الله يرضى عليك اختى بنت طيبة الطيبة
شاكرة مرورك
لا تحرميني من دعواتك الطيبة

والله رأيه مقنع وصحيح جداا

لكن لابد يكون بموافقة وعلم اهلك..

أنا مثلك نجدية ومن القبائل المعروفة<< اعطيتك خبر عشان تعرفين ان عادتنا مثلك تماما ومحافظين بعد..

أخوي لما خطبنا له جا اخوها واعطى اخوي رقمها قال تعرفو على بعض انتم الآن مخطوبين ولازم ترتاحون لبعض وكل واحد يعرف افكار الثاني

في البداية أخوي تفاجأ وبعدها قال والله اهلها يفهمون ماشاءالله

وكلمها 3 مرات قبل الملكة بس

يعني عادي لكن المهم خليه يعرف ان اهلك عارفين واعطيتهم خبر عشان مايلعب برسه ابليس

وموفقة ياجوري

__________________
اللهم لك الحمد والشكر
"ولئن شكرتم لأزيدنكم"

طيب يا أختي جوري2006... عندي لك اقتراح بالمرة حلو (وأنا أطبقه):

خلي خطيبك يكلمك فقط في الأعياد, المناسبات الكبيرة (نجاح أو ترقية...الخ) فقط, وبكون بعدما يستأذن من أهلك (حتى لو أمك)... يعني أمه أو أخته يكلمونكم أول يعيدون عليكم ويقولون ترون الولد يبغى يكلم خطيبته، ممكن؟؟

وترين الأخ الكيسائي عنده وجهة نظر محترمة....


والله يوفقنا وإياك لما يحبه ويرضاه

__________________

اخوي jumaan
الله يجزاك خير هو يبغى يتعرف ويفهم شخصيتي عشان يرى مدى التوافق اللي بيننا
ليس فقط سلام في المناسبات
شاكرة لك مساهمتك

اختي الحبيبه(جوري)

الله يتم عليكم ان شاء الله ويألف بين قلوبكم ويكتب لكم الخيره الطيبه


حبيبتي

كلامه كلام رجل منطقي وواعي

رأي بإختصار

ان توافقي تكلميه

ولكن في وقت مناسب يعني العصر او المغرب

وبعلم اخواتك واخوانك وتقولي لهم انه بيكلم عشان نعرف شخصيات بعض


ومين قال اخوانك الشباب صغار

لاوالله انهم كبار وينشد الظهر فيهم

بالعكس اعطيهم الثقه وانهم سندك ووضحي لهم وجة نظرك


انك بتكلميه عشان تتفهامي معاه وتعرفي شخصيته


واذا اتصل

تكلمي معاه وجهزي كل سؤال تبغي تسأليه قبل لاهو يسألك اصلا


ومجرد ماتحسي كلامه راح هنا ولاهنا بكل ثقه نبهيه ان لايعيدها


وعلى فكره مو لازم مكالمتيين ثلاثه


خذيها نصيحه


من مكالمه وحده تعرفي شخصيته وهو يعرف شخصيتك

وحتى لو كانت طويله المهم انك انك بعد ماتنهي المكالمه تكون عازمه على شيء


اما التوكل على الله والموافقه او.....

واعتقد حتى هو بيكون له وجهة نظر بعد انتهاء المكالمه




حبيبتي لاتخافي توكلي على الله وقبل المكالمه صلي واستخيري

والله يتمم عليكم ويألف بين قلوبكم

وان شاء الله نسمع اخبارك حلوه

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

الأخت الكريمة .. جوري 2006

يبدو أن الشاب على خلق ودين ، ويريد التعرف عليك لكي لا يسبب الضرر لكِ لا سمح الله على مستقبلاً حد قوله
فأنا رأيي في هذه النقطة ..
لما لا تتحول المكالمة إلى مقابلة شخصية ؟
بمعنى .. المكالمة أحياناً قد يكون فيها جراة أكثر حيث أن لا أحد يرى الأخر ، وأيضا لا أحد يسمعه من عائلتك والعكس ..
فلما لا يزورك في البيت بتواجد أخوتك ووالدتك أو زوج أختك ويتحدث معك بما يشاء ويتعرف عليك وعلى فكرك وشخصك .. وهنا يكون التعارف أقوى وأصدق وأكتر انضباطا وأقل جرأة في الحديث ، والكل يسمع ويحكم .. والأمر لن يحتاج أكثر من زيارتين او ثلاثة إن كثُر ..

