اللي هذا اوله ينعاف تاليه ..

لكن ؛؛ زوجك راضي انك توظفين والا ؟!!

__________________

باين من خلال كلامك انو زوجك مايبغاكي تشتغلي وتنصرفي على البيت كتير ,’~

خايف لا تهملي حقوووقه وحقو البيت والاطفال ,’~

يبغا يررجع ويلاقي الغدا جاهز وكل شي جاهز ,’~

دآآ تفكيروو احتماااال .,~

دمتي بوود =)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

جزاك الله خير اخي مشكلتي زوجتي والله ينور حياتك يارب
احتمال كلامك صحيح وانه بالفعل بيضغط علي لكن الله ييسر اللي فيه الخير
الله يسعدكم اخواتي ام عمروليه الغرور وينور طريقكم بالايمان يارب
زوجي مو مقصر معاي الحمدلله
جزاكم الله خير اخواتي عيوني تحكيني ومستقبل غامض

__________________
اللهم فرج همي

الله يسعدك اختي شقرديه ويهنيك بحياتك يارب
زوجي بالبدايه كان رافض بعدين مع كثرة الزن رضي لكن لما حس اني بتوظف طلغت شروطه هذي وطلعت قصة الفلوس
الله يسعدك اختي زهرة الرمان ويحقق امانيك يارب

__________________
اللهم فرج همي

اذا انتي اللي رح تصيري مسؤوله عن مصاريف البيت وعن مصاريفك ومصاريف العيال
اذا الوظيفه مالها داعي لانه الراتب كله بيروح على هالمصاريف ومارح تستفيدي غير التوتر والعداوه بينك وبين زوجك ..

طالما منتي محتاجه الوظيفه وماديا اموركم تمام وعلاقتك مع زوجك طيبه فبلاش تدخلي في متاهات وتوترات مالها داعي..

__________________

اسلوب زوجك ليطفشك من الوظيفة
انتي توظفي ولما ينحط تحت الامر الواقع بيتغير الحال
وبيؤنبه ضميره ويصرف عليكي"اغلب الرجال بياعين كلام لانهم بيعرفوا المرأة بتتأثر بأقل كلمة"
المهم وافقي بس ما تقصري في بيتك وحاولي وازني بين الامرين وإلا انقلب الموضوع ضدك

إذا ما شرطتي عليه في العقد أنه ما يمنعـك عـن الوظيفـة .. من حقـه يشرط عليك أي شيء
أصلاً من حقـه يمنعـك عـن الوظيفـة ....

والسؤال اللي يطرح نفسـه لك وللأنثويات اللي علقوا :
زوجك مو مقصر معـك ... يعـني كريم مادياً معـك .. ماهو بخيل .. طيب ليش افترضتي سوء النيـة على طول وأنه طامع في راتبك ؟!
ليش ما افترضتي حسـن النيـة أنه ما يتحمل البيت بدونك ؟!

طبعاً أنا نصيحتي لك .. أنك تأخذيـن الوظيفـة طالما أنها لا تمنعـك عن دورك كأم وكزوجـة

جزاك الله خير كرستاله والله ينور حياتك يارب
بالفعل انا فكرت مثل تفكيرك
الله يجزاك خير اختي قهوه تركي ويسعدك يارب
جزاك الله خير واقعي لحد الالم انا لم اشرط عليه بعقد الزواج وانا ماافترض سوء النيه هذا كان كلامه لما عرف اني ابغى اتوظف
بعدين كيف مايتحمل البيت بدوني اذا هو اغلب وقته بالدوام وانا جالسه لوحدي كنت اتمنى الوظيفه عشان اضيع وقتي واتسلى لكن الله يعوضني باحسن منها انا بستخير والله يكتب اللي فيه الخير وجزاكم الله خير حبيت استشيركم لانكم اسرتي الثانيه وماخاب من استشار

__________________
اللهم فرج همي

عن تجربه اللي هذا اوله ينعاف تاليه
انا متزوجه ومتوظفه من قبل لاتزوج وكانت فلوسي مكفيتني وزايده بعد الزواج ماتكفيني انا كلها لاهطها
بعد ما تزوجت ومع اول راتب كثرت الطلبات وكثر تمسكنه عندي وصرت اصرف على نفسي وبنتي والشغاله وايجار البيت وهو يصرف على شلة الاستراحه والدخان وشيشه وياخذ مني ويعطي اخته وامه وزميله وكل من طلبه اعطاه (طبعا من راتبي)
والا اذا طلبه احد (من راتبه) كان يتشكى من المصاريف
ويا ويلي لو طلبت شي من حقوقي يتمسكن واذا مانفع انقلب لوجه ثاني شرس كريه

اخذي ورقهوقلم واقسميها بالنص ايجابيات وسلبيات
والله الرجال عندنا ما ينعطون وجه اذا ساعدتيه قال هذا من واجباتك
والله اني اشوف حريم موموظفات عايشات احسن من الموظفات يصرف زوجها عليها وعندها شغاله ولبس من احسن ما يكون وحاسه بانوثتها صح
والا الموظفه مثل الرجال كل شي عليها وزوجها سبير ما له اي معنى ولاحتى تحس انه رجال(تخيلي زوجك يقول عطيني فلوس ماعندي)!!!!!!!!!!!!
ادري كلامي بيزعل الرجال لكن والله عن تجربه
فكري زين واستخيري

ياحبيبتي ياامراة من عالم1 الله يسخرلك زوجك ويحنن قلبه عليك انا هذا اللي مخوفني اصير اصرف على نفسي وهو يصير ياخذ مني يعني ماراح الاقي الا وجع الراس والمشاكل لكن الله يعوضني بشي احسن من الوظيفه

__________________
اللهم فرج همي