جزاك الله خير على التذكير واظن كان واضح بموضوعي اني ما عصيت ولا عقيت..

اللي معذبني اني اشوف واتحمل واسكت وحتى لما يتمرد احد يتشكون لي ويبوني اعاونهم ولما اقول هذي غلطتكم انتم ربيتونا بهالطريقه وهذي النتيجه يزعلون ويتكدرون و عشان كذا بطلت اقولهم اي شي وصرت اعيش التفرقه الواضحه واذا صار شي اسمع تشكيهم واواسيهم.. كل يوم انام ومخدتي مبلله دموع ما بيدي حيله هم يغلطون علي ويبوني اتحمل معهم نتيجة الغلط.. عذاب ما بعده عذاب

__________________

اتوقع ان الاعضاء يقرون ويقولون الحمدلله حنا ما نفرق ويسكرون الموضوع لان محد رد علي.. لكن للاسف ان نصكم يفرق ولا يحس وكالعاده لازم نمثل المثاليه وما نواجه مشاكلنا..

كانت امنيتي افهم وش الاسباب اللي تؤدي للتفرقه بين العيال عشان احاول اتفاداها لما اجيب عيال خايفه اصير زي اغلبية الناس لان اكيد محد بيكون قاصد يفرق.. مابي اعذب عيالي..

__________________

لقد جفت دموعي من التفرقة في صغري.. ولكنها كونت ردة فعل مجنونه لدي في شبابي.. كنت احفر الصخر لاكون الافضل مع اني احصل على الاقل .. واخذت الغربة لي مسلك الى ان حققت ما اصبوا اليه.. ورزقني الله من واسع فضله سبحانه.. فلا تيأسي فالله مطلع على كل صغيرة وكبيره..وثقي ان صبرك لن يضيع سدى

__________________
ان انت اكرمت الكريم ملكته.. وان انت اكرمت اللئيم تمردَ!!

مشكلتي زوجتي.. دمعت عيوني لما قريت ردك .. قل امين الله يثلج صدرك ويسعدك ويفرحك زي مااثلجت صدري بردك..

__________________

بحلة .. ربي يرزقك الذرية الصالحة و تحسني تربيتهم و ما تفرقي بينهم اببد

بس صدقيييني ابدا ابدا ما اعتقد في اهل على قدر من العلم و الثقافة.. يميزوا بين اطفالهم عن قصد
بل انهم يحاولوا يعطوا كل واحد حسب شخصيته

بمعنى .. نعم قد ادخل ابني مدرسة خاصة و البنت مدرسة حكومية او العكس اذا كان ذكي
جدا .. فااقول في نفسي حرام يروح ذكاءه يدون اهتمام في مدرسة حكومية .. خليني اتحمل مصاريف
الخاصة عشانه..
من جهة ثانية ليش بدخل الثاني خاص اذا عقله على قده !!! وماراح يفلح و اصلا راح يحس بعدم راحة هناك .. .زيادة مصاريف بس ؟؟
بس اكيد لما بيسالني طفلي ليش انا حكومي و اخي خاص . ماراح اكذب و اقوله لانك اقل منه ذكاءا
بس بقول له لانه ماعندنا فلوس .. اعتقد وقعها اقل في نفسه

وقيسي على هذا الموقف .. مواقف عديدة يتصرف فيها الوالدين باللي يشوفوه مناسب للاطفال
بينما قد يفسره الطفل بشكل اخر ..

قلتي الي يتعصب و يصارخ وو ياخذ اللي يبيه و الهادي لا ..
يرجع لشخصية الطفل و التعامل معاه . فالتعامل مع الطفل العنيد و العنيف لا يكون مثلة مثل
الطفل الهادي ..
بضرب لك مثل .. عندي جارة .. ابنها اذا طلب اي شي توفره له بينما بقية اطفالها لا
لما سالتها ليش .. قالت اعرف ابني اذا منعته ممكن يسرق او يفعل لي فضيحة .. بينما البقية اعرف تربيتهم كيف ؟؟


