اختي ديمو2006:
والله كلامك على عيني وراسي و الرد هو نفس الكلام اللى قلت للاخ :كاره الرياضيات
بس انا ابي حل غير الطرد
ابوي راح يطردني اذا رفضت


بالنسبة لفكرة ان يكون الرفض من عندها
فكرت بهذا الحل وعلى فكرة هي ليس لديها اخوان والوصول لها سهل عن طريق رقم جوالها وهو معي الان
بس المشكلة لا اعرف ردة فعلها وهنا المشكلة
قد تكون
تنتقم مني لانها تحس باني رفضها او ما ابيها
تقول لامها وامها على طول لابوي وابوي على طول يطردني

او تكون متفقة معي وفاهمة الوضع بس المشكلة
لو اتقدم لها والله عمتي راح تضغط عليها واخاف من الضغط تجيب سيرتي وبعدين اروح فيها

واه لو اضمن انها تصمد من الضغط اللى راح يجيها اقسم بالله لا اكمها الحين
بس انا عارف من اللى فوقها

والله استغربت من كلامك اول مره اسمع رجل يجبر على الزواج0000

اخى من الان وضح لهم ان كل شىء بالخناق الا الزواج بالاتفاق00

واذا والدك صعب لهذه الدرجه 000حاول تبدى الامتعاض والضيق

عندما يذكرون الزواج من ابنه عمتك000وخاصه لعمتك00ووضح

ان هذا الكلام سابق لاوانه00وركز على دراستك حتى تتخرج00

وبعدها يمكن ياتى النصيب لابنة عمتك مع غيرك00000

__________________
حسبى الله لا إله إلا هو؛؛؛
عليـــه توكــلت؛؛؛
وهو رب العرش العظيم؛؛؛
اللهم اكفنا هم الدنيا والآخره

والله ياخي ابوي ما عنده شي اسمه اتفاق
كلمتة وحدة ما تصير 2
اجل تبيني ابدي امتعاضي وضيقي عند ابوي !! ابوي ما يعرف من اللى الاقدامة الا نعم او لا


انا عارف ان هالكلام سابق لاوانه
بس الخوف ياخوي هو اللى ذابحني والنار ما تحرق الا رجل واطيها

الله يعينك وشكل ابوك كلمته مثل حد السيف


انت بنفسك شفت اللي سواه باخوك يعني رحت فوق جيت تحت مردك بتاخذ بنت عمتك

وبما ان البنت ما ينقصها شي حاول انك تحبها ومع العشره بتنسى البنت اللي تبيها

ويمكن بتحب بنت عمتك لانها بتكون قريبه منك اكثر ولا تحكم من البدايه اصبر

ويمكن البنت بعد ما تبيك واذا كلمتها ترفض عشان تسهل عليك المهمه اتفق معاها على هالخطه


اما اذا كانت تبيك وتحبك فهنا المشكله والله يعينك بس انت ما تسكت وقول لها انك تحب وحده وتبي تتزوجها

واذا انت حاس ان ابوك رح يرضى بالبنت اللي انت اخترتها كلمه عنها ولمح له يمكن بيقتنع

بس ما تعانده لان العناد مو في صالحك كلمه بالهداوه مره ومرتين وعشر وشوف النهايه يمكن بيقتنع ويحن عليك

بس مثل ما قلت لك لا تعانده لان العناد مو في صالحك

والله يوفقك ان شاء الله تكون السالفه كلها تخيلات وتاخذ البنت اللي اخترتها ..

ههههههه شكلك كذه يقول مالك حل الا الطرده هههههههه امزح

ياخوي نحن وين قاعدين بزمن الجاهليه شوهذا انته ريال كل شي بالغصب الا الزواج الحين حتى الشواب الكبار

صارو يرددون هذي الكلمه وفاهمين انه الزواج موبالغصب والبنت لاتغصب ابدا على الزوج فمابالك الرجل

ابوك شكله عقلاني وعصامي وطبعه حار وهو اكيد يريد مصلحتك لكن لازم احد يكلمه بهدوء وينوره ويفهمه

انه هذي الموضوع مش بالغصب ولك الحق انك تقتنع بلحرمه اللى تتزوجها وتكون رغبان فيها لأجل ماتحصل

مشاكل بعدين بسبب سوء الاختيار ....... اكيد هو يريد مصلحتك وانسان عنده خبره كبيره بالحياه بس يحتاج

