ان كانت الارض باسمك ماعليه تكوني ضمنتي حقك وانتي عارفه ان فلوسه كلها بالعماره

ما دام القسط باسمك انسي انه يدفع

لكني خيريه بين التكفل بمصروف العيال ا و دفع القسط و اصري علي انك مو قادرة علي الاثنين معا

علي الاقل يخفف عنك الحمل و يصرف علي اولاده

القرض فترة و يخلص , لكن الصرف اذا ما تنصلت منه راح يصبح امر واقع للابد

تساعديه نعم و لكن كل شيئ عليك لا

__________________




( اخوتي و اخواتي ان لم تجدوني بينكم في الجنة فسألوا عني )

احنا والله ثقافتنا عجيبه في هالمجتمع ..
الزوجه ماتتكلم والزوجه تصرف والزوجه ما اخاف منها مهما عملت .. يعني قد تصل الامور عند الزوج انها يخونها
ويقول خير لو عرفت ! .. من جد ايش بتسوي يعني ...

والله مجتمع مؤسف وغريب ..
ضاعت فيه الحقوق ..

الان المال حتى بين الاخوان يكتب حتى بين الأب وابنه .. المال من الضروريات الخمس ..
المال شيء عظيم لا وسخ دنيا ولا شيء ممكن تجعله اعظم شيء بالدنيا باعمالك العظيمه والجليله فيه
وممكن تجعله وسخ دنيا بالاعمال الوسخه ..

ليه يعني ادي الحق لأي انسان على وجه الارض انه يأخذ شيء من حقي !
يعني زوجي على عيني وراسي .. لكن اذا انا اشتريت شقه اكتبها باسمي ..
اذا انا اخذت قرض واشتريت الارض اكتبها باسمي ..
اساسا بالمنطق والذكاء الزوج لو بيعيش مع زوجته على طول وين الضرر بانه يكتب الارض او البيت باسمها ..
بالنهايه هذه زوجته واولاده ..

استغرب من الزوجه الي تاخذ قرض وتخرج لزوجها سياره وتصرف على البيت ..
بعدين لا سمح الله اذا صار اي شيء .. تقول اكل حقي ..
مافي شخص يحفظ الحق بعد الله سبحانه الا نفسك ..
الاخ الي انت وياه من بطن وحده والله في هالزمن ياكلك وممكن يبهدلك بالمحاكم
وياما سمعنا ... وياما زوجات اصواتهم طالعه بالمحاكم صراخ وقهر وبكاء ....

ليه الانسان يكون ضعيف وبالنهايه يكون ذليل مكسور !!

بجد زي ماقال والدي الله يرحمه ( ما يذل الانسان الا نفسه )

تداركي الوضع زوجك وحبيبك وابو اولادك على العين والراس ..
بس قرضك انتي وتعبك وشقاك انتي ..

الحمدلله اخواتي اي شي يعملوه باسمها يكون ..
الحق مايزعل ..

ومعلش انا مو قصدي والله اخوفك .. بس من حقي اوعيك ..
تخيلي لا سمح الله صار بينك وبين زوجك انفصال على قولتك المشاعر مو ثابته ..
تعرفي انه مالك اي حق تطالبي فيه !
وتدفعي القرض ووقتها مايكون عندك فلوس لان اي مبلغ تجمعيه بياخده منك ..

يعني يمكن انتي واولادك ............... الله يعين بس

نصيحة بألف نصيحة

__________________
## مهم ##
هل تتعرضين للابتزاز في الانترنت؟


هنا من ينقذك

ﻻ اﻻرض بأسمه مو بأسمي وباللنسبه للضمانات كتب لي شيك بميتين الف قيمة القرض وكتب لي شيك ثاني بأربعين الف قيمة ذهبي لما باعه عشان يكمل على فلوس العمار ..
بس ممكن اعرف ايش بستفيد من الشيكات لو غدر فيني ﻻ سمح الله .. مستحيل اشكي ابو اوﻻدي او اسجنه حتى لو انفصلنا
هذا غير ان صرفي ع البيت مافيه اي ضمانات
وصحيح كلامك الهاشمي المال شي عظيم لكنه اذا دخل اي علاقه يفسدها
انا مشكلتي اﻻساسيه اني غير واثقه فيه احس لو اغناه الله بينسى كل وقفاتي غير كذا علاقتي فيه الحين كلها ارقام وحسابات وكم اخذت وكم صرفت
وسبحان من جعل النفقه شرط القوامه صرت احس ماله كلمه علي واني حرة نفسي لدرجة احيانن يعصب مني ويمد يده علي بعدها افوق واستوعب
من اﻻخير انا اشوف اني صاحبة فضل عليه ودايمن اردد بيني وبين نفسي مربيه عياله واصرف عليه وعليهم وبعد يتأمر اﻻ يحمد ربه .. والشي هذا مو حلو افسد علاقتي فيه
احيان احس اني مادية وان تفكيري بفلوسي حرمني اﻻستقرار والحب لزوجي والفرحه بأولادي اللي انحرمت منهم سنين
واحيان ثانيه احس انو خلاص الى هنا وبس ﻻزم انتبه لتعبي وشقاي وانه ﻻزم يقوم بدوره
والمصيبة اﻻكبر اني متأكده مليون بالمية ان ماعنده المقدره يصرف ويسدد ﻻن كل راتبه اقساط وعمار
انا مادري وش ابي بالضبط وكيف مفروض احس بهالظروف

