غفلت عن أسئلة ايمان ... كيف زوجتك تقوم بواجبات بيتها من تنظيف وطبخ وغيره وهي ببيت أهلها 5 أيام بالأسبوع ؟؟
كم عمرها ؟؟ كأنها صغيره ؟ قصدي لازم في سبب لعدم اهتمامها بموضوع الزواج كله على بعضه .. هل ما وجدت فيك رجل أحلامها ؟؟ وليش سكتت ووافقت تكمل الزواج ؟
اذا مقتنعه فيك لازم في سبب جذب للجهاز ... شيء ممتع لها أكثر من الحديث والسفر والعشا بالمطعم .. يعني صار ضروري لك تعرف نشاطها على الجوال ... هل مع قريباتها تكمل معاهم الحديث اللي بدوه لما كانت معاهم بشخصها وللا لها اهتمامات ثانية .. منتديات .. أدب .. سياسة .. ألعاب
ما تقدر تحل الموضوع بمجرد التخمين ..لازم تعرف ومنها شخصيا ...


انتبه من الحمل .. خذ احتياطاتك بمجرد رجوعها بيتك

الزواج ونس وسكن ومودة ..الزواج المفروض يخفف عنك هم الأمور المعيشية فإذا كان الزواج هم بحد ذاته فهذي مأساة

__________________

"الزواج ونس وسكن ومودة ..
الزواج المفروض يخفف عنك هم الأمور المعيشية فإذا كان الزواج هم بحد ذاته فهذي مأساة"

عالجرح والله

هيا صغيرة 19 سنة وعقلها أصغر
تحب صاحباتها وقريباتها أهم شي تجتمع معاهم
ووصل الأمر إنها تبغى تسافر مع عيلتها
بس انا رفضت وهي زعلت

وجوالها طول الوقت تتكلم معاهم ( عيلتها وقريباتها وصاحباتها ) وتدردش


مؤخرًا حجزت للمدينة المنورة ولكن ليس لديها رغبة تقول : "أحب اروح المدينة لكن الأيام هذه زحمة
وكمان الأجمل أن يكون احد معانا ( عيلتها يعني ) وفيه فندق معين تبغاه .. "

والله حجزت فندق 5 نجوم بس غير الي هيا تبغاه

يعني عشان محد رايح معانا من العيلة تقول ماتسافر معايا

الوالدين لما صارحتهم في فترة الملكة بأني ما أبغى أكمل
هذا الزواج كانت مثل الصدمة والهم وصار توتر ونكد

ابغى أبين للوالدين حفظهما الله أنه الموضوع قسمة ونصيب
سواء اكتمل الزواج أو لأ




ماله داعي تصير قضية

يعني ماني أول واحد ولا آخر واحد ينفصل

كنت حاسه انها صغيرره الله يعينك هي لسى مؤ مستوعبا انها متزوجه ..

بالذات مع البلاك بيري ، هذا عالمهم الثاني ..

الحل : لاعاد تكلمها ابداً ، واذا كلمتك بين لهفتك ، يعني العب عالحبلين..

بتقولك غريبه ماجيت ؟؟ قول مرا مشغول مع الشباب والطلعات أخذنا شاليه من معرفه لصديقي (الفكره هنا عشان يكون ببلاش ) وبنقعد اليومين دي يلا تبغي شيء سلام .. هذا اذا كنت في منطقه بها بحر ..

عاملها كأنها صاحبك .. الاسبوع اللي وراه نفس الشيء قولها طالع المدينه مع أصحابي ..

بنصلي يومين ونرجع ..

أثير غيرتها وانه في احد بيسليني من دونك ،، سيبها حتى هي تتصل بنفسها وتجيك .. ولو تعتذر انه عندك خرجه وبعدها بأسبوع تجيها .. يكون أفضل ..

المرأه بصفه عامه اذا شافت زوجها ملتهي عنها ، يبدأ حب الاستطلاع يشتغل عندها ، وأحيان الغيره ..

ودها تعرف وين يروح ووين يجئ وايش اللي شاغله عنها .. غير كذا بتتفشل قدام اهلها ان زوجها مطنشها ..

وممكن يتصلوو عليك ، وهنا حكيهم بكل شيء تبغاه ..

تقدر تخترع كذبات غيرر ، او طبقها بصدق ليه لا روح وانبسط وسيبها ..