أتمنى لكِ حياةً طيبةً وهانئة



المحبة
ذكريات الطفولة

__________________
وحبيبةٌ للقلبِ أغلى مِنْ عُيونِي والهَـواءِ * وخليلةٌ بالحبِ أنقَى منْ نُسيمَاتِ المَساءِ
وعَفيفةٌ بالطهرِ أحْلَى منْ نُجيمَاتِ السَّماءِ * جَمعتْ منْ كُلِ حُسنٍ منْ صِفاتِ الأنبياءِ

اسمعي يا اختي كلامي و ان شاء الله تتيسر امورك

اذا زوج اختك متفهم ويمكن انه يساعدك ولا لاتقحميه في ه الموضوع

خلي المكالمات محدوة و معدودة مدامك مطمئنة ان قصد الرجال شريف

لا يكون تبقين معاه كذا فترة طويلة اعتقد ان فترة شهر هي الحد الاقصى

ثقي بنفسك و اتكلي على الله لتيسير امرك و انا احس فيك روح المؤمنه المحافظفه

فسوف يعينك الله تعالى.

مع خالص امنياتي القلبية ولا تنسين تبشرينا

بصراحه يااخت جوري انا اول ماشفت الموضوع حسيته انه مفصل علي تفصيل
وراح اقولك ليش؟؟؟؟؟
اولا انا نجدي شمري وبما انك قبيليه تعرفين عاداتنا وتقاليدنا ..طبعا قبل كل شي بعض الاخوان والاخوات ذكروا انه لازم اخوانك يدرون او يكونون على درايه..انا راح اجاوب عن اختي جوري...يااخوان ويااخواتي هذا من سابع المستحيلات عندنا انه وحده تكلم شخص حتى لو كان غرضه شريف....لاتغضبون علي!!!!هذي مش وجهة نظري هذا مجتمعنا وانا مااقدر اربي ناس او اغير طريقة تفكيرهم اللي ولدوا عليها بالفطره..انا مجرد اني اتكلم على موضوع انه عروس المستقبل المفروض اني اكلمها اعرف طريقة تفكيرها..تنفتح علي جبهة حرب ومن اكثر من اتجاه وكاني ارتكبت كبيره من الكبائر......وبصراحه استغرب من رد اختي شوبارد لما ذكرت انه اخو زوجة اخوها عطى الرقم لاخوها قبل الزواج وقال كلمها ...لانه هذه في عاداتنا مستحيل.....الا اني اقووووووول انه هناك قبايل تختلف عن بعض...بعض القبائل ربما تكون اكثر تشددا مثل قبيلتي....وربما بعضها تكون اقل تشددا مثل قبيلة شوبارد ....
لذالك اختي اذا كانت قبيلتك اقل تشددا ...فحاولي مع اخوانك مو غلط ولا هو عيب
اما اذا كنتي من جماعتنا فلا تحلمي والافضل انك ماتفتاحين اخوانك على اساس ماتفتحين باب عليكي انتي بغنى عنه....