الاب ممكن يزوج احد بناته بدري و الثانية بتاخر عليها .. فا الثانية بتحس بالظلم
لكن الاب تكون نظرته واقعية و حكيمة .. يمكن العريس المتقدم للاولى كان لقطة
ممكن الثانية لسه ماهي مستعدة للزواج (قد تظن انها مستعدةزز لكن الاب يظن العكس )
قد تكون الاولى كانت طايشة شوي فا استعجل ابوها بزواجها
بينما الثانية ابوها شايف شطارتها فاحب انها تكمل دراستها

فا اكيد الاهل يشوفوا شي معين و عندهم حكمة معينة .. والابناء يفسروها بشكل خاطئ


وبالنسبة لك .. كونهم يعطوا اخواتك مثلا و مايعطونك شي .. برضو قد تكون لديهم حكمة معينة في ذلك ...
عذرا على اللي بقوله بس مجرد احتمال
احتمال انهم يشوفو انه زوجك من النوع الي ممكن يطمع اذا ساعدوك ! فا يقولوا خليها تتعود على مستواه
وهو يتعود انه مافي مساعدات من اهلها .. اقول مجرد احتمال فقط ..
ماتدري ايش السبب وكونهم ما افصحوا .. يمكن مايبوا يجرحوك..


فا ياااقلبي..شيلي موضوع التفرقة من راسك و صدقييييييييني مافي اهل عاقلين يفرقوا بين اطفالهم
عن قصد ..و ان شاء الله ربي يرزقك الاطفال الاصحاء و تشوفي بنفسك كيف الام و الاب
يفدوا اطفالهم بارواحهم .. ماراح تجي عالماديات و يبخلوا بها عليهم



طيب القلب ..والله ضحكتيني .. لانه نفس الاحساس عندي حاليا
ابني جننننني ماشا ءالله صاير حركي مرة ... و البنوتة 3 شهور ماشاءالله كل لعب و ضحك فدييتها
بس من كم يوم كان ابني شوي و تصدمه شاحنه.. ربي يحميه و يحفظه .. كان قلبي بينخلع من مكانه
فا مقدار الحب نفسه بقلبي و افديهم الاثنين بحياااتي .. بس الولد حبه مخلوط بطفش من تصرفاته
والبنوتة حبها مخلوط بالرحمة الزايدة كونها لا حول لها و لا قوة ..

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

جيتي عالجرح

والله انه احساس بالحرقة و الالم يقطع القلب في كل مرة نحس فيها بالتفرقة في المعاملة سواء في بيت اهلي او بيت اهل زوجي

كنت ابكي كثير و اتضايق و اتعكر و احس بالم نفسي طول الوقت لما امهاتنا يفرقو بيننا و من قهري مرة قلت لام زوجي انها بتفرق بيننا قالت لي انا احب زوجك انتي كثير و هوا اكثر واحد رضع مني !!! رد عجيب و لا له داعي اصلا ليتها سكتت بس

اقلها بتفرقي بين زوجي و اخوانه تقوللي رضعته كثير

في بيت اهالينا انا و زوجي بس اللي نشتغل طباخين و سواقين و خدامين و حمالين و اي شي و الباقين رجل على رجل ينتظرو كل شي جاهز و على طبق من ذهب و ان قلنا شي او طلبنا منهم شغلة امهاتنا يزعلو مننا انو ليش نطلب منهم و نتعبهم

و امي لما يجي اخويا من الرياض هوا عايش هناك خلاص تنسانا كلنا و لا احد يكلمها هيا ملكه فقط و نحن مضيعة للوقت و لازم نخدمه و مرته و عياله
تقطعنا كلنا و ان كلمتنا بيكون لمصالح فقط و نحن لازم نقيد العشرة شمع عشان خاطره

و اتعودت مع الوقت و صرت اكتمها في قلبي و ابكي في بيتي و اسحب نفسي و زوجي و لا (اعكر صفو حياتهم ) و اول ما يروح اخويا ترجع ماما اللي تعطينا ريق حلو

زوجي يقول هذا قدرنا و اكيد في سبب يخلينا (مرماطون) عند اهالينا و الارجح انه لاننا بدون عيال

مشي حالك و الله يعطينا الاجر و يجعله في موازين حسناتنا ما نقدر نعمل شي اخاف يعتبر عقوق لا قدر الله

و اللي يخفف علينا اننا مظلومين و هو اهون من اننا نظلم احد او نجرحه بكلمة و نتحاسب عليها خلينا كده احسن و ما يضيع شي عند رب العالمين اكيد

