ماشاءالله عليك بصراحه احسده على بنت مثلك

على العموم واضح انك ما حطيتي له حدود يوقف عندها

لازم تكون بينكم شوية رسميه وهو مبين عليه مطيح المونه مره

لازم يكون لك شخصيه لان الي مثله يتمادى بهل الاسلوب يعني لا تحسسينه انك محتاجه له
واذا على الصبر مو بهل الطريقه صارحيه عشان ترتتحين يعني واجهيه عشان ترتاحين تحياتي

حبيبتي لا اريد لك الشر لكن والله ان كنت كما قلت هذا يبط الكبد ترى بعض الرجاال يبون يدعسوووون على البنت غذا شوفوها ضعيفه غريبة هذه الدنيا اللي يشوفونه طيب يدعس عليه وبعض الناس ذا شافت زوجها طيب امسحس به البلاط
لذلك عندي خطوات اتبعيها
دام انه يتغلى انت ايضا لا تردي عليه وسوي نفسك زعلانه لما يحس ويتصل وإذا اتصل وحس انك متغيرة وقال اش فيك واجهيه وقولي له ان وش قصرت معاك وش اسباب المعاملة القاسيه هذه
ثانيا ؟ اطلبي من احد يسأل عن اخلاقه جيدا
ثالثا/ كرري الاستخارة وقولي اللهم ان كان خير لي فيسر زوجنا وإذاشر لي اصرفه
رابعا / شوفي لاتقولين حب ما حب لازم تتخذي قرار صارم وحكمي عقلك هذا في الخطوبه ويريد تتنازلي عن اشياء كثيرة وهي اجمل اللحظاات كمايقولون لاني غير مجربه وتوقيعي المزيد بعد الزواج
خامسا/ والله لا اريد لك إلا الخير بس انقهرت منه وانا لا اريد تخسري الزواج لانه فرصه وايضا لا اريد تزوجي متسلط
واولا واخيرا التجئ الى الله هو الدرى بمصلحتك
دعواتك/ اختك منيه

__________________
اللهم حقق امنيتي بأن أكون اشد عبادك لك طاعة ولك منقادة وأحسن خاتمتي آمين يارب فرج الهم فأنت وحدك عالم همي

يختي نزول الدرج من أولها ولا من أعلاها على قولة أمي الله يحفظهاا

الرجال باين عليه موب تكانه ولايستاهلك وأذا هذا أولها ينعاف تاليهااا

أستخيري وعلمي أهلك بأفعاله لاتسكتين عسى ماشر يتدلع عليك ويطلبك تتنازلين عن حقوقك !

وزياده على هذا يمنعك من خالتك ؟؟

عجيبه والله وأذا ولد خالتك خطبك خلاص تكرهينهم ولاتزورينهم تقاطعينهم ؟؟

الله يكون بعونك ويهديك بس مفروض كل شي أمك تعرفه ماتخبين عنها شي لأن بالأخير أنتي اللي بتندمي

الله ييسر أمورك ويكتب لك اللي فيه الخير

__________________
..( أستغفرالله العظيم الذي لا إله إلا هو الحي القيوم وأتوب إليه )..

الله يجزاكم خير يارب

بس وربي اني احترمه كارجل وعشانه زوجي مابي ارخص فيه ولا ابي اقول لحد من اهلي افعاله اخاف اصير انا ضالمته ولا احد درى عن افعاله يكرهه
واخاف انه يطلع زين معي واهلي يكرهونه طول عمرهم وحتى لو عندي عيال منه
وهذا الي مابيه

وحتى اذا انفصلنا يبقى سر بيني وبينه ولا ابي اقول لهلي عيوبه

حرام اخاف اصير انا الي مو فاهمته

وربي كل يوم ادعي ربي ان الله يألف بين قلوبنا

بس مشكلته بدوي ولاعنده من حقوق المرأه شي

الزوجه عنده تسمع وتنفذ وبس

زعلت ولا مازعلت هو ماعنده استعداد يراضيني

وارسلت له 3 رسائل وحده اعتذار على شي انا ماسويته
وثانيه اسئله عن اخباره
و3 عن العيد
ولا رد لي خبر
10 اتصالت مني ولا رد واخر شي قفل جواله

وليله اتصل وقالي
هو - سلام عليكم
انا - وعليكم السلام
هو - عرفتي خطاك
انا - انا مااخطيت بشي قلي وش سويت
هو - سلام
طو طو

