أخي العزيز :
حدد ما تريد في المراءة التي تريد الارتباط بها .. واكتب هذه الرغبات على ورقة .. بعد ذلك قارن بين ما تريد ومدى توفر رغباتك عند الفتاة التي تريد الارتباط بها .

فيجب عليك الاقتناع بمن ستكون زوجتك قبل أن ترتبط بها ، فعدم الاقتناع سيسبب لك لا سمح الله الانفصال لأي سبب في المستقبل ولأي خلاف بينكما ، أي أنه سيكون لديك الاستعداد لتطليقها أو الزواج من أخرى لتلبية رغباتك التي لم تحصل عليها لدى زوجتك التي أخذتها من غير اقتناع ، فلا تظلم البنت معاك (ما ذنبها) .. وما زلت في بداية الطريق .... فكر ثم فكر .... ثم قرر ..


والله الموفق ،،

انا في رايي اذا من اولها كذا الاحسن انك تبتعد عنها والله يعقوظك بوحده من مستواك بنات الناس واجد وهي خليه يمكن يجيه الي يرظى بظروفه ويقدر يسعده اكثر منك ولا يحسسها بنقص ويكون هو عادي عنده
احسن ما تتبهذل انت والبنت ومااحد له ذنب
ملاك
وشكرا

مرحبا .والله انا مع الاخت توت بري تماما.... ونصيحتي لك لاتفوت البنت دام اخلاقها زينه ايش دراك ياخي يمكن لاسمح الله تدور لك بنت عايله متحضرة ومركز وتكون اخلاقها شينه؟؟؟ ايش الافضل شين الاخلاق والا انها بدويه ؟؟ وبعدين مافي احد يولد متعلم يااخي علمها انت... والله تعيش معها وانت مرتاح ...ماتعرف اللف والدوران وشيم البدوان كلنا عارفينها ياخوي.... والله يهدي لك قلبك ان شاء الله. وشكرا .

اذا انت تناظر الموضوع من هالزاويه
اسمح لي اقولك ماعندك سالفه
وش فيها اذا صارو اعمامها يرعون غنم

السلام عليكم..
الف مبروك.. مقدما..
واتفق مع رأي اختي توت..

__________________

هلا والله اختي توت بري ،،

كلامك صحيح وماعليه خلاف ..
لكن لما افكر كثير.. اقول انا ليه احد نفسي على شي مثل هذا؟
وارجع افكر مره ثانيه اقول مافيهم شي!!!!
وتتلخبط كل افكاري ..
وبعدين اخوانها.. واحد 24 ساعه جلسته على الرصيف وهو اكبرهم!!
والثاني يحب السفريات مع اخويانه !!!
والثالث هو الوحيد المتوظف ويصرف على البيت كله!!
والرابع اصغرهم بالمتوسطه ..

.... اظنك فهمتي ليه عيالي اذا جو ماابيهم يطلعون خيلانهم بالشكل هذا!!!

ومشكور ياغاليه على ردك ورايك


---------------------------------------------


هلا والله اخوي خجول ،،

شرفني مرورك ياغالي ..
وهذا الي مقنعني بالموضوع كله ..
كلامك وكلام الاخت توت ..

اني فعلاً انا بتزوجها هي مو اهلها ..
بس ماثل ماقلت عن الاخوان

ومشكور ياغالي على رايك وردك


--------------------------------------------

هلا والله اخوي ابو الرجال ..

ياعزيزي انت ظلمتني بكلامك !!
لاني مستحيل والله لو اخذت عبده واعتقتها ثم تزوجتها ..
ماراح اعيارها يوم بشي ابدا!!!
فمابالك ببنت ناس .. مافيهم عيب غير قلة الماده!! والتحضر !!
وانا داري ياغالي ان الاولاد بيطلعون على ابوهم ..
بس في مثل يقول .. ان الخال بمثابة الام!!!
لانه الوحيد الي تكشف له زوجتي ..
وتكثر جلساته معنا..
بالذات ان شقتي قبال شقتهم بالضبط!!!!!!!!!!

مشكور عزيزي على مرورك ورايك

--------------------------------------------


هلا وغلا اخوي السليل ،،

كلامك درر وربي ..
والي قلته كله صحيح ..
واشكرك جزيل الشكر على دعوتك

وتسلم على مرورك ورايك

-------------------------------------------

حياكِ الله اختي نوره ..

بالعكس والله اروع اخلاق شفتها بهذي العيله ..
لكن مثل ماوضحت قبل المشكلة بالتحضر والسناعه ..
لكن ماخاب من استخار ..