__________________
رب لا تذرني فردا و انت خير الوارثين

ما أقول إلا جعل والدينا في جنات الفردوس الأعلى بما فعلوه لنا

الأم تلد وترضع وتسهر الليالي وتنحرم لذة النوم لأجلنا وينشغل بالها اذا كبرنا قليلاً تخاف علينا من الهواء واذا وصلنا مرحلة الدراسه كافحت معنا إلى أن نصل لمرحلة المراهقه وتعاني منا أشد المعاناة في خوفها علينا من الإنحراف ومن ومن ومن وينشغل بالها حتى نتخرج فنجلس عاله على أسرتنا وهي فقط تدعوا الله بأن يرزقنا الوظائف والزواج والأبناء الصالحين .. أمي مهما ضربتيني وانا صغير ومهما فرقتي بيني وبين أخواني اقف لكِ بتحيه من كل قلبي لقلبك الكبير الحنون وإن لم تظهري ذالك فأنا أراه في عيناك كم عانيتي من أبي وشدته عليكِ وعلى أبنائك الصغار (اللهم اجعل امي تعيش عيش السعداء بيني وبين اخوتي ونقدر لها تعبها ونعوضها عن ما مضى من عمرها لنا) ولولا الحياء وطبعنا الذي تعودنا عليه لقبلت رجلك كل يوم

والدي العزيز الغالي اللهم أعني على برك فأنت الغالي الذي راعيتني وانا صغير وذهبت بي إلى المستشفى في مرضي وفكرت فيني واشتريت لي الملابس والحليب والحفاظات وحملتني بين يديك وحينما وصلت لعمر المدرسه تذهب بي إلى المدرسه وتستقبلني بتحيه حينما أصل للبيت تحت الشمس وترحم صغيرك وتقبله قبله حانيه وحينما وصلت لمرحلة المراهقه كم عانيت من عصياني لك وكم علمتني من الدنيا أشياء كثيره أجهلها وتبين لي الطريق الصحيح حتى ولو كنت تصرخ علي وتوبخني وتحقرني أمام الرجال لكي أتعلم وارتدع وحينما تخرجت من الثانويه اشتريت لي سياره وإن كانت بمبلغ زهيد ولكنك لم تنساني وتتبرأ مني لكي أذهب إلى الجامعه وأحصل على الشهاده كم عصيتك وكم راددتك في كلامك وكم رفعت صوتي عليك أبي الغالي وأنت تلتزم السكوت كرمك الله يا أبي عن لساني الوسخ الذي رفع صوته عليك أبي الغالي كم تخسر علينا (فواتير الكهرباء- فواتير الماء- فواتير الهاتف والإنترنت- الأكل والشرب-آجار المنزل-شراء السيارات لي ولأخوتي-المصروف الزهيد ولكنه يبقى من يد كريمه لاتمن علي وهو يساوي فلوس الدنيا من يدك الغاليه ) أقسم بالله أني يا أبي أحس بأمان حينما أجلس بجانبك وأراك في المنزل وأنا أصبحت رجلاً لكني أحب أمانك وخوفك علينا ولا أستغني عنك ولا أنسى افضالك (اللهم كرم أبي وأسعده بعيش السعداء وارزقه بري به واجعل له مكانه في الدنيا وفي الآخره )

اللهم أطل في اعمار والديني ووفقهم وأشفهم عن كل مرض واحميهم من كل شر وارزقهم بري وبر اخواني واخواتي واجعلني اراهم اسعد الناس واجعل لي لسان جميل في الحديث معهم ووفقني لذالك

أبي أمي رغم تفرقتكم بيني وبين أخواني واخواني إلا أنني لم اجد أحن قلوب علي وأخوف علي من جميع الناس

ولولا الحياء لقبلت رجليكم كل يوم

حفظكم الله ورعاكم وأطال في أعماركم ورزقني بركم يارب العالمين ياااارب

أحياناً أستكثركم علي فأنا لا أستحق والدين مثلكم

اختي البحلة
والله أنك فتحتي عيوني يوم قرأت كلامك نفس الشعوووور والواقع عندي انا
كنت حاس أن في تفرقة من قبل لكن يعلم الله انا عندي من البنات اثنتين صحيح يميل قلبي لوحده منهم لكن سرعان ما يتناصفون الحب في قلبي ... لأني عشت التفرقة بين الذكور في ما بينهم ... علما أن البنات أغلى عند الوالدين من الذكور .
الله يكون في عونك ... .... والراحة بإذن الله في الجنة

