انا خطبت وكنت متوقع جمال خيالي حسب وصف اهلي وان كثير يتمنونها ثم بالنظره الشرعية شفت جمالها متوسط لكني مقتنع فيها لمواصفات ايجابيه ثانيه وتغاضيت عن الشكل شوي ولاتخيلت مثلك مع انها سمينه والحمدلله ماسلكت طريق الحرام مافي اي مبرر للحرام ! الله يهديك ويهدينا اجمعين
لكن من خطبت وانا ضايقن صدري مدري ليه احس بكتمه بشي ضاغطن علي احس استعجلت بالخطبه واحياناً اتمنى ترفضني احس بشوي نفور مع اني محافظ الحمدلله على صلاة والاذكار هل الي فيني طبيعي اظن اني وصاحب الموضوع نمر بنفس المشكله

اخوي خالد ان كان السؤال موجه لي (فانا ساخبركم انا احاول افيد بما اعرف ؛واتمنى منكم ان تتواصلون مع رقاة ثقه لتأكد فقط من الامر والاخذ بالااسباب ولو الاداره سمحت لي ممكن ازودكم ان اردتم باسماء او ارقام احد يفيدكم عن طريق رسائل للاداره توصلها لكم؛؛ولو اخواني الرجال اللي مرو في هالمرحله يشاركونا الراي فهو افضل لان مدري كيف تمر مرحلة الخطوبه ع الرجال ونفسياتهم فيها؛؛اخواني فهد وخالد انا والله ماودي ندخل في وساوس ؛اخوي خالد نعم قد تحدث هاذي الامور لمن هو محافظ ع الاذكار ؛لان حسب ماذكر ان التحصينات تبطل لاسباب عديده ومنها الغضب الشديد الحزن الشديد وغيرها..

(ارجع انبه اخواني والله مابي ادخلكم في وساوس ؛لكن لاني اطلعت وشاهدت امور مثل كذا ماودي تتسرعون بالانفصال دامكم تثنون ع البنات وكان فيه اقتناع)

لكن اخوي فهد ان كنت ماشفتها الا بالشوفه وبعدها ماشفتها الا بالصوره فاتوقع الصوره السبب؛يعني الامر نفسي ثبتت صورتها اللي ماعجبتك فبالك وكل ماتكلمك او تطري ف بالك تجيك هاذي الصوره حتى نفرت منها ؛ان كان توقعي صحيح فحاول تاخذ العيد فرصه وتزورها تتاكد من مشاعرك وتغير الشكل اللي في بالك لان فعلا الصور تغير بشكل كبير ؛والعلاقات تخليك تقارن ؛اكتئابك بسبب النفس اللوامه انت فيك خير ولا راضي بوضعك ؛اقطعها وتجنب هاذي الامور وبأذن الله تتيسر امورك..ردد هذا الدعاء(اللهم اغنني بحلالك عن حرامك وبفضلك عن من سواك)أسأل الله لكم التوفيق..

ما اصدق الامراض الروحيه

ماتصدق!!
والله ماعندي رد ماني فاهمه وش اللي منت مصدقه؟العين او الحسد او المس ..
ع العموم هي قناعات
وماقصدت في وضعك الا ان تستفسر عن طريق الواتس ويتم توجيهك وفالغالب سيتطلب الامر(المحافظه ع الصلاه جماعه والاذكار وورد يومي من القرأن)

الله يصلح الحال وييسر لكم الخير..

كل عام وانتم بخير
اخي الكريم انت تقول انك كنت تمارس المحرمات مع نساء
اتوقع انك شممت من هؤلاء الساقطات روائح مقرفة كرائحة الفم ثوم ولحم أبقار وبخاري لحم غنم وووو، بالاضافة الى ان هناك انواع من الاطعمة تفرز الجسم روائح مزعجة .
لا تتخيل يا أخي وتدمج الصورتين فلن تعيش مع اي امراة عفيفة.
الساقطة تختلف عن العفيفة ، فالساقطة همها المال والشهوات ولا يهمها ارتاح هذا الزاني او لم يرتاح شم منها رائحة كريهة او لم يشم ،
لا يهمها ولا تطلب رضاه، عكس الزوجة همها تكتسب قلب زوجها وتريحه وتسعى ما بوسعها تظهر له بأحسن حال، ولو لا سمح الله شعرت ان في فمها رائحة ثوم الموجود في الوجبات السريعة ، او رئحة زفر اللحم المزعجة ، فستحرص على عدم اقتراب فمها منك وستحاول تتخلص من الرائحة بفرك الاسنان وأكل النعناع والعلكة قوية الرائحة
والحمد لله بنات هذا الزمن انيقات ويستحمون كل يوم ويحبون البخور العربي ويبخرون ثيابهم وجسمهم ومنزلهم كل يوم ، ولا تنسى انهن يضعن كريمات معطرة للبدن ، عكس السافلات القذرات .
ورط نفسك يا أخي بفعلك للحرام وهذه عقوبة من الله
استغفر الله كل يوم 1000 مرة في اوقات متفرقة واكثر من تلاوة القرآن الكريم .

مذكوره بالقرآن والسنة الله يهديك

يبدوا ان الوازع الديني عندك ضعيف وهذا سبب ضعفك وانجرافك للمحرمات
حافظ على صلاتك واكثر من التوبه ترا انجرافك للحرام بسبب شكلها ماهو مبرر
توب الله يهديك ويصلحك

استغفر الله العظيم

طريق الحرام ايش راح تستفيد منه !؟

توني انتبة انك راعي علاقات
اسمع مافيك لاعين ولا خرابيط
اللي فيك عقوبة وضريبة العلاقات المحرمة
احصد مازرعت يداك
واتقي الله في بنت الناس حتى ماتجيك عقوبتها بعد
انت شايفها شوفة شرعية بشكل مباشر وكانت عاجبتك مو ذنبها انك تتخيل

ضروري تحدد مشاعرك .. وقبولك لها .. وارتياحك ..
والا استخير في امرك .. مادمتما على البر

الله يكتب لك ولها مافيه الخير .

__________________