اخوي بصراحة
انا احسني قريبة من وضع زوجتك خصوصا من ناحية انفتاح العائلة وكذا
انا كذا جاني احساس.. انك من يوم شفت لبسها وطبع اهلها قلت اكيد هذي فيها شي بدليل بالاخير قلت اكيد تحب واحد!!
بقولك اخوي اللبس والانفتاح المعتدل ماله علاقة نهائيا باخلاق البنت
ممكن تكون الوحدة نظيفة لكن لبسها مو محتشم مرة وممكن تسافر لوحدها وافضل من مليون وحدة متسترة مرة
طبعا ما اقصد اني انا مع اللبس والسفر او ضدهم بس حبيت اوضح لك الصورة
لا تخلي الشكل مقياس..
ثانيا.. بداية الحياة الزوجية الزوجين يكونوا مو عارفين بعض.. فاي شد ممكن ينهي العلاقة
ضروري يكون واحد فيكم باله وسيع والا المركب ماراح يسير
ثالث شي ليه تحرمها من انها تزور زميلتها؟! اذا هي متعودة تروح لها ويعرفونها ليه تجي وتمنعها.. اغلب البنات يزورون بعض لانهم ياخذون راحتهم اكثر.
رابعا صحيح زوحتك الفاظه ماهي مناسبة ابد وخالية من الاحترام.. لكن صدقني مافيه انسان كامل ..و لو بتمشي لها اغلاطها هي بتمشي لك اغلاطك
اخوي انا ما اقول ان الغلط كله منك.. بالعكس اشوف فيك اشياء كويسة ويكفي انك جيت هنا تبحث عن حل.. ونصيحتي حاول تحل المشكلة لانك يبدو لي مرتاحين.. ومو كل ما صار شي قال الواحد او الوحدة بتطلق لان الخروج من تجربة والدخول باخرى مكلف جدا
وفقك الله