أعوذ بالله من هكذا رجل الله لا يبلانى كان الله في عونها

ما دامت لا ترغب بالطلاق فأعتقد أنسب حل هو أن تتجنب الجلوس أو الحديث معه فقط تقوم بواجباتها نحوه رضى لله عز وجل وبهذا تضمن عدم إعتدائه عليها بالضرب والسب

__________________

أنا لا حظت إنها أحياناً ما تختار الوقت المناسب في الكلام و ما تعرف متى توقف ، بس والله هذا ما يعطيه الحق في إنه يضربها ، و حسب كلامها أحيانا تكون أسألتها عادية جداً و ما فيها أي شي مستفز لكن هو الله ي ..استغفر الله العظيم الله يهديه ،يضربها بدون أي دافع قوي الله يعينها و يهديها للصواب ،

بخصوص تحكيم ناس من العايلة تقول تقريباً مقطوعين من شجرة ، بس عندها واحد من أهل أمها شديد و يقدر ياخذ لها حقها بس هي ما تبي حد يعرف بالموضوع ، تقول باستوي علك في حلوج الناس ، بس بعد راح أحاول أقنعها بهالحل .

رايي من رايج حبيبتي أعتقد إنها لازم تفكر تحل المشكلة بطريقة مختلفة ، طول السنين الماضية و هي تسوي نفس ردة الفعل ، تزعل و يوم يجي يراضيها ترضى و ترجع لبيت و ينتهي كل شي !
الله يصلح حالها و يفرج همها و مثل ما قلتي لان اللي يده في الماي مش زي اللي يده في النار ..

الله لا يبليك و تعيش مع ناس مثل هالنوعية عشان تصدق إنهم موجودين !

أنا أشوف إنها تعطيه فرصة أخيرة بس لازم هي تتغير أول و تصير أقوى ، لأنها إذا ما تغيرت عمره ما راح يتغير ...

الله يجزيج الخير على تفاعلج و يبعد عنج شر كل ذي شر

هي ما تبي ترد البيت قبل ما تلقنه درس ، بس مو عارفه شو تسوي ، مشكورة الغالية على الرد ...

يا جماعة اتصل فيها أمس على الدوام و قال لها : فلانة (اسم الدلع )

قالت نعم

ليش صوتج متغير

ما فيه شي

خلاها على الخط و قعد يكلم زميله

و بعدين سألها بكل بساطة ، إنتي بعدج زعلانة ؟؟

قالت له لا تكلمني و لا تتصل فيني مرة ثانية و سكرت الخط بويهة .

شو رايكم بتصرفها و شو تسوي لو جا يصالحها ؟

حبيبتي أميرات جربت هالحل زمان و ما نفع ، يعني انصلح حالة فترة و بعدين رجع أسوأ من أول ...
يعني هو أصلاً ما يحترمها و لا يحترم أبوها أنه يعرف إنهم ما يقدرون يوقفون بويهة ...

أدري حبيبتي إن تصرفها مو مثالي بس على الأقل أنا مبسوطة إنها صدته و لو مرة و حدة ، خليه يحس ن هالمرة غير ...
بخصوص رجوعها للبيت هي راح ترجع بس إذا بدأت المدارس عشان المواصلات ، بس أنا قلتلها ما ترجع حتى لو بدأت المدارس و تشوف أي طريقة لتوصيل عيالها ، لازم يحفي وراها ، و لازم تاخذ ضمانات منه إنه ما يرجع لطبعه الأولي ، بس كيف ؟

وحدة ااقترحت عليها ما ترجع إلا برضوة "مبلغ مالي كبير " و إنها تروح عيادة تاخذ تقرير طبي يثبت تعرضها للضرب ، هي يابت التقرير بس ما تعرف شو تسوي ...