الصراحة المنع ما يفيد ابدا عطيها ونمي فيها حب الله والخوف منه وراقبيها بدون ماتدري و قولي لها باسلوب غير مباشر عن قصص تعرضوا للابتزاز وبالنسبة لليوتب تقدرين تحجبين البرامج الغير مفيدة
|
الأمر صار كثيف بشكل مزعج...
اللي حواليني 99٪ يعطون اولادهم ايباد من عمر 3 سنوات ومن صف الاول الابتدائي كل واحد يمتلك سمارت فون خاص به... واللي ما عنده يكون شاذ جداً جداً وتحسينه يكسر الخاطر وسطهم.. وتيلفوناتهم آخر موديل 😕 |
ربي يحميلك ياها حبيبتي مسك وتشوفيها بأعلى المراكز
انا كنت ضد فكرة يحمل الولد تلفون الا لبعد عمر 14 او اكتر وبمراقبة الاهل من دون ما يعرف الولد كرمال يتجنبوا اي اخطاء غير محتسبة مع انو الولد ما بيتعلم الا من غلطه بس غلط عن غلط بيفرق واكبر غلط يعرف الولد انه مراقب وابني الكبير من سنتين اعطيته اول تلفون عادي قديم وقت كان عمره 10 سنين لإقدر اتواصل معه ويتواصل معي بس يكون مع اصحابه خارج البيت وشفت كل رفقاته بيملكوا هواتف حديثة وكان يستعمل بالبيت ايباد وعلى نفس الايميل عندي وكنت اعرف اي شي بيدخل عليه وهو بيحدثني بكل شي تقريبا وحتى ان دخل عاليوتيوب ونزل شي عن لعبة للبلاي ستايشن بيطلب مني اني اعمله لايك وحتى الفيس بوك فكل شي واضح عندي وشفت انو يكون غير رفقاته هالشي اكبر غلط و لو كان ضد قناعاتي وخاصة ببلد اوروبي لانو اللي رح يتعلمه ويشوفه بريت البيت افظع من التلفون على سبيل المثال كل فترة وفترة بيجيبوا الاولاد قصص من المكتبة ليقروهن فجاب ابني الوسطاني عمره 9 سنين كتاب عبارة عن رسومات وقصص لاطفال صغار مع مراحل نموهم وحركاتهم لكل عمر والكتاب بيتضمن رسومات واتفاجئنا انو تحت كل رسمة في رسمة تانية بتشرح من بداية العلاقة بين الرجل والمرأة لحصول الحمل لمراجعة الطبيب وتغييرات الجسم مع اثناء فترة الحمل للولادة والرضاعة ونمو الولد لعمر الحضانة انا بعرف اشيا كتير عن طرقهن يتثقيف الاولاد وبعمر معين بس ما كنت متوقعة في كتاب لاطفال بهالوصف والشرح مع الصور الدقيقة بتفاصيل كتير حساسة مع انو الصور الظاهرة غير الصور المخفية كقصة بقول انو كتاب حلو ومشوق واتخيلي الوقت والجهد اللي صرت اشرح للاولاد بطريقة يستوعبوها ويقدروا يشوفوا هالصور على انها شي علمي وسنة الحياة ومش شي ليفسد اخلاقهن المهم السنة الماضية بس صار عمره 11 جبتله تلفون حديث وما بياخده معه عالمدرسة الا وقت يروح لعند اصحابه وانا دايما بفوت شوف على شو بيدخل والرسائل عالواتس وبقراهن من دون ما يعرف لاعرف شو بيتحدثوا عالتلفون وبخبره اني بدخل لارسل صور من عنده لعندي وهالمراقبة بتستمر لعمر محدد وبعدين خلص بكون عملت اللي عليي ووجهته ورح يكون مسؤول عن تصرفاته مع انه دايما بيقلي لو كبرت دايما بحتاج الك بجاوبه انا حدك ساعة اللي بتحتاجني فيشوف اذا اغلب اصحابها معهن تلفونات يعني اللي خايفة منو ممكن تشوفه من تلفونات صديقاتها الافضل تحمليها واحد منهن وكوني صديقتها المقربة لدرجة تنزلي لعمرها وزيلي كل الحواجز وشوفي كيف رح تكون صريحة معك لابعد الحدود بالتوفيق |
موضوع حساس جدا وخطير...أنا ممكن تعتبروني معقدة شوي بس بصراحة من البلاوي الي أسمعها وأشوفها من الصغار والكبار ..ما راح أعطيهم جوال إلا بعد الثانوية العامة بإذن الله ..يعني عال18..كيفهم رضوا ما رضوا ..هذي قناعتي..عندي بنتي عمرها 15 سنة أكثر من مرة أعطيها الجوال وأشوفها تبحث مغنيين أجانب او مغنيات..بنتي تصلي وتصوم ومحجبة بس مشكلتها تتأثر بالي حوالينها...حاولت كثيرا أزيد الخوف من الله عندها ولكن تقول أحب من باب الفضول أشوف المسلسلات الي البنات يسولفون عنها او الاغاني من غير ما أتابعها....حاولت أقرأ كثير وأسأل ..طلعت بنتيجة انه هذه فتنة عظيمة انك في الطفولة والمراهقة تسلمه تلفون في نت مفتوح...سمعت أحد التائبين يقول في قصته انه كان يرى في المراهقة مقاطع اباحية حتى لما كبر وتزوج وشاب شعر راسه ما زال يذكرها وتلاحقه في الخيال...حتى المجرمين والشاذين يقولون شفنا الشذوذ في الصغر.. فعمر الطفولة والمراهقة حرام نخليه في هالفتنة الطاغية...الطفل ما يعرف مصلحته يشوف اي شي...والمراهق شهوته تغلب عقله...هذا مبدأي ولكل واحد وجهة نظره...طبعا بنتي كثيرا ما تتحلطم ( تتذمر) بس افهمها انه لمصلحتها...طبعا عندهم آيباد بدون نت أشبك لهم في وجودي فقط وهم جالسين بيننا...والله يحفظهم وعيال المسلمين