الان نرجع لجوهر الموضوع(ماعليه اختي خليني افضض لانه هالموضوع يمسني انا على وجه الخصوص ومن هم على شاكلتي)
حنا ثلاث شباب اخوان وكلنا ولله الحمد جامعيين وماعندنا خوات بنات.....اخوي الكبير تزوج بالطريقه التقليديه واخذ
بنت عمي وعايش حياته الرجال والظاهر انه مستانس وماادري اذا كان يمثل والا لا!!!!
بالنسبه لاخوي اللي اكبر مني وانا مازلنا عزاب.....
راح اتكلم عن نفسي هنا....لو تنطبق السما على الارض ولو اصير راهب ومااتزوج....ماراح اتزوج بالطريقه التقليديه .....السائده عندنا
انتي تدرين يااختي واقسم لك بالله حتى النظره الشرعيه عندنا ممنوعه....حتى شرع الله يمنعونه ويفضلون العادات والتقاليد عليه....واقسم بالله ماناقصني شي واقدر اتزوج اربعه بدال الوحده..لكن دام هذي طريقة اهلي بالزواج فتبن للزواج......
خالاتي وامي قبل العيد يهمسون باذني واذن اخوي ..بنت فلان اتجنن ماشاء الله عليها اميره...وخالتي الثانيه تقول اذا شافت وحده حلوه بالتلفزيون ..والله مثل خشم فلانه...والله نفس الشعر....والله نفس الطوووووووول..ونفس ونفس ونفس...
طبعا كله تلميح لبنت فلان...واذا جيت وقلتلهم طيب ..ممكن اشوف بنت فلان تحت رعايتكم الكريمه..قالوا::لا يبه عيب ..بنات الناس مو لعبه!!!!!!!!!!!! تخلف متعشعش بفسيفساء مخنا....واذا فرضنا جدلا اني وافقت اشوفها شوفه شرعيه طبعا بعد موافقتهم..وكان شكلها حلو...طيب كيف اعرف منطقها بالحياة وطريقة تفكيرها
يمكن تطلع مهبوله ولا خبله ولا متخلفه ولا سطحيه ولا متكبره ولا تافهه ولا سخيفه
بصراحه ماابي اتزوج وحده (شغل حظك نصيبك) هذا زواج مش لعبه..لازم اعرف الطرف الثاني وطريقة تفكيره....ردت علي خالتي وقالت..ياوليدي هذي خريجة علم نفس ..يعني بنت جامعيه
قلت لها وخير ياطير....وجامعيه ..ياما جامعيات فيهم من نقص العقل وطريقة التفكير....وياما بنات اعتمدوا على ثقافة المنزل والكتب المنزليه...ولما تتكلم تحسينها دكتووره.........
بعدين حتى علشان البنت نفسها...لازم تكلمه تعرف طريقة تفكيره مستوى ثقافة..تعرفه سخيف ولا جاهل ولا عقله صغير ولا قد المسؤوليه .وولا ولا ولا..........
فالكلام اذا كان في اطار شرعي من صالح الاثنين...مش لمصلحة طرف على حساب اخر.........
انا اسف اختي جوري اذا توترت شوي وكانت طريقة كلامي قاسيه لكن والله من حرر مافيني....
تصدقين واكثر المتضرر من هالوضع حنا الشباب ...رحنا وطلعنا خارج المملكه ودرسنا ورجعنا واختلفت طريقة تفكيرنا ضمن ظوابط شرعيه...يعني ماجينا من برا وجبنا معانا عادات وتقاليد سيئه..بالعكس استمرينا في حفاظنا على عاداتنا وتقاليدنا...ولكن طالبنا بحق شرعي.....والمصيبه والطامه الكبرى انه شباب مجتمعنا اذا شافوا هالفئه من الشباب يتكلمون بهالطريقه قالوا ::هذولا متحررين...!!!!!!!!!!!!!! تخيلي قمة التخلف
نحاول نفهمهم انه هذا حق شرعي ولكن للاسف عبث عبث عبث..كانك تكلم جدار.
لذالك اختي والله العظيم اذا كاتب كتابه عليكي مافيها شي انك تكلمينه انتي زوجته وبالعكس...والله اعرف شباب كاتبين كتابهم ويكلمون زوجاتهم وربي احلى لحظات ..على الاقل تغازل مااحل الله لك....مش ترووووووح..... الخ!!
وطلبه ان يعرف طريقة تفكيرك حق شرعي هذا..مع احترامي لك يعني وانتي مثل اختي...يعني اذا انتي دكتوره هذا مايشفعلك انك تكونين كامله..واذا هو يحضر للماجستير بعد مايشفعله انه يكون كامل....ربما تكتشفين امور تمنيتي من الله انك تكتشفينها قبل الزواج فيه.....ويمكن هو يكتشف امووووور وهذا حقه بعد...
بصراحه الشاب هذا انا حاس فيه...وربي حاااااااااااااااااااس فيه..مسكين يتعذب الحين ماينام الليل...
على الاقل لما تكلمينه ممكن انه يرتاح ويكون صوره عنك....واذا عجبتيه بطريقة تفكيرك ومنطقك بالحياة صدقيني راح تعيشون اسعد ايام حياتكم...حتى موعد الزواج اتوماتيكيا راح يتقدم بفعل فاعل هههههههههه
واسال الله سبحانه انه يجمعكم مع بعض.....وحلو اثنين من نفس المستوى الثقافي يتزوجون بعض واثنينهم نفس طريقة التفكير
والفال لي ان شاء الله......................بس مش الحين..................بعد ماانسى ارقى واعذب واطهر قلب عرفته بحياتي

__________________

ياهلا وسهلا بمشرفتنا روح الغالي
الله يرضى عليك
شرفني مرورك
دعواتي لك بالتوفيق اينما كنتي
ولا تنسيني من دعواتك الحلوة
ودمت بخير