طيب معلش يعني .. انا شوي مو فاهم ..
يعني الحين زوجك يملك بالبنك 240.000 عشان يكتب لكم فيها شيكات ؟
يعني لو يملك هالمبلغ ما اظن يبيع ذهبك او ياخذ من فلوسك ..

يعني ايش فايدة الشيكات الورق الي معآك !

لكن منها فائده قانونيه .. صوري الشيكات وخلي معاك الصوره والاصل في مكان خاص ..
احتياط للزمن .. وانتي قلتي الحياه مالها امان والمشاعر مالها امان وممكن الزوج يطلق وينسى كل الوقفات !
اذا احتفظي بالشيكات اما تكون شيء قانوني وجنائي وهي كتابة شيكات بدون رصيد
يعني ما عنده اساسا مبلغ بالبنك .. او .. انه يلتزم ويسدها لك كامل المبلغ ..

والنقطه الاهم احنا مابنقول اشتكيه او بهدليه بالمحاكم .. لكن ضمان الحق لازم منه ..
بالعكس عملك معاه شيء يتمناه كل رجال ان زوجته توقف معاه من جميع الجهات وتكون سند له ..
لكن المسأله ضمانات .. اختي تشتري بيت تقول لزوجها معلش البيت يكون باسمي مايضرك بشيء ولا يضايقك !
وعادي الحياه جميله ..

متى يكون المال يخرب العلاقات ..
اذا ما وضعت له القوانين الصحيحه .. العشوائيه في الحياه ماتنفع ..
انتي تضمني حقك فقط !

اما كلامك بينك وبين نفسك ما انصحك تردديه كثير ..
لانه بيتحول الى فكره في عقلك والفكره تتحول الى تصرفات وافعال ولكل فعل ردة فعل ..
وهذا الي حصل معاك ..

انتي الحل معاك ... الاحترام والحب متبادل بينك وبين زوجك والسلام والهدوء ...
والخروج من حياة الارقام والحسابات ... وايضا كتابة الحقوق وضمنانها ... وهذا المفترض من البدايه ...
لكن مافات شيء .. ابدأ من الان اضمني حقك وربي يوفقك ..

ابو عقيل الهاشمي كلامه درر

ابو عقيل كفى و وفى

جزاه الله خير

__________________
[img]http://im78.***********/FRd0Bi.jpeg[/img]

مبتعثه متفائله . الله يسعدك يارب
عاشقة القهوه . وإياك يارب

___________________

ام غاليها الله يوفقك ان شاء الله
والحمدلله امورك بس ناقصها شوية ترتيب
وحياتك جميله باذن الله

اختي انا بقولك كلام وياليت تفهمينه زين زي ماانتي خايفه منه ليش ماتثقين فيه وزي انتي ماقلتي ماعنده فلوس والي عنده بالعمار والعمار لك ولاولادك وانتبهي ثم انتبهي تجرحينه عشان فلوس انتي الي راح تندمين زوجك حاليا بظروف ماديه دام انه مايملك وصدقيني لو ناوي سيئ ماكتب لك شيكات ترى شيكات بدون رصيد مشكله كبيره له وهو اكيد ماكتب لك الا عارف معناته الاهم شيلي الشيكات بعيد عنه وعيشي حياتك كزوجه واقفه مع زوجها بمحنته فقط وانتي لاتنسين نفسك وحقوقك وبكل هدوء انتي صارحيه انك واقفه معاه بس في جوء هادئ انتبهي تنفعلين مهما انفعل هو خليك هادئه لان انفعال المراءه يفقدها الصواب ويصبح الحق ضدها
بجلسه هادئه قولي له ياابو عيالي انا واقفه معاك وباوقف معاك الى اخر يوم بحياتي لانك زوجي وشريكي وحنا روح بجسدين والي لك لي وان شاء الله بس تضبط امورك راح تعوضنا عن الي فات وانتبهي تقولين تعوضني قولي تعوضنا
اختي عليك بالمسايسه واللعب في الموضوع وترى انتي مو اول وحده ولااخر وحده توقف مع زوجها بكره تسكنون فلتكم وانتي الملكه والامره الناهيه فيه
الله يرضى عليك لاتخلين المال سبب للتعاسه الله وهبك الفلوس لغاية تصرفينها وباذن الله لك الاجر والجميل لك وماراح ينساها لك وراح تتذكرين كلامي