مراحب كثير من الرجال من يغدق علي نفسه بالمال وينسى الزوجه او انها لا تحتاج الى شي في نظره ---انا زوجي مثل زوجك يابحرينيه ولكن ما يقصر علي نفسه بشي اما انما يعتقد ان 300 ريال شهري تكفي وتزيد لي انا واطفالي رغم انه حدد مبلغ المصروف الشهري لي انا واطفالي مبلغ 800 ريال لكن مايعطينى الا 300 يمكن الباقي يحطه لي تقاعد وان مقهوره احيانا اقدر واسكت واحيانا اصول واجول حتى اخذ ماريد لكن مليت من الازعاج والمشاكل نفسي يعطينى بدون ما اطلب واخانق نفسي نفسي -----ابغي طريقه سهله للوصول الى المال بسهوله من زوجي----اغدقو علينا بالحلول

الله يعينك بس لا عاد تساعديه بشي طالما انه معاه

ولاتظلموا الرجال ترى مو كلهم بخلاء(أصابعكم ماهي سوى)

والله نفس الشي يصرف على نفسه في ساعات ماركات خواتم اقلام وانا يطنشني
مو كانه واجب يصرف علي
الا يفكر الرجل بان زوجته قد تلجا وتمد يدها لاحد عشان يعطيها لان الزوج لايرغب في اعطائها
وكم من بيوت انخربت لان الرجل بخيل
افيدونا بالحلول

فوق

احب ريون ضحكتني كلمتك لما قلتي مخلي لك الباقي راتب تقاعد انا اخواتي يلوي ذراعي بالمصروف يعني انا وبنتي يعطينا 600ريال كويس لما يزعل ينقص مصروفي من مصروف بنتي ويعطيني بس حق بنتي
وانقهر بس اسكت يعني اختكم في الله صار لي 3 شهور ماشفت منه شي وقبل يومين طلبته 4 ريال شريت لي سفن اب قال لي ليه حق ايش ال4 ريال يعني عشان يقهرني بس الموضوع ماهو هامني تدرون ليه لاني لو ابي1000 ارفع السماعه على الوالد ويرسلها لي بدقيقه واصلاً الوالد مايقصر معي كل فتره وفتره يرسل لي مالايقل عن 500 ريال مجرد بس عشان يبري ذمته لانه عارف الوضع بس الي يقهرك انه الي عندك قاعد يذلك على شي مايسوى
والي يقهر اكثر اني لماتزوجت كنت موظفه راح جلسني من الشغل قال ايش قال انا قادر اصرف ولا احب
يكون لك فضل علي شي مضحك

__________________
سبحان الله وبحمده عدد خلقه وزنة عرشه ومداد كلماته
لا اله الا الله عدد ماكان لا اله الا الله عدد مايكون

هلا حبايبي انا موظفه ايضا وزوجي موظف اعتقد ان تعويد الزوج على المصروف من البدايه ضروري انا في بداياتي متزوجه من 6 شهور كل ماهل الشهر طلبت بس الحين اشوفه هو عادي قام كل مايهل الشهر يحط المصروف في يدي اذا في عزايم لربعي زيارات مايقصر بعد هو يدفع ...الله يخليه لي ان شاء الله عودوهم لاتخلونهم وكل ماقل شي قلت الرجال قوامون على النساء ههههههههههههههههه

والله الرجاجيل كلهم نفس بعض
عندهم كلمتين يحبونها وحافظينها صم
ماعندي لا

الله يهديهم

__________________
لو كان الحب كلمات تكتب لانتهت كل اقلامي لاكن الحب ارواح توهب فهل تكفيك روحي