هذا زوجك الى جانب تركه للصلاة تراه يحس بنقص قوي جدا
و اكيد ماله اعتبار او هيبة سواء الحين او في طفولته
ولقاك عاد ضحية جاهزه
فيه طرق للتعامل مع المرضى النفسيين الي مثل زوجك
بس انتي احسني استخدامها
انك مثلا تبالغين في المدح و اذا كان رايق وسوى لك شي حلو تحسسينه بعظم هذا الشي
وتقولين له انا مدري كيف كنت من غيرك
و تسالينه عن اشياء في التربية و شغل البيت
يعني يصير هو ابو العريف
وتذكرينه بالله سبحانه و تعالى مثلا وهو طالع قولي حصن نفسك الله معك الله يوفقك
خليه يستحي انه ما يصلي
تكلمي عن صلاتك قولي اليوم قمت مرتاعة فاتتني الفجر الله لا يعاقبني بس طبعا من ضمن الكلام
لا تعطين اي نصائح مباشره
و ابدي بالزين مع امه خليه يستحي انه ما يسلم عليها زين
و اقعدي قولي قدامه ياحظك امك عندك ماشاءالله لو انا امي جمبي كان كل يوم اسولف معها و اسال عنها