السلام عليكم ورحمة الله ....

الله يكون بعونك أختي
أنا منذ 18 سنة وأنا بعيد عن أهلي وفي غربة ، داخل وخارج الوطن
بقيت 5 سنوات زواج حتى تعرفت على جارة وبالصدفة
هي كانت خايفة تدق علي وأنا كنت خايفة أدق عليها
ومرة اتقفل الباب والمفتاح معي طلع ما بيفتح ، فدقيت عليها الباب وطلبت منها سكين أو آلة لأفتح القفل ، ومن يومها أصبحنا أعز جارتين ...

بادري بالسؤال عن جارتك ربما تكون متررددة مثلك ، وأنت تشجعيها

ما أبدت تجاوب ، فلك شرف المحاولة ...

بالتوفيق

__________________

نصيحة اغلي من الذهب
سلمت يمينكي

❤️ تستاهلين كل خير
المشكلة اذا اساساً ما تشوفين الجيران وحتى اشكالهم ما تعرفينها
ساعات افكر ان بيوتهم مهجورة لان ابدا ما الاقي احد يطلع او يدخل 😢

__________________

حاجة الناس إليكم من نعم الله عليكم ، فـ لا تملوا النِعم ☁✨

شكرا للدعاء

أختي زين ، أنا أيضا لم أكن أعرفها ولا أصادفها لأني كنت قليلة الخروج

المهم أحيانا نكون مكونين فكرة عجيبة ومعقدة وبالآخر تطلع الأمور من أبسط مايكون

مثلا كنت في المدينة المنورة ومرت سنة ولم أعرف أحد من الجيران ، وسكن مقابلنا جيران جدد
وترددت كثيرا أن أطرق بابها ، وخصوصا كنت أرى دائما أمام الباب أحذية رجال حتى في الصباح ، فأظن أن بالبيت رجالا ...
وفي مرة سجلت ابني الكبير في الروضة ، ورحت معه أول يوم ، ورجعنا بالباص من الروضة ، واشتريت آيس كريم لابني وأخيه الصغير
لما أدخلت يدي في الشنطة لأفتح الباب ، طلعت ناسية المفتاح ، وما معي جوال ، و الآيس كريم ذاب ويدين الصغير وأخوه حالة ...

سمعت أصوات أطفال صغار من عند الجارة ، وترددت أطرق الباب لكن بعدين قلت ،ما يصير شيء أقل شيء بس أتصل بزوجي يرجع وأغسل يدين الصغير ...
وطرقت الباب وقلت أنا الجارة ، ففتحت لي وابتسامة من الأذن للأذن ^_^

أتاريها بس حابة تتعرف على الجيران وخايفة مثل ما أنا خايفة
وأخبرتها إني كنت أتردد أطرق الباب بسبب الأحذية خارجا
وهي قالت أنها كانت تضع أحذية زوجها خارجا لأنها تخاف لوحدها جدا ، فحتى يظن الناس أن بالبيت رجالا

ومن يومها صارت قهوتنا الصباحية لها طعم مميز ...

ولحد الآن رغم أننا غيرنا وغيروا المكان إلا أننا مازلنا نتواصل ...

أي الأمور بسيطة تحتاج فقط لخطوة ....

بالتوفيق لك وللأخت نرجسية والجميع ...
وأعتذر عن الإطالة ...

__________________

كتبت الموضوع زمان قبل سنة ونص يمكن
تخيلوا من كابت الموضوع الا اليوم ما اعرف جيراني بس جيراننا اللي جنبنا اهل العمارة يطلبونا ونطلبهم ارسلهم حلا ويرسلولي

اليوم وبالصدفة قابلت بنتهم فمشغل هي جات قالت انتي جارتنا وسامنا على بعض قلت لها انا تعبت من الوحدة بس ما حبيت ازعجكم قلت يمكن ماتحبوا الزيارات كثير

قالت واحنا نفس الشيء امي تقول شكلها بنت حلال بس يمكن ماتحب الزيارات

مشكلة التردد كم مره احسهم ناس طيبين بس اهل زوجي قالولي مايحبوا الزيارات كثير

خذيتي رقم البنت بادري واتصلي واعزميهم
بصراحه مامريت بفكره الجيران
لكن ممكن تبادري وتشوفي

انا لي سنتين بدون أهلي .. سكنوا مدينة ثانية .. باختصار أحس اني مقطوعة من شجرة حرفيًا .

أتمنى اني اقولك كلام حلو ويونسك بس للاسف هذا الواقع .

كنت اروح لاهلي ثلاث او اربع ايام بالاسبوع ، متى ماطفشت رحت لهم . وفاتحين لي قلوبهم قبل مايفتحون لي البيت 💔

عندي موعد اروح لهم واترك بنتي عندهم .. طفشانة اروح انام عندهم .. مشتهية طبق اكلم امي تسويه لي 🙁💔
باختصار كنت مرة مرة سعيدة بوجودهم حولي ..


الان الويك اند يمر وانا لوحدي 😢 صعبة اروح لناس وزوجي مايرجع الا اخر الليل ! صعبة مررة ..
اكره الويك اند يذكرني بوحدتي 😭 الكل رايح لاهله ومبسوط الا انا لوحدي واتحسر ع الماضي💔

اهل الزوج مو زي اهلك ولا هم فاضين يستقبلونك متى مابغيتي .. اول كنت استاحش اجلس لوحدي الى اخر الليل طالما زوجي طالع فاكلمهم اذا ماعندهم شيء اجيهم بس غالبا يرفضون بالويك اند 💔 بيجتمعون لوحدهم او بيطلعون ..

برضو الصديقات يرفضون بالويك اند يجتمعون لانشغالهم ..