وقفل الخط بوجهي

وش اسوي مادري

عمري 22 واشيب طلع براسي منه
حسيت بالعجز والهم وضيقة الصدر

الله يهديه بس
الله يهديه


--------------

وربي اشكركم على ردودكم وتفاعلكم معي

وصبري على زوجي عشان امي مستانس بزواجي

وربي لولا فرحة امي كان انفصلت عنه قبل الزواج

بس لاقالت امي بسوي وسوي وسوي اتراجع عن قراري عشان فرحة امي
وبس

البائسه غلاتي وربي حاسه فيك فديت عمرك

لاتكوني لينه معه مره ترى وربي تضيعين

خليك شديده طنشيه اسحبي عليه وربي يجيك جري

انتي تعرفين نفسك مو غلطانه ليش تتعبين وتتصلين وترسلين خليه في قريح

بعدين لاتقولين ساكته عشان فرحة امك ترى امك فرحتها من فرحتك لاتضيعي مستقبلك فكري بدل المره الف

واستخيري ترى محد بينفعك بالأخير انتي اللي بتاكليها

الله ينير بصيرتك

__________________
..( أستغفرالله العظيم الذي لا إله إلا هو الحي القيوم وأتوب إليه )..

مايصير ابدا . . مثلك يتمناها كل زوج . . ولاتغامري بعمرك مثل هالاشكال . .

من رايي تبلغي ابوك بالي حصل . . وانتي لازلتي خطيبه يعني ياخذ مهره ومع السلامه . . ولازم يعرف ابوك عشان مايتبلاك لو تزوجتي منه

أنا أعرف بالرجال منك وبالشباب . .هؤلاء نوعيات معقده وتافهه وسليطه يجعل كل كبته عليك وينقص من قدرك . .

نصيحه ولن تندمي ابدا . .استشيري اباك وبيني له انه لايطاق ويعاملني معامله كريهه فكيف اذا تم الزواج . .

الان الكل يتمنااك . . لكن لو قدر الله وحصل مشاكل . . وطلقت منه فالامر بالنسبة لك اصبح صعبا جدا . .

اتركيه وسوف يعوضك الله خيرا منه . . والله ان تركه افضل . . والرجال ماوقفوا على هالاشكال الجافيه الناشفه . .

تحملي قساوتي في الرد لكن والله ما اريد لحواء الا كل خير

__________________

كلّما ازداد حبنا تضاعف خوفنا من الإساءة إلى من نحب

صغيرتي..


اتقاء الله في الزوج واجب .. الحرص على رضا الزوج وطاعته واتباع أحاديث النبي صلى الله عليه وسلم في حق الزوج كلها أمور لازمة وواجبة على الزوجة التي تبغي رضا ربها.

ولكن......

زوجكِ يا عزيزتي متفرعن عليكِ .. لا يحترمكِ .. يستغلكِ ويستغل صغر سنكِ وتعلقكِ به لدرجة وقحة جعلته يتجرأ ويطالبك بالتنازل عن مهركِ .. ناهيكِ عن إخلاله بالاتفاق الخاص بسكنكِ.




ثم..



خير إن شاء الله!!!

اعذريني يا عزيزتي .. ولكن هذه اسمها قلة أدب وقلة احترام ..... وحتى لو أنكِ ارتكبتِ خطأ ما ويرغب في لفت نظركِ إليه فلا يكون بهذا الأسلوب السخيف ....يعني حتى في العتاب واللوم .. بل وحتى في العقاب يجب أن يكون هناك أدب واحترام ولباقة.


لا يا صغيرتي .. أنتِ لا تظلمينه بل هو الذي يظلمكِ ويستهين بكِ ويهضم حقوقكِ .. وهو بالأمانة لا يستحقكِ .. ولا يستحق أن يتزوج أساساً مادامت هذه نظرته لزوجته وهذا أسلوب تعامله معها.




أخبري والدكِ ووالدتكِ بكل شيء .. كل شيء .. وانفصلي عنه دون ندم .. طلاقاً أو حتى خلعاً .. فمثله لا يُندَم عليه .. والحمدلله أنكِ لازلتِ على البر ولم تتورطي معه أكثر.

وصدقيني والدتكِ على قدر فرحها بزواجكِ على قدر تعاستها عندما تكتشف فيما بعد حقيقة هذا الرجل ... فارحميها واعفيها من هذا الشعور .. فمهما حزنت الآن بسبب انفصالكِ عن هذا الرجل فإنه
لن يقارن بحزنها وحسرتها عليكِ في المستقبل.


وفقكِ الله لما يحبه ويرضاه.

__________________


اللهم طِيبَ الأثر .. وحُسْنَ الرحيل.

