أختي روح الطير أولا أنا رجل ولست امرأة


ثانيا كلامك كله عين العقل ولكن دائما الحقيقة مرة على صاحب المشكلة,فممكن يتقبلها وممكن لا.

أتمنى تكون وصلت الفكرة..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

أنا مع كلام أختي روح الطير
للأسف هذا الشي حاصل عندنا زوجة أخي طيبة جدااا
لكن في هالنقطة تضايقني امي تطبخ لهم و يجي اخوي ياخذ الغذاء في قدر صغير لهم
و لا ,,,يرجع القدر و امي تغسله!!! بجد حركة مو حلوة أبد ..
و احيانا تطبخ و من تسأل امي اخوي ليش ما نزل ,,يقول طبخنا اليوم
يعني ما تعطي امي خبر..
اتمنى انك ما تكوني كذا من هالناحية

و إذا على شغل البيت و التفرغ لنفسك ,,, حلتها روح الطير

اقتباس:

بس قاعده احاول !

حاولي لكن مو بس تفكير
يعني من بكرا ان شاء الله انزلي بعد صلاة الظهر
واوقفي مع ام زوجك الله يجزاها خير
كلها ساعة زمان و تنحل المشكلة

بالتوفييييق
حجييج وايد حلوو

__________________

أخوي تعاندني

سامحني ، المخ متعبي من الإختبارات ،، بس خفت أحد يكون شايل علي و أنا مادري
و اشكرك

------------------------

اختي الوردة زينب

حطي نفسك مكانها و تخيلي الموقف و ما راح يكون صعب إن شاء الله
أو تخيلي أمك مكانها ، و زوجة اخوك مكانك و راح تروح الصعوبة إن شاء الله
و إنت ما ترضي بالغلط ،،

أو إذا مرة مرة صعب عليك ،، فمافي غير إنك تطبخي لزوجك بنفسك يوميا
و ما تاكلي من أكلهم ؟

عزيزتي زينب
الحياة الزوجية مش بس زواج وعيال وبس
هيا مسؤولية وتفاهم وسند
انا راح افولها لك وبصراحه تخيلي لو انتي ببيت لحالك اكيد كنتي راح تقومي وتعملي كل شي بنفسك
راح تصحي من الصباح وتسوي الغذاء من والى وتقومي بكل الترتيبات لوحدك من دون مساعدة احد
فحاولي تتخيلي انك ببيت لحالك واصحي من بدري انزلي شوفي حماتك شو تسوي وساعديها وماهو عيب
والمفروض انها ست كبيرة انك تقوموا بدل عنها بالشي ده
لانها وبصراحه ما زوجت عيالها عشان تخدمهم اجل وين دوركم زوجك عليه حق انك تعمليله الاكل
سيبيكي من حريم اخوانه وخليكي بس في نفسك وزوجك جربي مره تقومي بكل شي هيا تسوية
شوفي كيف راح تتغير وتصير تمدح فيكي اكسبي رضاها عشان تخلي زوجك يبطل كلام وقومي بواجبك بأكمل وجه لاتقولي بيت ابوي ولا شي لانه هذا وقت وراح انتي الحين صرتي مسؤله ولازم تهيئي نفسك للشي ده
اتمنى تكوني فهمتي قصدي
واي مساعده انا ع الخاص راح اساعدك
والله يوفقك

__________________
تنبيه
يمنع الترويح لاي موقع سواء في التوقيع او المشاركات

حبوووبة خلاص حاولي تتأقلمين ..
دامج ابيت ريلج وتآكلين عند عمتج أم ريلج المفروض تنزلين تساعديهم
انتي ما شاء الله عليج تنزلين وتساعديهم
بس ما فيها شيء لو قدمتي نصف ساعة يعني تنزلين عال10 ونص
راح ترضين عمتج إن شاء الله وانتي ما اعتقد راح تتأثرين يعني حبكت على هالنصف ساعة ؟
واذا عندج اشغال مني والا مني بالشقة تقدرين تسوينها بأي وقت ثاني مثلا ً بالعصر دامج فاضية وزوجج بالشغل !

شوووفي حبيبتي بيت البابا غير ... وبيت الزوج غيير
هناك الأهل هم مسوؤلين عنج ... ولكن الحين انتي مسؤولة عنهم وهم مسؤولين عنج
يعني مسؤولية متبادلة !!
وإذا نزلتي قبل كل يوم ... بالعكس راح تكون فرصة حلوة إنج تتعلمين الطباخ شوي شوي
مثل ما قلتي بموضوع ثاني زوجج يبي تتعلمين الطبخ ..
وراح تلاقين مافي اتفه من الطبخ اصلا ً .. سهل وتقدرين تخربطين وتخترعين من عندج
كل شيء بدايته صعب حبيبتي ... وإن شاء الله مع الأيام تسهل ..

آنا من البداية قلت لزوجي ابي نآكل بروحنا عشان لا تصير مثل هالمشاكل ..
بس طبعا ً ننزل يوم واحد بالإسبوع (الجمعة) عالغداء .. وطبعا ً آنا ومرت حماي نسوي الغداء
مو معقولة بنخلي عمتنا تطبخ لنا وخصوصا ً نكون جماعة اكبيرة شووي
ف لازم مساعدة, كل وحدة تسوي الي عليها
وتلاقين خلصنا بسرعة , دائما ً المساعدة حلوة وتسهل علينا الأشياء الصعبة
وآنا كنت مثلج أول ما تزوج يوم الجمعة انزل وقت الغداء !! ومحد يقول لي شيء ابدا ً
لأن اساسا ً خوات زوجي يجون وقت الغداء بعد !
وكنت احيانا ً انزل بس وقت متأخر اساعد في تقطيع السلطة لأن ماحب الشغالات يقطعونها !
ولكن بصراحة الحين استانس لمن يجي يوم الجمعة وانزل من 10 ونص !
نتصل في بعض آنا ومرت حماي وقت الي ننزل وتساعد مع بعض بالطبخ والشغالات يساعدونا
والحمد لله علاقتنا طيبة مع بعض , يمكن عشان جذي نستانس لمن ننزل
وأحلى من هذا كله زوجي وزوجها راضيين عنا من هالناحية ..
وعمتنا الي اهي ام زوجنا بعد ما تقدر تقول عنا مقصرين =)

يلا حبوووبة من بكرة صيري فراااشة وشطورة ونزلي عال10 ونص
وشوفي من يتكلم عنج بعدين ..

__________________