الجيران كلهم كبار بالعمر ولا يجتمعون الا مرة مرتين بالسنة .. ماعاد احد يبغى علاقات جيرة زي زمان 💔

الان قلت خلاص انا كبيرة وواعية ولازم اتصرف بنفسي وادور اشياء تسعدني .. لانه باختصار محد بيسعدني غير نفسي
وصعبة اجلس اتخانق مع زوجي كل اسبوع ! اجلس معي لا تطلع لا تتاخر اخاف اجلس لوحدي الخ .. ولو كنت اكلم جدار كان رحمني وفهم 🙄

وبالنهاية قلت احفظ كرامة نفسي و ع قولتهم من طلع من داره قل مقداره .. اجلس ببيتي عندي كل شيء والوحدة خير من جليس السوء 😝

صرت اختار مطعم كل مرة شكل واجيب لي منه عشاء مرة ادلع نفسي باكل ايطالي ومرة سوشي ومرة برقر ومرة فاهيتاوهكذا .. أحمل لي فيلم او مسلسل .. وانبسط ❤
واحيانا اطلب لي حلا او ممكن اسوي لي حلا واجهز قهوتي واطلع بالهواء الطلق اتقهوى واقرا رواية او اقضي وقتي ع النت ❤
احيانا اذا مرة قافلة معي البس بجامة مريحة جدااا واعلّي تكييف الغرفة واغير مفرش السرير واناااام



اقرا قران او سيرة الرسول صلى الله عليه وسلم او تفسير سورة .. يجيك شعور بالانجاز والراحة

واجلس اتسوق اون لاين وانفض فيزتي نفض

العمر يمضي ماينفع نقضيه بالتحسر والكابة وفرض انفسنا ع ناس مايبون ..

اسوأ شيء بنظري انك تفرضين نفسك زيادة ع اللزوم او تقبلين عزومات شفقة زي ما اسميها 😅
اتذكر اول لما نجتمع الخميس نتفاجأ ان امي عازمة وحدة وتقول لنا مسكينة اهلها مو عندها وجالسة لوحدها .. فكنا نعزمها مو رغبة لها بصراحة بقد ماكان راحمينها من الجلسة لوحدها .

الان يتكرر الموضوع معي كثير ، اهل زوجي مثلا اذا كانوا بيعزموني يقولون تعالي عندنا ولا الجلسة لوحدك 😳 كنت ارفض طبعا واطلع لي مشاوير من تحت الارض واطلع مع اختي وزوجة اخوي بنفس يوم طلعة اهل زوجي .. اذا هم بيعزموني يعزموني رغبةً فيني انا مو شفقة 🙄
وكذلك اقاربنا البعيدين احيانا يقولونها بشفقة انو تعالي عندنا بالويك اند صعبة بعد ماعندك اهل قريبين منك تروحين لهم واقول بملء فمي يالييت القى وقت صعبة الويك اند لازم عندنا زواره مع اهل زوجي واليوم الثاني اطلع مع اختي وزوجة اخوي .. اذا لقيت وقت كلمتكم طبعا من جمبها انا محد عزمني



الله يرضينا بدبرته ويرزقنا شكر نعمته ويحفظ اهلي واهلك من كل مكروه ويخليهم لنا يارب .. مافيه احد زي الاهل ..

__________________
سبحان الله وبحمده ، سبحان الله العظيم

جداااا الوحده قاااتله ..
انا برضو اجتمايه واحب اتعرف .. مع اني بنفس المدينه مع اهلي واهل زوجي بس سبحان الله ماراح تلاقيهم دايما فاضيين ..

ممكن انك مثلا تدخلي نادي قريب من البيت وتتعرفي على البنات الي هناك واذا كان قريب من البيت ممكن تلقي جيران الحي كمان .. او اتوظفي .. او ادخلي معهد قريب من البيت وتعرفي .. شوي شوي تكوني كونتي علاقات .. وتكوني بينكم زيارات وجمعات وخرجات ..

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

جميل هالرد
بسيفه واقراه برواقه
فعلا مع اني مع اهل اهلي
بس احيانا احس بوحده
خاصه اذا الكل طالع او معزوم او مشغول
شي صعب مثل ماقالت غاده ترمي نفسك على الناس
اول انا صاحباتي كذا
اعزمه واحن عليهم واي احد يقولي تعالي تعالي اطير له
واقعد اقول خلونا نسوي جدول كل شهر عزيمه ببيت
والناس تتهرب ماهي فاضيه واقعد احن عليهم من جديد نشوف بعض
اخر شي انشغلت بعملي والنادي وطلعت لي هوايات من تحت الارض
وصرت استمتع اتسوق لوحدي واتقهوى لوحدي واقعد مع اهلي
واقرى واحضر ندوات واروح النادي والسبا
لدرجه لو يعزموني مارحت لانشغالي
والحمدلله تغيرت نفسيتي وصارت احسن مليون مره عن الماضي
سوي لك جوك الخاص
و الحمدلله عندك وظيفه ووبنوته وبيت لا تنظري بس للكاس الفاضي
مشكلتنا مو بس بالوحده
عندنا افكار بمخنا
انا ماعندي جارات انا فيني شي
انا مااطلع مع صديقاتي دايم انا فيني شي
لكن الناس تختلف ومولازم كل العالم عندهم علاقات بالجيران

اما انا كنت احب الزيارات
الحين للاسف امل ملل شديد مادري وش السبب هو لان صرت بالثلاثينيات !
حتى لو اروح بيت اهلي امل
جمعة بنات خالتي اللي كنت اموت فيها و لا تحصل الا قليل جدا لانهم بعيد مرة امل منها
للاسف امل من الجمعات مرة 😭حدي بالكثير ساعتين وش القضية !
وامل من الوحدة بعد 💔