اذا فتره خطوبه وأطباعه وتعآمله معك كذا !!
أجل بعد الزواج وش بيكوون ؟!
بهالفتره خصوصا كل واحد يحآول يكون بأفضل صوره قدام خطيبته حتى لو يجآمل !
اممممممم
اتوقع مآخلاه يتمادى كذا ويوصل حتى للمهر !
ألأا سكووووووووووووووووووووووتك !
ومجآراتك له !!
الرجآل مايحب اللي ضعيفه شخصيتهآ وأي كلمه يقولها تقووووووووول سم ! حتى لوكانت هالكلمه تضررررررررها !

غيييييييري أسلوبك وطريقتك معآه .. ويتغيـــــــــــــــــر !!

هل عذرك هو فرحه والدتك بزواجك؟؟

عجيب أمرك يالبائسه ؟ فرحه امك بسعادتك مو بكتم الاحزان والكبت المولد للإنفجار ودمار مستقبلك . .

لاتقولي عشان أمي . . ابدا أبدأ .. انتي الان في فترة خطوبه فقط . . ولاتضيعي نفسك خلف انسان استطيع اسميه بالتافه عديم المشاعر . .

ونصيبك يجيك بغيره من الرجال . .وامك سوف تفرح لك بالزوج الثاني . .

نصيحه اتركيه وبلغي اباك بما كان بينكم . . لأن خطيبك بدء بالوقاحه بمجرد كتمانك وصبرك عليه وعدم اخبارك لأبيك بأفعاله . .

__________________

كلّما ازداد حبنا تضاعف خوفنا من الإساءة إلى من نحب

انا سكت وتحملت
مابي اهضم حقه ولاابي اضلمه
مابي اكون ضالمه ولا ابي اكون مضلومه
بس سواته معي مايسويها اي مخلوق

لدرجه انه جاني بالعيد وحاول ينفرد فيني بحجة انه زوجي يوم راح الكل بيته جى وطلب مني اجيب له مويه يوم راحت وياليت مارحت
حاول انه يتمكن مني بس ربي سبحانه اعطاني قوه مدري منين جتني وصرت اقوى منه وانفلت منه
خوفني بسلوبه ذا

كرهت الزواج دام اولها كذا

وقررت الأنفصال


لأنه تجاوز حدوده كثير مشكله لاصار الطيب بهاالزمن اطلقو عليه كلمة خبل

كرهني بشي اسمه زواج وزوج حنون

لاعدت ابي اتزوج ولا ابي استقر لامعه ولا مع غيره

خلاص طابت النفس من شي اسمه زواج الزواج استقرار زوج حنون حياة سعيده وانا ماحصلت هذول كلهم


اخواني وربي ردودكم تشرح صدري بس وش اسوي ماقدرت افهمه
وسويت الي قلتولي عنه ادري رفعت ضغطكم بمشاكلي
واسلوبي مع زوجي

بس خلاص انا تغيرت من يوم حاول ينفرد فيني ويستغلني

انا هنا صحيت

ولا عاد يهمني الحين رضاهـ

ومن يومها ماكلمته يتصل ولا ارد عليه يرسل ولا ارد

واخر شي سويته كتبت له رساله ورستها له (( ارخصتني بفعالك اليوم يازين ماعاد له داعي وجودك بحياتي ارحل وانا برحل ماعاد لصبر بداخلي حدود اطلق سراحي ماعاد لك عندي مكان ودور على غيري جعله بيوم ينفعك \ ياليت تطلق من غير اي محاولات والمهر كامل فوقه هديتك الي جبتها ومعها صورتك و منك ماابي شي غير فرقاك وفرقاك هو غاية مرادي))

وقفلت الجوال وقفت الشريحه واخذت لي شريحة ثانيه ادرني ان الوضع هذا مايعجبه بس ماعلى منه كرهت من سواته معي

والى اليوم وهو يحاول مع اهلي انه يبي يكلمني وقال لمي قوليلها رسالتها الاخيره هزتني

خلها تهزه لين سنه قدام

والحين زاد مهري 60 الف يحسب لازاد المهر برجع لو يحط وزني ذهب ويجيب لي بيت ومصروف شهري ويسفرني لكل مكان
ولو يحط العصمه بيدي بعد مارجعت له
وخله جعله يطيح بوحده غيري ماترحمه لادنيا ولا اخره



مع العلم
اني ماعرمي طلبت منه لاهدايا ولا مصروف شهري
قالي عطيني رقم حسابك ارسلك مصروفك قلت له لا يوم اكون بيتك انت ملزوم مني
ابوي مو مقصر معي بشي
وشينه بحق ابوي اخليك تصرف على وانا تحت جناحه


وهذي حياتي معه
وعساه يطلق بسرعه لأني خلاص كرهته وكرهت شي اسمه زواج