مين قال إن البنت ما بتهتمش بالطول؟

بس في نوعين هما الأغلب يا محمد.

وحدة يهمها إن الراجل يكون أطول منها وخلاص .. ويكون شكلهم متناسقين على بعض.

ووحدة يهمها إن الراجل يكون طويل جداً وفِرِع


وفي وحدة ما يهماش هو أطول والا هي أطول .. لكن ده نوع نادر ولا يقاس عليه.



فانت خد وحدة عقلها كبير لأنها مش هتضحك عليك ومش هتقبلك بدون اقتناع.

__________________


اللهم طِيبَ الأثر .. وحُسْنَ الرحيل.

بجد شكرا لكم جميعا علي النصائح دي
اسأل (مهرة ) هل انتي بتهتمي كتير بمسألة الطول
وهل لو خطبت واحدة اقصر مني وشافت شاب طويل مش هتكرهني او هتتمناه
لان المسأله دي تعباني ... وشكرا

تكرهك؟!! .. مش للدرجة دي يا محمد.

بعدين احنا قلنا اختار البنت الصح عشان تتجنب صغر العقل وحركات المراهقات دي .. البنت الصح مش هتكرهك ولا هتتمنى حد غيرك مادامت مقتنعة بيك فعلاً.

لكن بصراحة المفروض أنت كمان تكون مقتنع بنفسك قبل أي حد .. لأنك لو شايف إن طولك مشكلة فأي كلمة هتأثر فيك وهتكون حساس تجاه أي موقف حتى لو بسيط وعفوي وبحسن نية.



بخصوصي .. أيوه يهمني ان الرجل يكون أطول مني طبعاً .. وبصراحة لو كان تقدم لي حد أقصر مني وما اعرفوش ما كنتش هوافق .. لكن الطول الفِرِع ما يهمّنيش وما كنتش حريصة عليه أو شاغلة بالي بيه لأني أصلاً مش طويلة.

__________________


اللهم طِيبَ الأثر .. وحُسْنَ الرحيل.

بجد شكرا لكلامك الجميل اللي بيخليني اثق في نفسي اكتر وكلامك عقلاني بعيد عن مثالية

شخصياً أنا بجد مش شايفة انك قصير يا محمد.

لكن أرجع وأقول ركّر على عقلية البنت اللي هتختارها ومدى نضوجها واستقرار شخصيتها .. وساعتها حكاية الطول مش هتكون مطروحة بينكم أصلاً

__________________


اللهم طِيبَ الأثر .. وحُسْنَ الرحيل.

بجد شكرا لكم جميعا لكل من اهتم بسؤالي وخصوصا (مهرة ) و ( wa1121 )
للأن بكلامكم بقيت واثق في نفسي اكتر وبقيت بنظر للأمر بطريقة عقلانية وبقيت حابب نفسي اكتر
وربا يجزيكم كل الخير ويسعدكم في حياتكم ويجعله في ميزان حسناتكم