كلام الاخوه شافي ووافي يابني الشارع مليء بالمصايب والافات وجلوسك في المنزل اثمر رجل يسبق سنه بمراحل ماشاء الله تبارك الله ثقافتك ووعيك واسلوبك يجعلني احذو حذو ابيك في تربيته لك لاني اراه احسن التربيه وفقك الله لكل خير |
يعني غريبة كل الناس تطلع و تستانس الا انا انتظر " زواجي " ؟؟ طيب لو الله مـآ كتب لي " الزواج " !!؟ |
المشاركة الأصلية كتبت بواسطة روح الغالي
السلام عليكم
اخوي الكريم سلطان\\\ الله يسعدك ويصونك والله ثم والله ثم والله ولد اختي عمره 21سنه الي دحين ماعند ه سياره شوفه يدرس ويتدرب 12 ساعه ،، عندنا بالرياض واهله بجده ايام تدريبه يطلع بالتاكسي ولما يخلص مكافأته يجلس في البيت ولا يطلع مع اصحابه ولاحتى يفطر في العمل وابوه يعامله كأنه طفل صغير وغيره وغيره وغيره لكن كل هذا الحمدالله احسن من غيره فأخوي الله يرضا عليك ابوك اكيد شايف بلاوي الدنيا وانت شاب اكيد عارف بلاوي الشباب وبنات الحرام الله يكفينا شرهم فهو خايف عليك ويبغا يحميك حاول تتفاهم مع الوالد قوله ياابوي انا موعاجبني حياتي كذا طول وقتي نفس الروتين قوله ابوي ابغا اشترك في نادي رياضي على الاقل اجلس ساعتين ثلاثه بالرياضه والسباحه اقضي وقتي واطلع طاقاتي انا راح اقولك افكار فكر فيها وحاول تطبقها 1_ حافظ على صلاتك في المسجد اطلع كل فرض وروح صلي قبل الاذان بـ5 دقائق 2_ اقنع الوالد يسجلك في نادي .. 3_ اشتري لك طاولة بالياردوا او تنس طاوله... وجيب اولاد عمك واصحابك او حتى انت واخوانك والعبوا تحديات ((( اخويا لما كمان اصغر بعد وفاة الوالد امي خافت على اخويا يطلع من البيت فأشترت لنا تنس طاوله وكان كل يوم يجمع اولاد الحاره ويجلسوا تحديات بالساعات حتى الجيران كانوا ينبسطوا لما يشوفون اولادهم عندنا بدل مايدورون في الشوارع بعدها اشترك في احد النوادي كمال الأجسام وتدرب ومن كم سنه اخذ دوره في التدريب كمال اجسام واخذ شهادة مدرب والحين عنده نادي كمال اجسام خاص فيه)))) حاول مارح تخسر هدي نفسك شوي وانتبه على نفسك ولاتزعل ولا شي الحمدالله احسن من غيرك على الاقل عندك كمبيوتر غيرك ماعنده كمبيوتر ولا شي الله يسعدك ويوفقك ويحنن قلبك الوالد عليك حصنتك بلا اله الا الله |
السلام عليكم أبو الشباب / سلطان لست طفل ، ولكنك أصبحت في أول طريق الشباب . والديك يحبونك جداً ، ومن يحب إنسان يخاف عليه من أي شيء . فأعتبرني أخ كبير لك ، فأنا في ضعف عمرك وأزيد . وعندي أولاد وبالرغم من ذلك أجد والدي حفظه الله إلى الأن . يعطيني التوجهات والنصح ، بل وإن إختلفنا في الرأي أحياناً يعصب . والدك حفظه الله ، يخاف عليك من إندفاع الشباب والطيش والإنحراف ويخاف عليك من أمثال من قال لك إلبس النقاب . كن فخور بوالديك ، لخوفهم عليكِ ومراعاتهم لك . وكما ذكر لك أخي العازم فعندما يرزققك الله بالأولاد ستعرف لما فأخبرني أيهما تفضل عندما تكون أحسن الناس وأفضلهم بأخلاقك ، و ترفع رأس والديك عالياً و فخورين بك . أعزك الله وأكرمك ، أم يهربون ولا يظهرون أمام الناس من أفعال أنت ارتكبتها ، ! ! ! ! ؟ ؟ ؟ تقبل منِ أخوك / أبو محمد |
يأخ سلطان هذي غريزة الابوة وأبوك خايف عليك من مصايب الدنيا وبعد هذي معاملة الوالد لولده مهما كانت الاعمار اذكر كنت عند جدي وعنده امه ( أم جدي ) وكانت توصيه وتقول له لا تتأخر في النوم ، لا تاكل كثير يوذيك ياوليدي ..الخ فوالديك احرص عليك وبعدين عندك اكبر من الشارع ( الانترنت ) فهم قد وضعوا كل ثقتهم فيك |
السلام عليكم اخوي المتميز ... ماشاء الله عليك .. شوي شوي على اهلك .. انت شو ترتيبك بين اخوانك ؟؟ يمكن انت اول ولد في الاسرة عشان جذي مشددين عليك .. ومايصير اتلومهم .. خايفين عليك .. فانت عطهم الامان .. لا تلح على الطلعه لوحدك كثير... اول شي قول مثلا ابي اروح بيت عمي.. وبعدين اتصل بهم قول ابي اطلع مع ولد عمي شوي .. وشوي شوي يتعودون .. انت ماتدري شو يدور في راسهم .. يعني يوم يشوفونك تبي تطلع .. ومتحمس.. اتجيهم افكار ويتخيلون يصير بك شي.. ولا تحتك بشباب مو شي... |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|