ومشكور اختي على مرورك وردك

-------------------------------------------


ياهلا فيك اخوي البدر ..

ردك مختصر كثير ..
ولكن له معنى كبير ..

وافادني

مشكور اخوي على مرورك وردك

-----------------------------------------


حياكِ الله اختي ملاك ..

صحيح اهم شي التفاهم ..
وهذا الي اخاف انه مايتوفر !!!

مشكور اختي على مرورك وردك


-------------------------------------


هلا فيك اختي حمرة الورد ..

اقصد بان ترتيبهم نص ونص ..
يعني المظهر .. واللبس .. والترتيب لشكل الاخوان ..
هذا الي اقصده نص ونص .. مو صفات او اخلاق ..
وانا ماابيها تطلع من بطن امها وهي متحضره ..
ابيها تكون فاهمتني بس .. هذا الي اخاف ماالقاه معها ..

!!!!!!!!!!!!!!!!!!!!!!!!!!!!!!!!!!!!!!!!!!!!!!

مشكور اختي على مرورك وردك


----------------------------------


حياك الله يادكتور القلوب ..

والله فكرتك عجبتني ..
وبإذن الله بنفذها ..

اشكرك اخوي على مرورك وردك

----------------------------------


هلا اختي ملاك !!!

وليه ببهذلها او احسسها بنقص ..؟؟
والله لو الله كتب وتزوجتها ..
لو تبي عيوني عطيتها هي ..

ومشكور اختي على ردك

---------------------------------

حياكِ الله اختي هدوء البحر ..

كلامك ريحني والله
وصادقه بكلامك .. لكن ماادري ..
كل مااستخرت تضايقت..
واظن هذا الي رادني

مشكور اختي على مرورك وردك

---------------------------------

اخيراً جيت لابو شافي ..
حياك الله ياابو شافي

من قريت ردك وانا متحمس ودي ارد عليك ..
شلون تقول ان ماعندي سالفه ياغالي ؟؟؟
انا ببداية موضوعي ..
قلت انهم يرعون الغنم والرسول عليه افضل الصلاة والسلام
كان يرعى الغنم !!!
يعني ماني معارض على هذا الموضوع تباتاً ..

انا الي مضايقني مستوى التحضر بيني وبين اخوانها ..
هذا هو ..

اتمنى انك فهمتني اخوي
ومشكور على مرورك وردك ،،

-------------------------------

حي الله المشرفه المميزه .. KeeP - In - ToUcH

إتفاقك مع الاخت توت مااعارضه ..
لكن اقري ردي على الاخت توت وعطيني رايك
ومشكور على مرورك وردك ،،


اشكر الجميع مره اخرى على تجاوبهم الرائع..
وردودهم الراقيه ..

تقبلو اجمل تحياتي

والله اخوي اعتقد ان هذي مهي مشكله وانت زي ما قلت البنت ما فيه شي يعيبها واذا كا ن اهلها بدو ويرعون غنم فما اعتقد انهم حقيرين او دون المستوى اذا كانو ناس سنعين ما عليك وترى لعلمك فيه بدو واهل غنم وما هم شايفين الناس ناس يعني ما ينادي الطير باسمه ويحتقر الناس كلهم وفيهم لا ناس يعطي الانسان حقه يعني بالعربي المساله نسبيه تعتمد على الشخص نفسه والله يوفقك

أخى هاجس لا داعى للفوارق بين المسلمين كلنا أبناء أدم وما دام الخطيبة طيبه وأخلاق ودين هذا

هو المطلوب والأولاد راح يأخذوا أخلاق أمهم وشهامة أبوهم والأخوال والأعمام راح يكون بينهم

النسب والمصاهرة وربنا يوفقكم ويسعدكم ونشوف أولا د كم أن شاء الله

للاءسف اخي في كلامك كبرياء وعنفوان وستحقار للفقراء لا تنضر نضرة قاسية بأن سوف يشار الى اولادك ان امهم فقيره لا لا يا اخي اعرف ما تقول الفقراء عيال الله تعالى فواللله احب الفقير ودائما نجد الفقير محترم في المجتمع والبداوة توحي لنا حياة الصحابه الكرام وحياة البساطة اجمال ما تكون رغم سلبياتها ودعك عن ما يقولون المهم تتكيف مع الاهل اطفالك ودع التكبر فأنه رداء الله لا تستعلي على اهل خطيبتك واحذر من ان تجرحها اخي في امان الله والله يحرسكم ويرعاكم .

صح السانك يا احمد والله قلت الي في قلبي
صحيح الكبرياء رداء الرحمن ومايجوز احد يتعالى عليه
وشكرا