إنتِ اتفضّلي على أرشيفي ..
وساعتها لكِ القرار

غلاتي وش فايدة الدلع وانك مدلله وان طلباتك مجابه وانت الناس بتنظر لك بشفقه ويقولون ياحرام مسكينه الله يرزقها الزوج الصالح وغيره من عبارات !
كثيرا صديقات معارف زميلات تزوجن وهن بسن 17 سنه وبعضهن سنها 20 سنه ومعها طفل او طفلين
الله يوفق الجميع
نصيحة : ان تقدم لك شاب مناسب خلق ودين وغير مدخن وماديته جيده لاباس بها والكل يثني عليه وافقي بدون تردد لكن ضعي لك شروط مقبوله نوعا ما وتفيدك مستقبل

اقتباس:

وانتو عارفين انو اغلب أوضاع الشباب حاليا ما تسمح لهم باستقدام شغالات من اول الزواج..

مو تقولين شرطي شغاله !! اسمحي لي العقليه عندك شوي لا تزعلين !!
وبعدين وش تبين بشغاله اربع وعشرين ساعه مراقبتكم ومطيره عيونها على زوجك ترى بلاويهم كثيرا
توك ببدايه زواجك إذا ان شاء الله رزقك الله باطفال او كنت حامل بعد الولادة على خير فكري باستقدام شغاله
وبعدين تدلعي واشرطي الي تبين شغاله تساعدك في تنظيف البيت وغسل المطبخ ..

اما الان لا تشرطين شروط سخيفه في نظر الشاب مثل شغاله وانت توك ببداية الزواج ! وماعندك اطفال

وبنسبه لسؤالك اتزوج وإلا لا !!

انا اقول توكلي على الله إذا وجدت من تقبلين وترضين به والله معك

السلام عليكم ،،، أختي عندي سؤال بسيط ،،، الى متى ناوية تجلسين في بيت أهلك ؟؟؟
مثل ماذكروا الاخوات قبلي كل اخوانك وخواتك راح يتزوجوا بأذن الله وكلهم راح يكون لهم بيت واسرة واطفال ومسؤولية ،، يعني انتي ماتحبين يكون لك بيت وكيان خاص فيكي وحدك ؟ مارح ازيد على كلام الاخوات اللي تكلموا عن فوائد الزواج لكن حاب اقولك انه انتي يكون لديك رغبة بالزواج (يعني مو مجبورة) وكذلك تغيري النظرة التشاؤمية للحياة وتنظرين لها بمنظار آخر ،، منظار التفائل والامل والحلم والطموح وبعدين مو شرط انه صار فيه مشاكل لناس قبلك يعني انتي راح يصير لك نفس المشاكل، وبعدين بالنسبة للزوج أهم خطوة هي السؤال عنه من جميع النواحي ولا نغلب ناحية على أخرى واهم شئ انك انتي نفسك تكوني مقتنعة فيه وطبعا شوفي رأي أبوك واخوانك وادعي الله انه يوفقك في زواجك و آسف على الاطالة ،،،
تحياتي

شوفي اختي انتي تقولي انك مدللة في بيت والدك
كلنا كنا هكذا دلال على دلال
لكن لا اخفيك ان الزواج مسئولية كبيرة
مسئولية زوج
مسئولية اطفال
مسئولية بيت
والدلال كلة دا راح ينتهي وينقلب لهمة ومسئولية
بيني وبينك احياناً اشتاق لهدلال كثيييييييييييييييييير
لكن يبقى الزواج سنة الحيااااااااااااااااااااااااااااة
ولابد منة فهو نصف الدين
وانتي اصلاً مخلوقة لكي توصلي له وتكوني اسرة وتستمر الحياة هكذا
بالنسبة لسن الزواج المناسب
انا اقول بنظري 22 سنة كويس
لانة قبل كذا تشعري ان الفتاة مازالت طفلة وغير قادرة على تحمل المسئولية

اختي الحبيبة..

طلبتي منا ان نحكم على اساس دلالك في بيت والدك ولم تذكري سنك ووضعك التعليمي..

هناك يختلف الحديث..

فمثلا لو انتي في الثانوية من الممكن خطبتك لكن اصغر لا..

عزيزتي..نصيحة انسانة رفضت العديد من الخطاب من اجل الدراسة وليس الدلال!! رغم اني مدللة اهلي

ايضا..

ندمت والان اريد ان يرجع الزمن للوراء كي اضع دراستي جانبا والتفت للارتباط ..الحمدلله على كل حال..

الاخوان والاخوات كفوا بردودهم فلا اريد اعادة ماذكروا..

اتمنى ان يسعدك الله

أختك

حائزة

__________________

وعليكم السلام ورحمة الله وبركاتـة

عزيزتي وتــر..

انا تقريبا نفس حالتك مدللة في بيت اهلي بقووه
لاني وحيدة امي وابوي
وفوق هذا كله عندنا خدامـة

يعني بالمختصر المفيد ماكنت اسوي اي شيء بالبيت
مااعرف اطبخ او انظف او اي شي من هالاشياء

بس لما انخطبت تعلمت الطبخ وصرت احب اطبخ لزوجي
واحس بمتعه لما اسوي له اي خدمه حتى لو كانت بسيطه
بتلاقي لذه في الطباخ له والكوي وكل شي

مع اني ماكنت اتوقع ان راح تكون عندي مثل هالمشاعر ابدا

اقتباس:

وانتو عارفين انو اغلب أوضاع الشباب حاليا ما تسمح لهم باستقدام شغالات من اول الزواج..

