رفضهم هذا يجيب الشك

لما شفت البنت في الشووفه الشرعيه هل تكلمت معاها ؟ يمكن فيها شئ وخايفين امك تكتشفه؟؟

ما ابغى ادخل الشك في نفسك لكن الامر محير

خصوصا ان الشوفه اذا كانت سريعه وفي وجود ناس كثير من محارمها ماراح تديك الفرصه في انك تشوفها تمام

او تتكلم معاها

لازم امك ترووح وتشوفها تمام ... وهذا من حقها والاصول كذا

لييش الرفض؟؟؟؟؟

في الاخير الله يكتب لك اللي فيه الخير

تحياتي لك وبالتوفيق

أرجح هذا السبب والله أعلم
لأني حسب ما قرأت الكثير من المواضيع هنا ,, فالكثير من الزواجات تلغى لأن نظرة الأم أو الأخت تختلف عن نظرة الرجل للمرأة ..

ومن الممكن أن تشتري أنت هدية باسم الوالدة لكي تذهب وتقدمها بنفسها وترى خطيبتك ,, وقل لهم أن والدتك ستراها سواء الآن أو فيما بعد ,, فما المانع من أن تراها الآن ..

نحن الفتيات لا نخجل لهذه الدرجة من مواجهة النساء

وفقك الله أخي

قول لهم بالحرف الواحد يا أما أمى تشوف البنت يا أما اللى ما يبغى أمك أنت ما تبغاه
بالفعل حق أمك تتأثر و خاصة أنك ابنها الأول

وش هذا الله يهديك

تدخل هذي الأفكار براس الرجال

رفضهم هذا يجيب الشك

يمكن فيها شيء وخايفين أمك تكتشفه

اخوي أنت تقول أنكم قصمان

حنا حولكم

بقولك كيف تفكير البنات ألان

أن البنت بتتزوج الوالد ما راح تتزوج أمه أو خواتة

يعني الرأي المهم رأي الزوج

و شوفة الأهل مو ضرورية مهي قطعة أثاث كل واحد يطالعها شوي

هي بتتزوج واحد مو العائلة كله

بقولك عن طبيعتنا

الزوج يشوف البنت فقط وأمه ماله داعي البنت تستحي تطلع له

بقولك عداد البنات إلى تزوجوا من سنتين بالعائلة 8 بنات والله ولا واحده شافتها أم الزوج

ولا تعرف شكله لا بعد الزواج نكتفي بشوفة الزوج وكافي

كانت العائلة أزواجهم عادي عندهم

ألا بنت عمتي طلبت أم زوجها انه تشوفة والله رفضت بنت عمتي

وقلت إذا فيه شوفه الزوج فقط لكن الأهل لا

مع انه والله حلو مو خايفه من شيء

تفكيره صحية ماله داعي شوفة ألام

اخو زوجي زواجه بالا جازه الماضي

الخطبة كانت ثلاث سنوات والله ما شافها احد من العائلة ألا واحده من خواته بالكلية تدرس معه

كافي شوفة الزوج

يا خوي لا تتضايق ولا يدخل الشك براسك

رفض البنت شيء طبيعي

وأمك مقدره هذا لأنه طبع كثير من الناس

بعد الزواج بتمل أمك من شوفتها آن شالله

لا يضيق خاطرك هذي أحلا أيام العمر

اخي

أسأل الله الذي لن تطيب الدنيا إلا بذكره.. ولن تطيب الآخرة إلا بعفوه.. ولن تطيب الجنة إلا برؤيته..

