المشاركة الأصلية كتبت بواسطة بحرينية ولكن

عزيزتي..
أنا زوجي ما فرض علي أناديها باسم يمة..
بس لما تزوجت أبو زوجي أناديه عمي.. وأمه خالتي..
فعمي كان دايما يقول لي ناديني يبة ونادي خالتك يمة..
إحنا الحين أمك وابوك..
وأنا بصراحة ماقدرت ..
أنا ماعندي غير أم وحدة وأبو واحد..
ويحز بخاطري إني بعيدة عن هلي ومحرومين من هالكلمة مني.. وأنا بكل بساطة أقولها لغيرهم..
فما قدرت وأقول لعمي خلص تعودت ما أقدر أغير.. لحد ماسكت عني..
هو بس كان يحب يحسسني إنه مثل أبوي..
بس هالكلمة بالنسبة لي صعبة أقولها لغير أمي وأبوي..

وأنا حاسة فيك..

المشاركة الأصلية كتبت بواسطة مشغووولة

أختي أنا حاسه بشعورك
أنا مملكه مو متزوجه بس خالتي أتخيلها تبيني أقول لها يمه أو ماما مثل ما أقول لأمي حتى ولو ما قالت...لأن هي من الحين تبيني أشيل الكلفه بيني و بينها و تبيني أعاملها مثل ما أعامل أمي....بس أنا ما أقدر زي ما قلتي تجيني غصه...و أعتقد لو زوجي طلب مني طلب مثل هذا راح أعتذر منه..يعني امه على عيني و راسي و مكانها عندي محفوظ...بس هي شي و امي شي ثاني
أنا بس كنت أبي أقول لك إني فاهمه وش قصدك...أدري ممكن بعض الناس يقولون مبالغة و موضوع ما يسوى....بس أنا فاهمه وش تقصدين

بالنسبه للحل صراحه مدري...يعني أكيد لو غيرتي الاسم بعد اربع سنوات..هي راح تحس و ممكن تتضايق..أو زوجك يزعل...أقصد لو مره وحده سميتيها خالتي أو عمتي...أكيد راح تفكر أيش سبب التغيير..و اذا كلمتيها بصراحه يمكن تفهم بطريقة غلط

إذا هي تقولين صغيره و كذا و انتي متعوده تسمين امك يمه....سميها ماما ولا مامي....يمكن اسهل لك...و ينقال يعني تدلعين

إن شاء الله غيري يفيدونك بحلول أحسن من كذا

تحياتي