في بداية زواجك وقبل مايصير عندك اولاد ماراح تحتاجي للشغاله ابدا
واصلا وجود الشغاله بالبيت وبالذات اذا كان صغير مثلا شقه راح يفقدك الخصوصيه

وفي متزوجات كثير وعندهم اولاد مستغنين عن الشغاله
بس يبغا لك تنظيم وقت وتعاون وانتي بتقدري تسيطري عالوضع
وبالذات اذا كان زوجك منظم ويساعدك في بعض الاعمال المنزليه <== ساعتها ياحظك والله

اقتباس:

لكن احنا شايفين المجتمع ومشاكله , وكتييير اتزوجوا وندموووا , وكتير وقفوا جنب رجالهم وكانت مكافئتهم ضرة!!

مو معقول كلامك عيوني
يعني بسبب المشاكل الا راح تصير مابتتزوجي؟!!
ليش هالتشاؤم هذا كله
وين رحمة رب العالمين وتوفيقه
وزي مافي امثله سلبيه في امثله ايجابيه و زواجات كثيره ناجحه

ومافي حياه بدون مشاكل
كل اثنين لازم يصير بينهم خلافات
يعني حطي في بالك لما تتزوجي ماراح تكون حياتك كلها ورديه

اقتباس:

ما هو سن الفتاة المناسب للزواج؟

بالنسبة لي اعتقد انو السن المناسب للزواج
يبدا من 18 سنه
يعني لما تتخرج البنت من الثانويه

اقتباس:

واذا تقدم لي شخص نسئل مين عنو وايش الأسئلة اللي تشوفو – حسب خبرتكم – إنها مهمة؟؟

هذا الشيء خليه على الاهل
هم راح يعرفوا مين يسئلوا عنه
واكيد راح يسئلوا جيران الولد واصحابه الا يجلس معاهم مكان عمله
الاماكن الا يتردد عليها
واهم شي تشوفي جواز سفره ههههههه

صراحه مالي خبره في هالموضوع
بس انا لما تقدم لي خطيبي
مو بس الوالد سئل عنه
اخوالي واعمامي بعد سئلوا عنه
وجابوا لي كل شي عنه وعن اهلي ووين يروح ووين يجي
ومن هم اصحابه

يعني حلو ان اكثر من واحد من العائله الموثوق فيهم يسئلوا عن الولد
لان تعرفي كل شخص وله معارفه

اقتباس:

افكر احيانا بتشاااؤم أحس انو في فساد كبير الوحدة ما تضمن تربية اولادها ( واحيانا صلاح زوجها).. واحيانا اقول انا ايش اللي يحوجني على تحمل اسرة وانا مستقرة ماديا ونفسيا في بيت أهلي..

عمر الانسان مو مضمون فما بالك في هذي الاشياء
بس توكلي على الله وخلي ايمانك بالله قوي وان شاء الله اذا اخترتي الانسان المناسب لك
والمتدين راح تتوفقي بإذن الله

والزواج رغبه فطريه مافي احد "طبيعي" يقدر يستغني عنها او مايحتاج لها
الزواج مو بس استقرار مادي
والاستقرار الحقيقي :في الزواج لما تكون عندك اسره ويكون عندك بيت خاص فيكِ
واولاد تربيهم وتنفعي بهم المجتمع

صح ولا لأ؟!

اتوكلي على الله الزواج سنة الحياة ويكفي اللي قالوه الاخوه الاعضاء

__________________
اللهم اغفرلي ولوالدي وارحمني واسكني فسيح جناتك ياحي ياقيوم

um soso
من عيوني حأفتحو ...


سما ...
بالفعل أنا عمري 18.. شكرا لك..


القلب المحبوب
شكرا ع الرد


سلامات يا قبلي
؟؟؟؟ وليه سلامتك من الأحزان


أم الحياة
كماتك الأخيرة مؤثرة جدا جوزيت خيرا..


abo marym
شكرا على مرورك


الدوحة - قطر
أشكرك وانا ما ابغى مليونير كل قصدي اني اذا اتزوجت
حتكون نقلة كبيرة في حياتي


syntax
جزاك الله خيرا واهلا بمرورك...


ما أحد فاهمني
شكرا لك..


جنائن ورد
ان شاء الله وحالا..


متابعة 2
اهلا بك ..
أبدا انا ما شرطت شغالة كل اللي اقصدو
(اني اذا اتزوجت حتكون نقلة كبيرة في حياتي)


Pastel
شكرا لك...
انا نظرتي عموما مرررة مو متشائمة بس انا ابغى افكر في كل شي قبل
ما امشي في حياة جديدة.. وانا لو ما افكر بالموضوع دا بجد ما كنت
حطيت دا الموضوع


حنيين 1
شكرا لك...

حائزة الامل
اهلا بك انا عمري 18 ودحين داخلة ع الجامعة..


أكره التعقيد..
اهلا بك..
هه لا مو عشان المشكل بس انا حابة افكر بكل شي قبل ما اقرر دا القرار الكبير


ملفوف
شكرا لك

وبالتوفيق

والله الاخوان تكلموا واحسنوا ان شاء الله لكن اللي اقوله ....
اجلسي متوضيه واستفبلي القبله ورتلي قوله تعالى (( وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ )) ... ركزي في كل كلمه في الايه تجدين السر في حكمه الزواج في كل كلمه منها .....



أخـــوكــ المتفائل ـــــــــــم

__________________

أخــوكــــ المتـفـائــل ــــــم