السلام عليكم ورحمة الله وبركاته
شحالكم ؟؟ ان شاء الله اتكون كلكم بصحة وعافية
لو سمحتو .. ابي حد يفهمني ويجاوبني على أسألتي.. لاني صدق جاهله بهالامور...
انا عرست من سنه الحمدلله والله رزقني ببنت الحين عمرها تقريبا شهر... (الله يحفظها ويخليها ويطول لي بعمرها)
والحمدلله كانت ولادتي طبيعية ... ماسويت عملية تجميلية ولا شي... بس خاطو المكان عادي
الحين انا بعدني بفترة النفاس عند امي عايشة .. بس احس ان مكان الجرح يحرقني ويعورني.. وصار عندي وسواس.. ماقعد عدل ولا اتحرك عدل.. والي سمعته ان الالم يخف عقب 10 ايام وانا اشكثر صارلي.. واحس بحرق.. زوجي يمر علي ويقعد عندي ..بس تفكيري كله بالجرح .. وماسالت امي ولا بغيت اشغل بالها واصلا ماعتقد ان امي عندها خلفيه بالامور.. لان ولاداتها كانت قيصريه..
ولما اتسبح ... احس ان فيه كتله في المكان .. هل هالشي طبيعي ولا لازم اروح عند دكتورة ؟
عقب النفاس ان شاء الله برد بيتي ويا زوجي... وفيني وسواس مو طبيعي ...
مادري ...
كيف بتكون علاقتي الخاصة مع زوجي بوجود الجرح ؟؟؟؟
"انا اوسوس وكله اتخيل ان الخياط بينفتق ويصير فيني نزيف"
اتوسع مكان الولادة وايد ؟؟ بقدر امتع زوجي؟؟ ولا بيحس بفرق كبير... ؟؟
والعملية التجميلة حرام ولا يجوز اسويها ؟؟؟
08-04-2007, 08:50 PM
ضوابط المشاركة
العرض الشجري