اددري انه قهر

بس انا جربت الحين وقلت لزوجي بتوديني معك؟؟؟ قال لا

احيانا يمزح وكل سنه يسافر معي ومره مع اصدقاءه

بس تعبت من طريقتك انتي

سويتها مانفعت

بس قلت له اليوم خلاص بتروح روح

اهم شي وناستك وراحتك

مابي اقط نفسي عليك غصب

فقال لي

اصلا من وين الفلوس

وشكله ماراح يتركني باذن الله

وفيه وحده اتوقع

تقول زوجها مدمن سفر

وعجزت معه

وقرأت سورة الطارق في ماء اللي تعطيه زوجها

وكررت ايه انه على رجعه لقادر يمكن 7 مرات

وصار كله يجلس معها ولا يسافر

بس انا ضيعت الموضوع

كان موجود بمنتدى عالم حواء

مو متاكده من الطريقه انا

اشكرك اخي زوج عتيق على نصيحتك ولكن احسست انك تؤيده لانك رجل مثله لكن مالداعي الى سفر الرجل للسياحه الى بلد يكثر فيه التعري وما سواه من مساوئ الامور وان كنت متزن اليست العين تزني وزناها النظر والاذن وسماع الموسيقى في الاسواق وفي كل مكان فهل انت مسافر اليها مضطرا ولمافي بلدك تكره الفتن والعبايات الضيقه وتكره الخروج للاسواق وتتوتر بسب المعاكسات وفي الخارج لا تستمتع الا بالخروج للاسواق ومراقبة الناس في بيتك تكره الموسيقى بينما في الخارج تسمعها في كل مكان ام في بلدك كل شئ حراااام وفي الخارج حلال عذرا لكني لا اشك فيه بل تعبت من تناقضاته واتعبني اكثر تعلقي فيه

إذا على التناقضات المجتمع كله قائم على التناقضات

ومعاكِ حق .. يعني ممكن تتقبلي فكرة انه يسافر لوحدة مرة في السنتين والا في الثلاث سنين

لكن في السنة الوحدة كذا مرة .. هذا خطأ ..

و حتى لو هو ملتزم وما عنده حركات خطأ .. لكن البلاء ما يجي إلا من السفرات الي مالها داعي وعلى طول

ليش كل هذا .. الحين اهو رجال مسؤول مو مثل اول عزوبي

يا انه بقى عزوبي ويطوف الأرض طول وعرض وإلا أنه بعد ما تزوج يتحمل مسؤوليته

مو معقوله من غير حاجة أو عمل ضروري بس طاير مرتين ثلاث

ليش يتزوج ويحط في ذمته زوجة وأطفال إذا اهو مو رجال قد المسؤولية

من أكبر الأخطاء الي يرتكبونها الناس هليام انهم يبون ياخذون كل شي

النسوان يتزوجون ويرمون أطفالهم ويهملون بيوتهم ويتصرفون كنهم لسه بنات

والرجال يركضون يتزوجون ويتركون مسؤولياتهم وبس طايرين سفر واستراحات

لكن الدنيا مش كذا .. الدنيا تقوم انك تاخذ شي وتخلي شي

والانسان العاقل ياخذ من كل أمر قدر معين يتناسب مع وضعه ولا يخل بمسؤوليته

صحيح والله هذا آخر الزمان


الأكيد انه معاكِ حق تزعلين ..

تعالي له بهدوء و عبري عن الي في داخلك بصراحة

يعني قولي له انك تبينه معك عشانك محتاجة له وأنك خايفه عليه

لا تخلينه يفكر انك مو واثقه فيه أو أنك تبين تتحكمين وتمشينه على كيفك


إذا ما نفع الهدوء تناقشي معاه بصراحه .. واجهيه بمسؤولياته

قولي له الزواج مو بس متعه ومظهر اجتماعي .. اهو مسؤوليه على عاتقك

إذا انت يا ولي أمرنا يالي عصمتي في يدك ما تحملت مسؤوليتنا أجل مين يتحملها

قولي له ترضى اني اعيش وكأني لسه بنت ما تزوجت .. اجلس من النوم على كيفي

وأنام على كيفي .. أطلع واسهر مع صديقاتي لوقت متأخر .. عيالي مالي شغل فيهم لا مذاكره ولا شي

ولا طبخ ولا نفخ .. ترضى اسافر من منطقه للثانيه بس اتمشى واترك عيالي عند اهلك والا الشغاله

إذا كل واحد بيترك نفسه على هوائها بدون ردع ودون محاسبه ودون ضبط الدنيا خربت


أعتقد أن المصارحه هي افضل وسيله وبعد كذا كل شي راجع لضميرة ومقدار عقله وتعقله

أما أنك تزعلين وتروحين بيت أهلك .. ما أقدر اعطيكي راي فيه

__________________

هو ما يعتبر نفسه مقصر اذ انه مايمشي الا وهو مأمن احتياجاتنا من كل شئ ويخيرنا بين الجلوس في البيت ويخلي والده يجينا او اني اروح عند اهلي

ويييييييييييييييييييينكم

أختي الفاضله ***

طبعاً أنا رجال مثله *** وأعرف كيف يفكر وكيف يتصرف في مثل هذه الأمور ***

والحمد لله أنك لا تشكي بزوجك *** لذلك هوني على قلبك ولا تكبري الأمور ***

صدقيني الذي يبحث عن الخراب سوف يجده في بلده ***

وليس كل من سافر للخارج سوف يفسق ***

أنا أصحك لأنني متأكد بأن زوجك مصر على السفر ولا تستطيعين منعه ***

لذا من الأفضل أن يسافر وأنتِ راضيه عنه *** بدون حدوث مشاكل ***

ولن تستفيدين من زعلك *** لأنه بيسافر ويعود ثم ترجع العلاقة مثل أول ***

لكن أنا أنصحك علشان لا تنكدين على عمرك ويصيبك الهم والغم ***

إذا سافر اذهبي بيت أهلك واستمتعي معهم ***

وقولي له قبل السفر وأنتي تودعينه *** ترى هذه آخر سفره لك لوحدك وأنتي تضحكين ***

والمره الجاية إن شاء الله رجلي على رجلك مع ابتسامه بسيطه ***

صدقيني سوف يؤثر عليه هذا الأسلوب ***

بالتوفيق إن شاء الله 0

ماشاء الله عليك اخي زوج عتيق فاهم نفسيته زين واشكرك على نصيحتك