اخي البليغ السلام عليكم ورحمة الله اسمح لي بان اخبرك عن شي حصل بيني وبين زوجي هداه الله االيوم فقد نمت وصحيت الفجر وهوا على حاله بغرفته فصحيت ابنتي وجهزتها للروضه وانا اعد الفطور اتاني بالمطبخ ودار نقاش حول صلاة الفجر وانه لم يذهب تكاسلا وهوا يقول انه راح بس كل شي بمكانه مفاتيحه وملابسه طيب ماراح بس ليه يكذب الله يهديه للعلم انه في اجازه لمدة شهر كلها بيضيعها امام الكمبيوتر تخيل ولما اقول له خلينا نطلع نغير جو بحكم الاجازه يقول مجهد وتعبان بس احيانا يذهب للنادي نرجع للصباح راحت بنتي للروضه وانا جلست بالصاله وهوا في غرفته الى الساعه 9 ذهبت اليه لاخبره انني سانام ولقيته يستعد للنوم فقلت له ليه ماتجي تنام بغرفة النوم عمل نفسه نايم ومارد عليا انا قفلت الباب وذهبت وبعد قليل جاء وانا ذهبت لارتب الغرفه لانه كل شي يشربه ياكله في مكانه وانا ارتب لاحظت وجود فنيلته طاويها وواضعها تحت المسند وكانت مبلوله ايضا والله لو ترى السواد اللي كان قدام عيني في تلك اللحظه سامحني لم اقدر ان اتصرف كما قلتلي ليس بيوم وليله اقدر وخصوصا بهذا الشي خصوصا انه نام معي بالليل طيب ليه والله ياخي عند قيامي باي حركه او فعل يقوم بتانيبى بحكم انه يريد التركيز لينتصب المعذره منك فقلت له طيب قولي اللي تبغاه حسيت نفسي كاالاله يملي علي ماافعل يعني ماتجي مني الحركات طبيعيه كله عشان حالته النفسيه طيب وانا من يراعيني الله المستعان كرهت كل شي دخلت عليه الغرفه بعد ماشفت الفلينه وقلتله ليه تسوي معاي كذا خاف الله في البيت وبناتك وبعدين لما تسوي شي لاتخليني اشوفه قالي انتي تتوهمين والقلق اللي انتي فيه بيخرب البيت والله ماسويت شي ....وجلست ابكي وهوا يعتذر وقالي اكرمك الله الفلينه بصق فيها طيب كان يضعا باي مكان مو يخفيها بهالطريقه المهم تناقشنا ويسلم على راسي ويقلي انتي عارف السبب فقلتله لا ماني عارفه قال الا عارفه يمكن يقصد العين والسحر اللي فيه يخليه يسوي اشياء غصب عنه بالله هذا كلام معقول وقالي نفسي احط سكين بقلبي وارتاح لاني ماستاهلك فهديته ونام والى الان نايم اريد ان استشيرك كنا اتفقنا ان نذهب يوم كامل لمكه وانا لما كنت ابكي اخبرته انني لن اذهب وانا بالفعل باذن الله لن اذهب وهوا يقلي لاتدخلين شي بشي وتكفين خلينا نروح محتاجين نروح وانا قلتله اسفه مابغى اروح اش رايك والله مايستاهل مع اني نفسي اروح ...اعذرني للاطاله وجزاك الله ووفقك لكل خير

1) انصحيه بالصلاة، وذكّريه بمواعيدها، وأيقظيه لها، وتأكدي أنه ذهب للصلاة.
2) اذهبي معه لمكة المكرمة، وادعي له.
3) استمرّي معه في النصح.
4) لا يمنع أن تعرضي عليه الرقية الشرعية، وزيارة أخصائي نفسي، وأخصائي مسالك بولية.
5) بما أن الرجل يستحي معك، ويخشى من كلامك، ويشعر بالحرج فهذا شيء جيد.

باذن الله جزاك الله خير مع انه رافض رفض تام الدكتور النفسي

-ادخلي عليه من مدخل اللين والرفق...وأن الأخصائي النفسي لكل الناس بمختلف أعمارها...وأن الطبيب النفسي يزوره حتى الرؤوساء وذوو المناصب..وليس عيباً زيارته أو التواصل معه..واذهب لوحدك إن شئت.
-والطبيب النفسي سوف يتحدث معك بشكل عادي كأنه صديقك.

السلام عليكم ورحمة الله اخي البليغ ماذا افعل نفسيتي في الحضيض وهوا زايد حاله والله مايخرج من غرفته الا للصلاه وبتثااااقل او للاكل او للنوم بتاتا مايجلس معانا الا دقايق وباله مشغول بالله عليك من اين اتي بالابتسام في وجهه وهوا تاركني ومطنشني هكذا والله تعبانه واحس بغصه بقلبي والعبره تخنقني مع اني مستمره بالاستغفار والصلاه والدعاء والحمد لله بس كيف استطيع ان استحمل مايفعل والله قههههههههههههر اليس لنا حق عليه استشيرك بشي اخذ البنات غدا عندما اذهب لاهلي واجلس كذا يوم لعله يحس بس هوا باجازه اخاف يفرح ليخلوا له الامر وهل عندما يكون بغرفته ااذهب واجلس معه مع اني ماستحمل كلامه بانني اجي عنده بس لانني شاكه فيه او يقفل الكمبيوتر ويقول يالله نخرج نتفرج في التلفزيون مالعمل بالله عليكم انا وضعه مره مو عاجبني ومقدر استحمله مع انه قالي اذا منتي قادره تتحملين وفي بالك مشاكل كل يوم مافي الا اننا ننفصل يعني اش فيها لو جلست على الكمبيوتر شويه يالله كل هذا برأيه شوووووووويه ارشدني والله قلبي احسه بينفجر من القهر اخي البليغ هل انا مزودتها بجد وانا مبالغه حاولت اشغل نفسي بس والله تجاهله وجلسته على الكمبيوتر تسيطر علي حسبي الله ونعم الوكيل انا قبل الزواج كنت اشتغل معلمه بمدرسه خاصه وبرغبه منه تركت العمل بأننا لسنا بحاجه له والان احاول اعود ولكن مافيه ..دمت يخير وااااااااسفه على الاطاله

1) حاولي أن تتقرّبي بأي طريقة، ومنها إرسال أبنائه إليه للدلال عليه.
2) لا تتركي بيتك، أو تطيلي المدة عند أهلك فهذا خطأ كبير.
3) اجلسوا معه في نفس الغرفة لكن لا تجلسي أمام شاشة الكمبيوتر.
4) أرسلي لة رسالة تحتوي كلمة "أحبك" فقط، وأرسليها له خلال ساعات دوامه، أو بعد رجوعه من الصلاة.
5) اخترعي حديثاً شيقاً يجذبه مثل الحديث عن اهتماماته.
6) إذا استطعتِ العودة إلى نفس عملك السابق فشيء حسن.
7) استمري على نفس ما قلناه لك سابقاً، وإن لم ينفع فأخبريني لنجرّرب حلاً آخر إن شاء الله.

باذن الله سافعل ماقلت والله ولي التوفيق

يغلق مع نقله للقسم المناسب


قسم المتزوجين