|
اهلا مسك
والله يحفظ اولادنا من كل شر انا ايضا حازمة قليلا مع اولادي في هذه الامور لكن من اجل الدراسة وخوفا على اعينهم لاني لم امسك ولدي يدخل لماهو محضور الى الان والحمد لله كل مايهمه البرامج والتقنية والفرمتة والاعاب غيره ويكون تحت المراقبة وواضعة الجهاز مقابل وممنوع غلق الباب اما الهاتف الذكي لم اشتري له للان لانه سينفرد به ويكون معه في كل مكان لكن بمجرد ما انتهت العطلة اسحب كل شي لانه شغله كثير اما اطلاعهم على امور اكبر منهم فجيلهم غير افظل ان ياخذو المعلومة صحيحة منا احسن بطريقة تناسب سنهم |
انا شلته من اطفالي .. بصراحة تغيروا للاسوء كل همهم الاجهزة و تفكيرهم فقط بالجهاز ان غاب عنهم طفشوا .. صار ادمان شديد عندهم..ولازالت المقاومة و البكاء من قبلهم .. لكن باذن الله الشدة والحزم لمصلحتهم .. اذا ماعطيته ايش بيصير يعني ! لكن لازم تعويض
مثلا اخذهم للحدايق شراء العاب الطيبين😁 اونو و ضومنه و غيره لكن الجهاز مررررفوض و على الاهل الا يلينوووووووا مطلقااااا والباب اللي يجيك منه ريح سده و استريح 🙂 |
أنا نفس أم عمر بالضبط والحمدلله ماهمني اللي حولي رغم كلهم معاهم جوالات مع عيالهم وهما بأولى ابتدائي حكاية كل الناس كذا ولازم أكون زيهم ماتمشي معايا كل واحد بيحاسب في قبره لحاله ..
على فكرة مسك انت من الشخصيات المحببة والقريبة لقلبي في هذا المنتدى وعندك مباديء وقيم متمسكة فيها رغم عيشتك في بيئة أجنبية اغبطك عليها الله يثبتك ويقويك على الحق يارب . |
في الزمن هدا المنع مايفيد .. خاصتا انه الموضوع هدا منتشر وهو موضوع الجوالات ..
ماسبب رفضك للجوال عزيزتي ؟؟ رغم انه عندها جوال ابو دقه قديمه مثل ماقلتي للتواصل ؟؟ وعندها ايباد تتفرج فيه ع البرامج الانستغرام والسناب شات وغيرها .؟؟ فما هو السبب في الرفض طالمها هي الان تستعمل الاثنين ؟؟ هل هو عدم قدرتك على المراقبه ؟؟ او الخوف انها تنجرف لاشياء سيئه اخرى ؟؟ انا عن نفسي اشوف المنع اسلوب غير جيد وغير حضاري وغير مفيد ويضر من شخصية الطفل ومسكينه البنت بتشوف صديقاتها مثلا معاهم اجهزه حديثه .. حلو اننا مانحسس اولادنا بالنقص عن غيرهم .. وبنفس الوقت يكون كل شي تحت اشرافنا .. مثلا : ممكن اجيب لولدي جهاز جوال وحديث مثل اصحابه لكن كل شي بموافقتي اشوف برامج السوشيال ميديا وتكون كل الرامج بإيميلي حتى تسهل المراقبه والانتباه .. وفوق هدا انصحه وابينله كل فتره وفتره الخطأ من الصح والخوف من الله <<< صدقيني طول ما انتي تبيني لهم الصح من الغلط والحرام من الحلال طول ماراح يكونو تحت نظرك ومتطمنه .. اما المنع والله مايفيد بدون ان يعرف الطفل السبب خاصتا لما يشوف اصحابه عندهم اجهزه راح يجي في باله النقص في داخله وعدم الثقه وبتكوني ضريتي شي في نفسيته بدل ماتعلميه عن الصح والغلط .. مو شرط تجلس كل يوم تراقبي وكأنك جهاز مراقبه لكن المتابعه والاشراف والنصح هدا الي يمشي بالزمن دا .. كل شي مرفوض مرغوب طول ما انتي تقولي لا لا لا والولد او البنت بتشوف الي تبغاه بيد غيرها وبنفس العمر طول ماراح يأثر عليها .. حسسيها بالثقه وعدم النقص مع الارشاد والمراقبه |
وانا اشوف المنع افضل حتى من الاي باد ماينفع امنع من الجوال و اعطيهم هالايباد
الاطفال الحين ما قاموا يلعبون زي اول صاروا يملون بسرعه حتى الحدايق ما يلعبون فيها عقلهم و تفكيرهم في هالجوال او الجهاز غير عن اضراره الصحية الجسدية و النفسية وضرره على العين و الرقبة واللي واثق من نفسه ماراح يحس بالنقص تقدر تبين لهم سبب المنع عادي وتعوضهم باشياء ثانية وتشغلهم باشياء ثانية بحفظ القران و الا بشغل البيت المهم ماتترك وقت للفراغ اذا راح الادمان خلاص يحس الطفل باستمتاع بحياته من دون هذا الجهاز واذا الكل معه جهاز و انا اشوفه غلط مش معناته انجزف معهم بالعكس والله اشفق عليهم . |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|