الله يعطيكم العافيه كلكم
شكرًا لكم، ما قصرتوا الحمد لله مشاكلنا إنحلت وكل شيء تمام مع إنها كبرت في ليلة كتابة الموضوع ووصل الأمر إلى ما قبل النهاية، لكن الله سلّم _ في أشياء أنتم فاهمينها غلط أنا الصراحة، ودي أتزوج اليوم قبل بكرآ لكن، العين بصيرة و اليد قصيرة (أنا لا أشتكي الا الى الله، بس أبي أفهمكم وضعي) بحكم إن تخصصي صحي، فحبيت إن أعمل في نفس مجالي وحتى ولو في الخاص وعشان أكسب خبرة تفيدني في المستقبل وتعجل من وظيفتي الحكومية وبحثت في الخاص ولم أجد، حتى خارج المدينة التى أنا أعيش بها ولم أجد والحمد لله على كل حال.. طبعًا، الخاص ما يأهل إني أسوي الزواج، لأن راتبه من 3500 إلى 5000 ريـال سعودي (لا تحاولون معي إني إذا لقيت خاص أجمع منها عشان اسوي الزواج، هذا ضرب من الخيال) الجهات الحكومية لازلت أقدم فيها وللأسف برضه ما في أي رد ما أقدر أجبر أخواني يسوون لي الزواج واحد منهم وافق إنه يساعدني قبل فترة، بس بعد وقت سارت بيني وبينه مشكله بسيطه مع إنه هو المخطي بحقي، و قال لي إنقلع ما ني مساعدك وبعد فترة إمي كلمته وقالت له تكفى ساعد أخوك وسمعت ردة قدامي، وقال : "إيش اللي أساعده !!" وقبل أمس شافني مهموم، وقالي والله لو أدري أشيل زواجك كله على ظهري راح اسويه لك أنا الصراحة ما عاد أثق فيه، وحتى لو سوى الزواج راح أحس بإهانه كأني أشحذ زواجي البقيه واحد وافق مبدئيًا و الثاني ما كلمناه باقي وإحتمال كبير يوافق إن وافقوا، فكل واحد بيدفع مبلغ وقدره، (طبعا دين حتى أتوظف وأردها) أحسه زواج بالقطه، وراح أشيل فضلهم إذا ساعدوني من الأصل ومن الأساس ممكن يساعدوني وممكن لا هل لو ساعدوني أهلي أوافق ولا لا؟ أحس بإهانه وربي، وألزم ما علي كرامتي. إذا تأخرت وظيفتي، لأكثر من 6 أشهر هل أعتق بنت الناس و لا لا ؟! |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|