والله العظيم الحين حتى المراهقين يعرفون عن امور الحريم اشياء ماتفهمها الحريم !!

تطمني من هالناحية والله انه يعرف وأستاذ بعد ، اما عاد 35 سنة ومايفتهم مصيبة هاذي

وبالنسبة لمكالمتة فأنا انصحج بأنه تخلينة هو اللي يبادر لأن انتي اذا بادرتي بيقول عنج جريئة ويبدى مشوار الشك والحياة الغثى ، والثقل صنعة وانا اخوج.

شنو باقي اسألتج؟

__________________
استغفر الله واتوب إليه

ربي يسعدك اخوي
مستحيل ابداا اني اكلمه اصلا استحي بس كان نفسي
طيب بسالك وحده صديقه اختي تقول يوم لبست ثالث يوم شورت سكت هو بس بعد ماتعودو ع بعض قالها انتقدتك وانتقد جراائتك ع لبسك وهي طبعاا موب سعيده تقول مايعرف حتى يوديني للمطااعم
اخاف اصير مثلهم

يا عزيزتي ،، أراك حصرت همومك في شبكة وشهر عسل ومكالمات ؟! ،،،،
يا غالية ،، الزواج مؤسسة بعقد تقوم على المودة والرحمة والاحترام .... والهدف منها السكينة و الاستقرار ....
يا غالية ،،، ما لفائدة ان أخذ بك جولة في اوروبا و اسيا ولكن عاملك بدونية وجعلك مهمشة كأي قطعة اثاث في المنزل ...
مالفائدة ان أتى لك بشبكة ليست بكبيرة كما تقولين ثم بعد الزواج شنف اذانك بالسباب والشتائم و ربما وصلت لما هو اعظم من ذلك لعلاقات محرمة او سكر وغيره عافانا الله واياك مما ابتلى به بعضهم ....

أرأيت ان نظرتك قاصرة ؟! ،،، فأنت ركزت فقط على القشور ولم تتساءلي عن جوهره كرجل ....

وان كان همك نظرة اخواتك و زميلاتك فصدقيني لن ينفعوك بشيء ولن يعيشوا معك بل انت من سيعيش معه فلا تجعلي لاحد مدخلا لكي يحدد لك ما هي الصيحيح ،،،

ونصيحتي لك ان تكثفي الاستخارة واسألي الله ان يجعل زوجك قرة عين لك ويجعلك قرة عين له واقرأي الكثير عن الحياة الزوجية وثقفي نفسك بحقوقك كزوجة وحقوقه كزوج ولا تهتمي بالشكليات الزائلة ...فالزواج اكبر من هذا بكثير. فهو ليس سفرة للخارج او ذهاب للمطعم ...الخ *

__________________
علمتني الحياة .. أن استمع لكل رأي واحترمه وليس بالضرورة آن اقتنع به ...

اختي انا ما احب الفكر العقيم أبداً
البنت لبست شورت حق زوجها حلالها وين المشكلة ؟؟ حتى لو كانت في ثالث يوم !!
خلاص بما ان العملية الجنسية وقعت تطيح الكلفة ، ومشكلة اذا البنت ماخذت راحتها مع زوجها

أصلاً البنات يجن مهيآت للعملية الجنسية قبل الزواج ، وبالتحديد في تجهيزها تلقينها تشتري من الملابس الخاصة وكذا .. والبنت المتزوجة بالذات واللي في بداية زواجها تحب تشوف نفسها بملابسها الخاصة.

الحريم يلبسن ملابس اكثر جرأه من الشورت مع أزواجهن وهذا شيء طبيعي ، ومافيه احد بالكون بينتقد زوجتة لما تلبسلة وتكشخلة وتهيئلة سهرة حلوة إلا واحد معقد وفاهم الدنيا غلط.

أما بالنسبة حق المطعم والأمور هاذي ، انتي عودية لأن الرجال على ماتعود علية من أمرتة ، ونصيحة لوجة الله سويلج شخصية معاه بحيث اتخلين الإحترام متبادل بينكم ، لا انتي أتعدين علية ولا هو يتعدى عليج.

وتعلموا أنكم تتناقشون في اي شي يصير فيه لبس او سوء تفاهم بينكم ، بس نقاش تحت طاولة حوار هادئة عنوانها الإحترام المتبادل.