__________________

عمرها 19 ومتعلقة بحياة الطفوله وحريتها ودلعها ... لا هي بوارد زواج ولا زوج ... ما ألومها ولا ألومك ..مفروض الأهل يكونوا أوعى من زواج البنت الصغيرة إلا إذا لاحظوا اهتمامها بعالم الزواج وبدت تجلس مع الحريم وتحب تسمع سوالفهم ...أما بنت بعقل طفلة والله حرام .. ظلم لها ولزوجها
وانت ما ألومك لأن هذا هو مجتمعنا وهذي عوايدنا ..نعتبر البنت من يوم تبلغ أنها صارت بمصاف الحريم ..نشوف جسمها كبر وننسى أن عقل المراهق يتأخر عن جسمه .
أعتذر منك ان كتبت مداخلتي هذي بموضوعك لكني أحس أن كثير من الشباب والأهل يحتاجوا يعرفوا هالمعلومة .. أشوف هالمشكلة كثير بأيامنا .

على أي حال لا تيأس وان شاء الله بتتحسن أمورك .
لما كنت تنوي الطلاق أيام الملكة كيف كانت تكون ردة فعلها ؟؟

لأن الصراحه أشوفك جربت طريق اللين وجا وقت الشد ... ولو ما نفع الشد ساعتها ماحد يلومك لو عددت أو طلقت

الغلطة غلطتك لأنك سكت ..المفروض هذا الكلام أمها علمتها اياه قبل الزواج أو أول الزواج . أنت تركتها براحتها فما تعودت عليك ولا على أنه لها بيت

أول خطوة بلغها بأنك مو مرتاح ولا هذي هي الحياة اللي كنت منتظرها وبأنك تفكر بالطلاق أو التعدد جديا ... وبأنك ما تعرف وين الحل ولهذا بتبلغ والدتها تتفاهم معها ...واللي تقوله والدتها أنت وهي تمشون عليه

الخطوة الثانية أطلب أمك وأمها بعيد عنها وبدون علمها واجلس معاهم وفهمهم الوضع وأنك طفشت وناوي طلاق ... واطلب من أمها تجلس معها وتفهمها الفرق بين حياة الزواج وحياة اللعب والدلع ولو بيدنا كان ظلينا نطير طيارات ورق وخيطان على سطوح الجيران لكن نكبر غصب عنا وما ينفع نكون كبار بعقل أطفال .

خلها والدتها تفهمها واجباتها تجاهك وكيف الزوجة تحتوي زوجها وكيف تكون ونيسته ....
وبنهاية كلامها معها تبلغها القرارات الجديدة ... جوال ممنوع اطالما أنت بالبيت لا للضرورة ... زيارات الأهل يوم بالأسبوع ..السفر معك والتمشيات معك .

خل أمها اللي تبلغها بالقرارات هذي على انه هذا هو المفروض والصح مو على أنها طلبات منك أنت .
وبنفس الوقت أنت أوجد لها أشياء تشغلها ...بدون طفل يكون النهار ممل جدا وطويل ..اشغلها بدورات ..بعزايم ... بطلبات ..بطلعات ..بسفرات

لما تنحرم من الجوال ومن القريبات راح تقبل بالبديل وتكون سعيدة فيه كمان

هذا وإلا ....

__________________

سكر وبيتا شكرًا لكم

كلامكم ممتاز وهذا الي احتاجه شكرًا لكم


راح أطبق كلامكم

من جد ماينفع نكبر بعقل صغار ومايسير نتزوج بعقل بزورة

ما فهمت أخي .... انت قررت تحاول تصلح بالأول ...صح؟

في احتمال البنت تفهم وتنتبه لنفسها خاصة لو كانت حبتك ومقتنعه فيك ... أكيد بتبذل جهدها .. فلا تظلمها وأعطيها فرصة تصلح أمورها .

لا تستعجل بقرار الطلاق

__________________

باعطيها فرصة لكن راح تعرف اني كرهتها

انا ناوي ما اكلمها ابدًاااااااااااااا الى أجل غير مسمى


لما اشوف تغيير فعلي

سبحان الله
هذه أغلب مشاكل من يرتبط بفتيات أقل من سن العشرين ، ليس الكل لكن الغالبية ، ابدأ الصلح بالمصارحة فإن لم يجدي فبالهجر فإن لم يجدي قل بأنك ستتفق مع والديها بشأن الموضوع فلربما تفيق من غفلتها .

كتب الله لك الخيرة في أمرك .

__________________

ياجماعة الآدمية تقابل الهجران بهجران مثله
يعني كم مرة احاول اطنشها وابين اني زعلان
وهي عااايشة مع اهلها عاادي

عارفة اني زعلان وممكن انفصل عنها

ولا في اي اتصال او مسج او محاولة تفاهم