وظلم ذوي القربى أشد مضاضة على النفس من وقع الحسام المهنّد

__________________
عبـــد الرحمـــــــن
الله لايحرمني منك يا عسى عمرك طويل ياللي كلّ الناس عندي ما يساويهاا غلاتك
((دنيا القوي فيها حكم خان المبادئ والقيم لو يدري أن الله وراه مايووووم في عمرهـ ظلم))

ردك لفت نظري بشكل كبيييييييييير ..

يعني الحين لما ولد يكون اذكى من اخوه والمدرسه الخاصه بتنفعه اكثر من اخوه يعطي اهله الحق انهم يفضلونه على اخوه؟؟؟ ليه اخوه ماله نفس؟ تدرين انه فرق كبير بين المدارس الخاصه والحكوميه ولا كان الناس ما دفعت دم قلوبها عشان تدرس عيالها بمدارس خاصه.. من مباني مكيفه ومرتبه ومعلمات مدربات والام او الاب يقدر يشتكي وياخذ حق ابنه على راحته مب زي الكحومي انا درست باكثر من مدرسة حكومية ودرست في مدارس خاصه طبعا فرق السما عن الارض.. هل الولد كونه اقل من اخوه والخاصه مارح تضيف له شي يعطي اهله الحق انهم يفضلون اخوه عليه؟؟؟؟؟؟؟؟؟؟

هل الطفل لما يكون عصبي ويفشل اهله اذا بغا شي عادي يحقق له اللي يبغى واخوانه قدامه ما يحقق لهم؟؟

انتي جبتي لي الاجابه اللي منزمان انتظرها .. يعني هذا من اسباب التفرقه؟؟ يشوفون ان احد يستاهل اكثر من غيره؟؟

لعلمك زوجي مب لم اهلي ويتنرفزز اذا طلبت منهم شي لدرجة اني لما اخذ شي او استعمل شي من عندهم ما اعلمه.. وانا بطبعي مساااالمه وما اسوي مشاكل ابد واذا لاحظت مجرد ملاحظه انهم متضايقين من شي اصير اتفاداه. بس بالاخير جت على راسي كلن ياخذ وانا اتفرج..

خليني اضرب لك مثال انا لما كنت اداوم زوجي مارضى استخدم سواق اهلي وتعاقدت مع واحد يجيني الصبح والظهر وكان ياخذ 1000 ريال مع ان راتبي كان 3000 واخواتي يستعملون سواق اهلي لدواماتهم رغم ان بعضهم متزوج.. وبعد كذا لما احتاج مشوار مع السواق اشوفهم يتأففون ويتضايقون واذا اختي احتاجته الكل يبتسم بوجهها لان يخافون تعصب لو تدري انهم متضايقين..

هذا شي من اشياء وقيسي عليها كثييير.. هذا مو عدل والاسباب اللي ذكرتيها وااااااااااهيه وما تعطي الاهل الحق انهم يجرحون عيالهم ويعذبونهم.. اذا ماتقدر تحط كل عيالك بمدرسه خاصه حطهم كلهم بحكومي ظلم انك تحط احد واحد لا..

والله ردك فتح جروووح بس هذا اللي انا فاتحه الموضوع عشانه كنت ابي افهم الاسباب وبديت افهم بعضها.. الله يهدي كل والدين..

__________________

اختي dodi_dabdoobi الله يكون بعونك حبيبتي بس بصراحه لو انا مكانك ما ارضى اخدم غيري يعني انا صحيح احس بتفرقه بالمعامله بس ما ارضى على نفسي اخدم اخواني او خواتي وهم قادرين يخدمون نفسهم.. انا اللي علي بر والديني وصلة الرحم وبس ما اقاطعهم.. اما اخدمهم واخلي زوجي يخدمهم لا ما رح توصل كذا بحط حد ومارح اخلي احد ينزل من قيمتي..
لكن زي ما قلتي يا بخت من نام مظلوم ولا نام ظالم.. المهم نحتسب الاجر فيما نتحمله لانه من باب بر الوالدين..

__________________