المشاركة الأصلية كتبت بواسطة عمري بدا
_____________
ههههههه مرة انا كنت نايمة وقبل النوم كنت متهاوشة معه .. بس هوشة خفيفة (قاللي كلمة رديت عليه بكلمة ،، بعدين قاللي كلمة ،، وقلت "يابنت اسكتي ونومي بس وخلي هالليلة تعدّي على خير ") المهم ،، نمت وتعمّقت في النوم .. بس الله لايوريكم .. شفت كابوس وانا نايمة .. وحلمت انه جالس يطقّني (يضريني) المهم الظاهر هو جالس جنبي ولا نام .. بس قاعد يشوفني وانا اتهاوش مع البطانية واعفسها .. واصرخ .. وحالتي حالة .. هو المسكين حاول يصحيني من النوم .. ومسكني بس انا نص نايمة ونص صاحية .. حسيت به وهو ماسكني وعلى بالي انه جالس " يخنقني" ويزيد انفعالي .. واروح امسك يده (منطقة الذراع) مسكتها بقوة وغرست اظافري فيها .. بكل قوتي .. هو المسكين فكّني (وش فكّني الا رماني ) من شدة الالم .. بعدها صحيت .. وقاللي هو (سمّي بالله وش فيك ) قلت له (وخّر) !! لأني متأكدة انه كان يضربني .. المهم رجعت انوم وانا حالفة انه ضربني واقول في نفسي " طيب ليش مااستنى لين اصحى من النوم " " ماعرف يضربني الا وانا نايمة "؟؟ وجا الصبح .. وترررررررررررررن المنبّه .. اوووووف دوام .. بعدين تذكّرت اللي صار .. ورحت اسوي له الفطور .. واتجهز للدوام ،، ولما حطّيت له الفطور اشوف يده مجرّحة من معركة امس .. خخخخ وبعدين عاد تأسفت له وقلت عسى مااذيتك واجد .. قاللي انتي عارفة انا عمري مامديت يدي على احد .. قلت والله عارفة بس كابوس عاد شنسوي .. اوعدك بعوّضك عن اللي شفته .. والحمدلله عدت على خير زين ماجاتك في مكان ثاني .. في عينك ولا في خدّك .. تسلم لي عينك .. شكراً |
المشاركة الأصلية كتبت بواسطة farhia
و الله اخي موضوعك اضحكني بالرغم من الحزن اللي امر فيه لفقدي اخو زوجي الصغير اللي ما شفته في حياتي بس الحمدلله على كل حال و نعود لموضوعك الرائع و اضحك الله سنك انا عندي مواقف كثيرة مضحكة مع زوجي بس بقولك موقف واحد الا و هو
انني كنت نايمة جنب زوجي في ليلة من الليالي و كانت درجة حرارتي مرتفعة يعني مريضة شوي و كنت اهدي و اقول اي كلام ومن بين الكلام اللي قلته حبيبي كبرت و صرت احلى من اخر مرة شفتك فيها! الا و الرجال صحى من نومه و قال لي مييييين تقصدين؟! على باله اقصد رجال ثاني!! و انا كنت اقصد اخوي الصغير اللي ما تجاوز عمره الخمسة شهور! و في الصباح خبرني باللي صار و قلت له يا رجال انا كنت احلم باخوي الصغير و هو قال قولي كده و الا كنت بسوي جريمة!! و ضحكنا على الموقف و كل ما اتدكر هالموقف اموت من الضحك و جزاك الله خيرا على الموضوع و شكرا جزيلا |
المشاركة الأصلية كتبت بواسطة Wingz_of_Hope
مــواقــف جــد بتضحــك..الله يسعد كل المتزوجيـن يـا رب
بــس حياتنا بعد حلوة.. المهم الواحــد يتهنى بكل مرحلة..ما قبل الزواج و ما بعده..و لاحقيـــــن مشــكور على موضوعك دمت |
المشاركة الأصلية كتبت بواسطة الحزينه83
انا اول ماجلس جنبي زوجي وشاف ثوب العرس الكبييير .. حاول يقعد مو قادر يقعد من كبر الفستان
.. قال شنو مو ثوب هذا طربال!! ضحكنا ورحنا شقتنا .. وطبعا تعرفون اغلب الرياجيل يبون يخلصون مهمتم من اول يوم !! ولماقرب مني .. خفت ورجعت ورى.. فطق راسي بالسرير من جدام .. طبعت تعورت بس سويت نفسي عادي طلعت لي صعروره لوووول شكرا على الموضوع .. رسم البسمة على وجيهنا.. وتذكرنا ايام حلوه .. رغم الحزن والهم .. .. |
المشاركة الأصلية كتبت بواسطة الكوماندا
هههههههههههههههههههههههههههههههههههاااى..
ماشاءلله تبارك الله .. الله يسعدكم يارب ويدومها عليكم السعاده.. ويرزقنى بالزوجه الصالحه .. لكن أخوى بعد العزوبيه حلوه تسافر بكيفك وتتأخر فى شغلك بكيفك مافى ليه تأخرت نبغا طلبات وو.............الخ.. ولكن الزواج أستقرار , وسنة , وايضا سنة الحياه.. ربى يكرمك ويرزقك ويسعدك.. دمت بخير. |
المشاركة الأصلية كتبت بواسطة هدهد القحطاني
عفواً شدني الموضوع...رغم اني مومتزوجه...والله يبارك لكم...
لكن والله العظيم دمعت عيني...من كلامك لما ذكرت.. (((لنبين لمن يريد الإلتحاق بقافلتنا أن السعادة لا تكتمل إلا بشريك/ او شريكة حياة )) لأن انا اعرف وادري...وتأكده ان الحياه ما تكمل الا بوجود شريك حياه.. لأن كل شي متوفر عندي...اهل طيبين وعز ومال ودلال ودين....لكن أحس بنقص داخلي كبير... مهما حاولوا اهلي اشباع هالنقص.. أنا أبي أتزوج بالحلال من شاب صالح...وبس |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|