ان يوفقك بحياتك ..ويجعل حياتك سعاده ..ويجعله قرة عينك.. ويسخر لك ..ويرزقك الذرية الصالحه

__________________
سبحان الله وبحمده

وش هذا

وش الظلم هذا

من قال انهم مايبون امه


رفضهم كثير من العائلة تسويه الحين


والله مو رخص بامه او انهم مايبونها

بس ينظرون ان شوفتها مو مهم

كافي الزوج

حرام عليك

تفرق بين زوجين

الله يهديك بس

__________________
سبحان الله وبحمده

فعلا ً أنا أتوقع إنه رفضها شي معتاد عليه بعائلتهم وماتبي تكون غيرهم

ولو إنه عندكم ماحبيتوا هالتصرف

صدقني أخوي صالح أنا أتوقع إنه مثل ماقالت ريفان عادة عندهم ويمكن تلقاهم استغربوا

طلبكم مثل ماانتم استغربتوا رفضهم

أتوقـــع كذا وبما إنك شفتها وعارف عنها كل شي يعني مافيه شي ممكن تخاف منه

فااا كل شي بعده أحسه يهون

الله يطمن قلبك وقلب أميمتك ويسخركم لبعض ويوفقكم

يارب لك الحمد والشكر

الله يتمم عليك اخوي ويألف بين قلوبكم

انا اقولك حركه حلوه

خلي امك تعزمهم في بيتكم للتعارف ولاتجيبوا سيرة امي تبغا تشوفها ولاشي


خلوها زياره بسيطه اخواتك وامك واخواتها وامها يجتمعوا عندكم على العشاء للتعارف

بتكون سهره لطيفه وبكذا امك تشوفها وتشبعوا منها.



احنا كذا زوجة ولد خالتي بعد الملكه خالتي عزمة العروس وامها واخواتها في بيتها واحنا جينا بحكم العلاقه القويه بينا مع خالتي

والله ذاك اليوم كانت السهره مررره لطيفه والعروس تسولف وتضحك وخالتي شافتها وشبعت منها بعد





جربوا هذي الحركه وان شاء الله تضبط هالمره


كل المسأله حياء لاغير

وربي يتمم عليكم ويألف بين قلوبكم وييسر أمركم

والله اني فرحت لك من كل قلبي


اختك في الله

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

مع إني فرحت بخطبتك


بس بجد تصرفهم غريب


والأغرب

رد فعل أمك الله يعطيها العافية ماودها تضايقك


الله ييسر أمرك

اللي أعرفه أي عروس تحب تشوف خالتها بس تتمنع

غريبه

؟!!!


أهم شي الله ييسرها لك ومايكون فيه سبب ثاني


....

بالتوفيق

__________________

السلام عليكم
أما سمعتى يا أخت ريفان أنه قال أمه متضايقة و ماهى فرحانة يعنى نفسيا متأثرة من الموقف و الأم هيا اللى بتكون متلهفة على شوفت عروسة ابنها و خاصة إذا كان البكر و أنا ما أفرق بين زوجين هما أصلا ما تزوجوا فاهمة
و لسا فيه أخذ و عطا لو أخى مكانه ماراح يوافق على هذا التصرف لأنه بمجتمعنا مش مقبول و تعتذر بالحياء هذا أبدا بالنسبة لى غير مبرر
قولى وش فرحة الأم فرحتها بشوفة ابنها و عروسه لما تروح و تشوف عروسه و تختارها هى و تقول رأيها فيها

هلا صالح بن صالح

بما اننا من اصل واحد (قصمان) فاكيد عادتنا وحدة

وبقولك ايش اللي حصل لاختي,,

بما انه زوجها ما يقرب لنا ابدا ابدا,,

اهله (الحريم) ما شافوا اختي إلا يوم الملكة (الحفلة)

بصراحة اشوف انه امك ما تشوف العروسة طبيعي لان لسسا السالفة خطبة ,, والخطبة شكلها ما كانت من جهه والدتك,,

وطبيعي البنت ترفض بسبب حيائها ,, صراحة لو كنت مكانها بسوي نفس الشي,,

الا اذا شفتها بعزيمة ولا حفلة ,, هذا شي ثاني

والله يوفقك يارب .. انت ملك عليها بسرعه عشان امك تشوفها و تنحل

والله يوفقك يارب

__________________