شوفي انا ما الومك , لان الانسان بعض الاحيان من الضغط النفسي عليه يكبر المسأله وهي صغيره فلذلك بعد ردودنا حسيتي ان موضوعك تافه ..



انا اشوف ان الأنثى تحتاج للفضفضه أكثر من انها تسعى للبحث عن حل , وهذا شي طبيعي ..




شوفي زوجك لو ماله ايجابيات كان اتفقت معك , بس والله المسكين مبين عليه انه يحبك وواضح من ردة فعله لما حس انه غلط عليك وشافك زعلانه , وربي ان الحركه اللي سواها بعد ما شيش وروق انها تسوى الدنيا وما فيها ..



بعض الازواج والله يطنش وما فكر حتى لو روق , بس زوجك واضح عليه انك غاليه عنده وان لك قيمه بصراحه اشوفها غير طبيعيه ولاحظت انه حنين عليك بشكل مو طبيعي , فيا ليت ما تخلي الشيطان يوسوس لك ..



انتي اذا كنتوا مروقين قولي له في خاطري لك كلام واتمنى اذا لي معزه عندك تتقبله وتطبقه وعلميه انك ما تبينه يمد يده او يلعن والدينك , وبس وقولي له يستخدم طريقه ثانيه يعبر فيها عن زعله .. لانه وقت الزعل ما يفكر , بس لو نبهتيه اتوقع راح يتجاوب معك واذا زعل بيستخدم طرق ثانيه قولي له ان هالكلام يضرني كثير وانت ما تحب اني اتضايق , وانا احبك ولا ودي اعصي لك شور او ازعجك بكلمه لانك تاج راسي , اتوقع هالصيغه بتحرجه لانه باين عليه ابن حلال وانسان محترم ..




ترا اغلب الازواج هالاسلوب يعدل اسلوبهم , والشيء الثاني يا ليت تطلعين على مشاكل الناس هنا , وربي راح تهون مصيبتك ..




الله يسعدكم ويسخره لك ويسخرك له ..

__________________
يالله ياللي بيدك الضيق وافراجه .. يا خالق الخلق يا قاضي حوايجها
تفرج لعين الذي اغفت بسوهاجه .. تجهز عليها الطواري لين تزعجها

والله اني صرت اتبع معاه دا الاسلوب لمن يكون ساكت او يهرج من غير نفس
طيب قولي لي ايش اسوي لمن خرج من السيارة وزعق وصرخ ويهدد ويتوعد ايش اقوله والله مو اول مرة يسويها احس اسلوبه همجي جداااا مدري دا الادمي جدا متناقض

ههههه

يالغاليه بقول لك تجربه سويتها ونجحت مع زوجي

اذا عصب عليك وجلس يسب فيك حاولي انك تمسكين يده (خاصة اذا كنتم في السياره يعني تكونون متقاربين من بعض) وتقولين له لا تعصب على شي تافه وتضغطين يدك بيده ضغطات بسيطه بين الكلام وبعدين إلزمي الصمت ولا تتكلمين بأي كلمه (وخلي يدك في يده وقت ثم إبعديها بهدوء) راح تشوفينه يهدى من نفسه ويحاول أنه يتكلم معاك بهدوء

ـــــــــــــــــــــــــ
اذا بغيتي يكون معك أوكي ولا يعصب عليك على أشياء تافهه إليك الطريقه هههههه
اذا قام من النوم في الصباح ورجع من المسجد وجلس جلسه الفطور قولي لي ودي أتكلم معاك بشي مضايقني فيك صحيح أنك إنسان حنون وتحبني وأحبك وتعددين الصفات اللي تكون فيه زينه
لكن فيه نقطه صغيره تضايقني انك تزعق علي وتعصب وتخرج من السياره لأني ما أبغى لك الكلام الشين أفرض أن كان فيه أحد يعرفك أو يعرفني في المكان اللي كنت خرجت منه معصب وخاصة يكونون من أهلي أو أهلك أنا ما أحب أنك تكون في هذا الموقف المحرج لي ولك خاصة لأني أحبك ولا أحب يكون بيني وبينك أي تدخلات خارجيه تكون أنت السبب فيها ...

صدقيني راح يسكت ويعرف انك على صح ... وأهم شي أنك تتكلمين معاه بهدوء ونظرة حب

وثبت في دراسه أن الساعات الأولى في الصباح يكون الرجل مستعد (بكل جوارحه) لتلقي أي معلومه وتنفيذها ...

أنا جربت هاذي الحركه وجابت نتيجه ممتاااااازه

__________________
أنا مدام المختار<<منعاً للإحراااج