ياهلا بأخوي فلذة كبدي

موقف زوجتك بارك الله فيها راااااائع

والله يخليها لك يارب ولا تنحرم منها

صدق هالموقف يدل على حبها لك وحنيتها

ياقلبي عليها وعلى حنيتها الله يحفظها.

:
:
أميرة الفارس

ياهلا ومرحبا بك في الصفحة وان شاء الله تستفيدين من تجارب الأخرين غاليتي

وربي يوفقك بالزوج الصالح اللي يحبك وتحبينه عاجلا غير أجل اللهم أمين .

:
:

ليتني أسلى

ههههههههههه ضحكتيني والله

الله يعطيك طول العمر يارب ...............

هذا احنا الحريم مستعجلين في الحكم ..........ما نصدق ننعطى وجه على طول نتذكر السلبيات ونتشائم

بس زين بارك الله فيك يالغالية تذكرتي مواقف الصراحة روووووووووعة من زوجك والله وأنا اقرأ موقف الحج بغيت أصيح ( أبكي ) والله خنقتني العبرة

وموقف الفلوس الصراحة ما شاء الله وبارك فيه كريم وسخي

شفتي غاليتي والله انك غالية عليه ومحبتك كبيرة في قلبه

عسى ربي يحفظه لك ويزيد محبتك في قلبه ويجعلك نظر عينه ويسعدكم دوم اللهم أمين

:

نبي نقرأ المواقف الحبيبة من الأزواج والزوجات

بارك الله فيكم .

وينكم يالمتزوجين

ولا ما تذكرون مواقف تدل على المحبة من شريك العمر

واقرب الناس

أفا ....................

خاطرنا نقرأ المواقف الحلوة بينكم

كله مشاكل مشاكل ...........

نبي نقرأ المواقف الحلوة بينكم

يللا فرحوا قلبي

الله يفرح قلوبكم .
:

انا لما كنت حامل دخت وطحت على الارض يجاء ولقاني طايحه

ضمني وجلس يبكي من جد حسيت بحبه لي

امممممممممممم انا مخطوبه يعني معقود قراني >>>>ادري لازم اروح المقبلين بس عجبني الموضوع ولاااازم اشارك


امممممم انا حسيت انه يحبني اول ماملجنا بعد الملجه بيومين قرب موعد سفره لانه هو من دوله ثانيه وانا اسولف واقول له انا بشتاق لك وايد رفعت عيني لقيت الدموع تنزل من عنونه فديت عنونه حسيت بشعور جدا رائع

والشي اللي يخليني احس بحبه

لما ما يخلي شي بخاطري فديت قلبه

ايوه كده .....................فرحتوا قلبي بهالمواقف التي تفرح القلب

عسى ربي يديم الحب والفرح في قلوبكم قولوا أمين

متغربة

ما شاء الله ............حلوة تجنن المشاعر لما تحسين بحب حبيبك

هني المحبة ........ياعيني عليكم

تلقينك كل شوي ودك تدوخين علشان تحسين بحبه خخخخخخخخخخ اسم الله عليك وما تشوفين شر أبد حبيبتي

يارب يبارك لك فيه ويخليه لك ويحفظكم جميع اللهم أمين

:
:
الصراحة مواقفكم تهبل

al3ion

واااااااااااي على رقته وحبه ما شاء الله لا قوة الا بالله الله يحفظكم

يارب يخليه لك ولا يفرقكم ابدا .................والله موقفه وهو يصيح على فراقك يهببببببببل

يارب يسعد قلبك .................

هه خويتي حطي بالك عليه

وحطيه بعنونك تسلم لي عنونك ياعسل .

:
:

بعد......... والله اني استانس لما اقرأ هالمواقف

خلونا نخزي الشيطان يرحم والديكم .

في ولادتي بولدي

كان مسنتر عند راسي

ويمسك ايدي ويبوس ايدي وراسي ويمطرني بالكلمات الطيبه ...علشان لا اخاف من الولاده

احس بحبه في كل مره اشوفه ما يخليني محتاجه شي...او محتاجه لغيره..