__________________
استغفر الله واتوب إليه

ويعلم الله بعد يارهو اننا من قرينا وضعك وحنا بالنا وتفكيرنا معك والسنتنا تلهج بالدعاء لك

رهو حبيبتي تحسبي مو مقدره خوفك وربي عارفه حجمه وعارفه ثقل هالخطوه بس ترى هذي طبيعةالفرج الخطوه الأخيره تكون صعبه وبعدها يسر

طيب رهو بننتظر لين رسالتك توصل أخونا عضو مهم ونشوف وش يردون عليه الهيئه وان شاء بيكون في ردهم مايشجعك

يافشلتي كنت كاتبه كلام لك بس اثرني نسخت رد كنت كاتبته بموضوع ثاني تكفون ياأشراف امسحو مشاركتي التعديل راح علي دايم عجله الله يصلحني

عزيزتي بخصوص انك خايفه انه ينقد عليك ?لبستي شيء عنده.. انتي بالبدايه جسي نبضه وانتي بذكائك ومن خلال كلامه وتعامله لك بتتنبئن كيف بتكون ردة فعله ..

حتى لو بان انه راح ينقد انتي عوديه شوي شوي لين يفهم انك زوجتك وحلال ماتلبسينه له..

ممكن انه يكون مايعرف شيء فيه ناس كثير و الله ماقد تكلمت مع بنت غير امها او اختها

وفيه ناس ماتعرف وش الهديه وكلن فيه عيوبه ومافيه احد كامل

المهم اذا حبك راح يتعلم عشانك واذا ماحبك راح يزود همك هم

استخيري والله يوفقك انشالله

اختي الفاضلة ...~
اسال الله لكي التوفيق بزواجك وان يجمع بينكم على الخير ...~

اختي الرجل حاولي تكلمينه ومادام ان الرجل قبل انه يشوفك فأعلمي انه عندما رأاك حبك وينتظر الاتصال فقط
انا من ناحية تجربه تزوجت منذ ستة اشهر وانا في طبعي بدوي وكذلك الناس اللي خطبت من عندهم بدو لكن بنتهم متفهمه شوي ومع ذلك حاولت اشوف زوجتي في يوم الملكه ووافق ابوها مع العلم ان جماعتنا لا تقبل بذلك لكن قلت لهم "بشوفها بس حتى ما راح اتكلم معها وماراح اشوفها الا بعد ما يكون العقد معي ....~ المهم بعدها بشهر حاولت اكلم زوجتي عن طريق اخواتي وكذلك اخواتي يرون انها عيب لكن دبرت لي كم عذر وكلمت زوجتي ... في البداية ارسلت رساله ولم يتم الرد وارسلت مره اخره بأسلوب اخر ووافقت بشرط انها لن تتكلم انا فقط الذي سوف اتكلم وهي فقط تستمع وبعد ما اغلقت السماعه انهلت علي بالرسايل اني ارتحت لك يوم شفتك ومدري ايش ...الخ

الشاهد من الموضوع انك انتي حاولي ترسلين رساله في البداية وهو والله بيشتاق لك ...وهو على باله انك مستحيه ولا تريدين ان تكلمينه لذلك ماحب انه يتصل ولا يطلب رقمك ...~

وثاني شي عن اللباس انك تلبسين قصير او ملابس فاتنه هو او اي رجل يريد من زوجته ان تتفنن في اللباس بس بشرط ان يكون في البيت ويريد منك ان تحتشمي بلباس اذا انتوا رايحين عند ناس وعندهم نساء كبيرات في السن الا اذا كانت صديقاتك تقدرين بأسلوبك تقنعينه انهم صديقاتك ويلبسون مثل كذا ...

وثالث شي انتي تقدرين تتحكمين في زوجك بأسلوبك وتدليعك له انا والله عن نفسي اول ما تزوجت ما اعرف شي
حتى اللباس ما اعرف ألبس الجنز والتشيرتات وما اعرف اختار .....دائما والله تجي زوجتي وهي اللي تختار لي الملابس الكشخه
واشتريها على طول.... وحتى في طريقه اللبس الالوان هذا يركب مع هذا وهذا يركب مع هذا ....كل هذا هي اللي تقوم به
ويعلم الله المكالمات هذي استفدنا منها استفاده عظيمة لكن في نقطه حاولي ما تكلمينه الا قبل الزواج بشهر او شهرين
لانكم راح تحسبون الساعات والدقايق على يوم الدخله ....~

اعتذر عن الاطاله ....~ اتمنى اني قد افدتك ....

حبيبتى أذا هو للان عايش بخيمة من وين يوديك شهر عسل