انتي صح تخافي عليه لكن الغلط عليكي يعني الحين انتي مرتاحه انه زوجك بعيد عنك والله في حريم تجبر الزوج بالابتعاد عنهم اسمحي لي ماكنه زوجك تعمليه ها المعامله

لاتزعلين عليه وراضيه ولاتتركين فرصة للشيطان يلعب عليه وتتركين عنده فراغ
حاولي تهتمين باهتماماته ومييوله كوني له هوايات وشجعيه عليها
على مايبدو لي انه عنده فراغ اشغليه بما ينفعه

انزين اشفيها لو طالع تلفزيون ؟؟

انتي بنفسج قلتي يطالع برامج وMBC

عبالي كان يطالع افلام اباحية مثلاً لا سمح الله

خليه على راحته .. وذنبـه على جنبه
ما يصير جذي تحكرين الرجال

__________________

السلام عليكم ورحمة الله وبركاته

أختي الكريمة

بصراحه زوجك من الرجال سهل الاصلاح وشخصيته لطيفه تقدرين تصلحينه حتى يبعد عن هذه القنوات ولكن يكون ذلك بالموعظة الحسنة .

اشتري له شريط عن اضرار الدش .

حاولي تشغلي وقت فراغه بشي ايجابي من عندك .

نصيحه لا تخسري زوجك فشخصية زوجك من النوعيات التي تصبر تصبر وتنفجر .

اصبري عليه وبالدعاء والهدواة كل شي يصير

وفقك الله

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]