وكمان لما اكون عند اهلي ويقول لي اذا تبغين شي اجي بس لا تتنكدين..

وايش يا ربي؟

لما يسولف عن المستقبل...واني معاه...وانه يصير شايب وانا معاه...

فيه مواقف اش كثر اللهم لك الحمد

__________________
[/IMG]

يارب يسلمك يا مشكلتي أصدق

والله انك عسسسسسل وشهد ودواء

الله يحفظك

والله يحفظ زوجك ياقلبي .................

تدرين كلمة زوجك ( بس لا تتنكدين ) وااااااااااااايد مؤثرة

والله يا الغالية ان زوجك طيب وقلبه طيب شوفي هالكلام اللي يقوله (لما يسولف عن المستقبل...واني معاه...وانه يصير شايب وانا معاه...)..........اش تبين أكثر من جذي ما شاء الله لاقوة الا بالله ..........

الله يحفظه ويبارك لك فيه ويجعلك قرة عينه وحبيبة قلبه وتسعدين معه في الدنيا والأخرة

عسى دوووووووم تعيشين في حبه ........يالغلا .

موضـــوع يشــــرح القلب سلمــــت الايــــادي

بالنســـبة لي المواقف وااااااااااااااااااااااااااااااااااااااايده بس بذكر موقفين منهم...

1- في يوم ولادتي وكانت اول مرة ولدت توأم ( ولدين ) ....وكنت تعبانة لاني مريضة سكــر والولادة تعبتني

ولما صحيت من غيبوبة السكر اللي استمرت 6 ساعات لقيت زوجي عندي وعيونه غرقانه دموع...حضني

وقعد يبوسني سألته شو اخبار العيال؟ قال: ما شفتهم لين الحين...قلت له ليش؟ قال: ما بغيت اشوفهم

قبل لا اطمن عليج....انتي اول شي وهم من بعدج يا حياتي....مع انه كان ينتظرهم اكثر مني

والله هالموقف اثر فيني وااايد..وعلى فكرة بعد التوأم قال لي ما ابيج تحملين لاني اخاف عليج من التعب.


2- لما كنا في ســويســـرا......نسيــت مذكرتي في الفندق ....وهي واااااااااااايد غالية علي...لان فيها صور

امي وابوي الله يرحمهم واخواني وخواتي...........يوم وصلنا للمطـــار وكنا راجعين الامارات.... تذكرت اني

ناسية المذكرة في الفندق....وبديت ابكي بصمت من غير ما يعرف

لاني لابسة نظارة لكنه حس فيني...وسألني شو فيج؟ وبعد اصرار خبرته وكانت رحلتنا باقية عليها 5 ساعات

قال لي عطيني دقيقة بسير اتصل بالفندق علشان يجيبون المذكرة....وانا انتظر تقريبا ساعة ونص وخفت

وعرفت انه راح الفندق بس ما علمني لانه يعرف اني بمنعه...ويعرف ان المذكرة غالية علي واااااااااااااااايد

المهم....يوم رجع عطاني المذكرة معاها وردة وعصير .....فديت روحه الله لا يحرمني منه...

والله تأثرت وحسيت بكبـــر وعمـــق حبـــه لي....

والمواقف كثييييييييره.......بس ما ابي اطول عليكم اكثر من جذي....والسمووووحه

اختــكم......لمني بشوق

__________________

انا بصراحه دايما يقولي احبك احبك

لكن مواقفه معي تدل على العكس ولما اتكلم معه واصارحه اني احسه مايحبني يقلي والله احبك واموت فيك

خاطري احس جد انه يحبني كل مواقفه معي تدل على العكس ومواقفي ووقفتي معه على طول تدل اني احبه لكن للاسف

مهما عملت كأني ماسويت شي ... ان شاء الله يجي اليوم الي يكون كلامه قول وفعل

لانه الكلام مايهم اذا مايصدقه العمل

لكن الاثبات اللي واضح عندي انه يحب ولاده موووووووووت ومايقدر حتى على زعلهم وهذا يكفيني حالياً لانهم اغلى علي من نفسي ...

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..