اشكرك اختي الكريمه اسماء وجزاك الله خير الجزاء

بالنسبه للسؤالك عزيزتي كانت لي علاقه واحده فقط تلفونيه بس استمرت لعدة سنوات

وانا ولله الحمد تبت ورجعت للطريق الصواب قبل سنتين تقريبا

وكنت احاول انسى الماضي وترددت بفكرة الزواج الى ان وصل عمري الان 26 سنه

وبانتظار ردك اختي الغاليه

اختي العزيزه معذبة في الأرض

اشكرك على رايك وجزاك الله خير

وبالنسبه اني اخلي تلفوني هو اصلن رافض يشوفني

مع اني طلبت منه هالشي

وقال بعد العيد يصير خير والله كريم ان شاءالله

اخي الكريم القلب الحيران اشكر لك رايك ومداخلتك

وجزاك الله خير انا ماابي استعجل باتمام الزواج

وايضا ماابي استعجل بالانفصال والله يكتب اللي فيه الخير


جزاك الله خير اخوي الهتاني

وان شاءالله لم اكلمه اليوم راح اقوله الايه مع ان اشك انه بيتجاوب معاي

بصراحه بسرعه يعصب مني ويتضايق

احس ان كرامتي منجرحه واني فارضه نفسي

بس صابره لانه يقول صبري علي بارجع لج نفس قبل واحسن

وبين فتره وفتره يتكلم عن الماضي سواء ماضيي او ماضيه

وبكيت امامه مرتين وبالمرتين تنرفز وصرخ علي وسكر بوجهي التلفون

اخرها امس

احترت كيفت اتعامل معاه خصوصا اني دايسه على نفسي وكرامتي وايد

الله المستعان

ترى حبيبتي اتذكري قل لن يصيبنا الا ماكتب الله لنا
وانا لله وانا اليه راجعون غلطتك الاعتراف وغلطته السؤال بس اذا كان ولابد الانفصال اسلم حل وتمسكي بكرامتك ولاترمي نفسك عليه اللي خلقوا خلق غيره واذا مرة وحدة رميتي نفسي راح تبقي طول عمرك ذليله وجاريه عنده وعند غيره
استخيري وعيدي نظر بالموضوع
والله يتمم الأصلح انشاء الله

__________________

أختي الغاليه

اسمحيلي بس احس الحياة مع شخص كهذا صعبه وصعبه جدا

يعني هذا بفترة المجاملات وهو يسكر التلفون بوجهج ويهددج ويحاول يمسح رايج وشخصيتج

فكيف لما تكونين في بيته؟!

ليته سكت وليتك سكتي
لقد فتح باب للشيطان ، والشيطان افرح مايكون عندما يفرق بين المرء وزوجه

أختي العزيزة ام البنين

اشكر لك مداخلتك عزيزتي وفعلا كلامك صحيح بس انا ماابي استعجل بموضوع

الانفصال هو قال اصبر عليه وانا صار لي معاه شهر وشوي كل مابغيت اقرب

القاه يبعد ولم فتحت موضوع الانفصال مع اهلي قالوا لا تفكرين وحلوا مشاكلكم

بينكم واهلي مالهم الا الظاهر

الحمدلله على كل حال

3thooooooob

اشكرك اخي او اختي

هو فعلا بتكون الحياه مستحيله بس هو قبل لا يعرف كان انسان ثاني

ودايم معاي سوا باتصالاته او بمسجاته او زيارته لي بالبيت

الوضع تغير بعد المصارحه اللي صارت


اخي الكريم بوساري اشكر لك مداخلتك

والله قادر على كل شي ورحمته واسعه

اخي الهتاني سويت مثل ماقلت لي

قلت له الايه وطلبت انه يفسرها

قالي اتجيبين الكلام لنفسك

تضايق وسكر وقال بيكلمني بعد صلاة التراويح

والى الان مااتصل

حبيبتي الاعضاء والعضوات كفو ووفو


لا املك الا ان ادعي لك بان ييسر الله امورك


ولاتنسي الخيره فيما اختاره الله


تحياتي
اختك بالله جينز

__________________

الله يفرج همك ويسخره لك ويرزقك الخير حيث كان