احد يفهمه وينوره بهدوء وينسحب ويخليه يفكر ويقتنع

الحل الثاني ممتاز انك تخبر عمتك على طول

الله يكون بعونك

السلام عليكم ورحمة الله وبركاته
اخي العزيز لا تستبق الاحداث واترك هذا الموضوع وراء ظهرك في الوقت الحالي ولا تفكر الا بدراستك وكون اكيد اذا الك نصيب ببنت عمتك مافي شي بالدنيا يمكن يغير هذا النصيب واذا ما الكم نصيب ببعض مافي قدرة رح تقربكم من بعض
انت بنفسك رح تلمس معاني هي الكلمات بعد فترة وخصوصا لما ترتبط ولا تنسى انه عسى ان تكرهوا شيئا وهو خير لكم لاانت اخي ولا اي انسان منا بيعرف وين مصلحتو وخيره فاترك امرك لله عز وجل وفكر حاليا بدراستك وهي الاهم
وفقك الله لما يحب وتحب وترضى

ما اقول غير الله يعينك واصبر واحتسب الاجر عند الله

انا قبل كنت اقول ان البنات مساكيين يغصبون على عيال عمهم

ومالهم راي غصب علينا نوافق

وبعد ماقريت كلامك قلت بعد الصبيان مثلنا

لاحول ولا قوة الا بالله

اخي الكريم انت بالوقت الحالي لا تفتح الموضوع وخليه بعد ماتخلص كليه وبعد ما تخلص بتطرد حالك برى بدون مقدمات بس تخلص كليه انت فاتح ابوك بالزواج بالفتاه التي تحب وقول له انا ابي اتزوج بنت تخطبلي اياها يابا واذا مارضي اخرج من البيت قبل ان يطردك وكون مستقبلك واتزوج من حالك مافي شي يجي بالغصب اما انك تقول للبنت اني ما ابيكي ترى هاي ثقيله على البنت ما تكلمها ولا تكلم عمتك لانه على قولتك عمتك نفس ابوك فهذا هو الحل المثالي وخبرنا بمخطتك وماذا فعلت طمنا عليك اخوي تحياتي لك

__________________
سبحانك اني كنت من الظالمين

خوي انا رأي ان تتزوج بنت عمك احسن فالزواج بواحده تعرفها احسن من وحده ما تعرفها. وأهلك هم اللي عطوك كل شي تبخل ترضيهم بزواجك بالي يبونه. أهلك بينفعونك أكثر من اي وحده في السراء والضراء تحب أتكون بروحك ويا زوجتك محد يهنيك في فرحك واعيادك ولا مستغني عن جلسات الأهل الحلوه ولا تبغي محد يوقف وياك وقت الشده. الله يقول وعسى ان تكرهو شياً وهو خيرٌ لكم. يعني لو الله ما اراد تزوج بنت عمك محد في الكون يقدر يزوجك لها فأنتبه لدراستك احسن ولا تفكر في السالفه احسن لك. وبالتوفيق

__________________
المحبة من الله وفقد الأحبة غربة ولقاؤهم أنس ومسرة وهم للعين قرة.....فسلام على من دام في القلب ذكراهم

الله يهدي سرك
انت الحين اهتم بدراستك والله يوفقك
أخي أولا عليك بالدعااااااااااااااااااااااااااااااااء في جوف الليل أن الله يزوجك ممن رضيت خلقها ودينها
وعندي اقتراح .. ليش ما تخلي أخوك يكلم أبوك
يعني إذا كان أخوك مو سعيد في زواجه خليه يقول لأبيك .. يعني يشرح له الأضرار .. و كيف حياته .. ومن هالقبيل
والله كاسر خاطري أخوك .. بس الله يعوضه على طاعة أبوه ويرزقه الحياة السعيدة في الدنيا والأخرة

ثم وش رايك تكلم اختك ... تكلم هالبنت المجبور عليها .. وتحاول تلمح لها إن انت في بالك وحدة ثانية وليست هي ( المشكلة إذا ماعندها علم بموضوعكم) وانك تعبترها مثل اختك لا أكثر .. وبعدين بالتدرييييييييييج تحاول تقنعها ترفضك في حالة أبوك غصبك عليها بعدين ...

الله يوفقك و يهدي ابوك

__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب