اللهم أمين ..
45 الف سعر طيب ..
ولا تتأخرين في بيعها لأن الأسعار في السعوديه بشكل عام في نزول
كل شئ .. فمن رائي أذا ماوصلتي للسعر اللي تبينه .. أرضى ب 41 الف ..
اسأل الله أن ييسر لك أمرك ويكتب ما تتمنين

__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به

مشكلة الموتر ممشاه عالي نوعا ما .. فوق الــ 100 ألف
اعتقد توصل 55 ألف لو كانت فل الفل وممشى قليل ..
يعني في احتمال اللي عندك تجيب لك 47 الف ..
يعني اعرضيها بــ 47 واذا حصلتي الشراي الجاد وحاب ينزل في السعر امشي معاه حبه حبه
بس لا تبيعين بأقل من 45 ألف ..
ثاني نقطه لا تبيعين تقسيط ..
اقبضي كاش .. ثم سلمي السياره..
احذري من التقسيط وبدفع لك النص والنص الشهر الجاي ..

جزاك الله خير اخوي ..
بعتها بس مو بالموقع جانى واحد اجنبي وعرض 35 كاش و 5 تقسيط
وكنت مستعجلة و افكر ابيعها عليه ..
لان الاغلب يبغونها و عاجبتهم بس يبخسون حقها بشكل كبير
او يبغونها 50 تقسيط او 45 تقسيط وانا مابغى ابيع الا كاش ..
حسيتهم طمعوا فيها لانى بنت وحدي فكل واحد بياخذها تقسيط
كثير ساموها .،
بس بالاخير بعتها على وحده قريبه شرتها لاخوها ب 40 كاش ..
مع انى كنت ابغى اعلى بس مافيه وقت ..
وشفت اخوها عاجبته مره وكان يقولى ب37 لكن رفضت
فدفعت اخته 40 الف ..
شكرا لك ..

اضطريت ابيع باقل من 45 ..
خسرت فيها بس الحمدلله ..

حتى لو أني وصلت متأخر

الحمد لله أن ربي فكك من الكامري سيارات متعبات
الله يعوضك خير

مره ثانيه إذا نويتي تأخذين سيارة أنصح بشكل عام بإستعمال اللكزس
سيارات فخمة و متينة و جودة عاليه و سعرها فيها و سهلة التصليح

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

هذا سعرها ولا تنسين الكامري لها شكل جديد وهذا ينزل من قيمة السياره وعمرها تقريباً ٤ سنوات
اذا انتي شريطيه ايه خسرتي بس اذا انتي مستخدمه لا ماخسرتي
قيمة الكامري اصفار يعني جديده موديل ٢٠١٤ حدود ٦٨ الف ريال
والمستعمل النظيف جداً من ٣٥ ل ٤٥ وهذا هو قيمة سيارتك اذا جابت سعر بهالحدود فهو ممتاز جداً
ال ١٨ الف هذي خدمة السياره لك زميل لي اشترى سيارره ماكملت معه شهر واحتاج فلوس عرضها للبيع وخسر فيه ١٥ الف ريال تقريباً
سيارتي الاولى بعتها بنظافتها كملت معي سنه وانا المالك الاول بخسارة ١٢ الف ريال كان بوقت مرغوبه سيارتي
فانتي ماخسرتي شي عمر السياره محسوب عليك اسعار السوق ترتفع وتنزل كم مالك مرت السياره عليه ، سواقة المرأه او الشايب كثير ماتفرق معهم بالوقت الحالي لان فيه اشياء كثيره الرجل يهتم بالسياره فيها اكثر من المرأه او الشايب غير المظهر الخارجي ، تغيير الزيت نوعية الزيت طريقة السواقه التغيير السيور والمسامير ، عموما لو السياره كانت اغلى او اجدد يودونها لفحص الكمبيوتر ويعلمونك كم بالميه باقي من عمر السياره بشكل تقريبي ومضمون
الشخص الوحيد اللي غير مرغوبه سيارته المراهق ،