فعلا أنا عايشة عالم خيااال ومثالية .. الردود كلها قاسية وماأحد حاس فيني .. أتمنى اغلاق الموضوع ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

عادي لا تتضايقين لأنهم رجال مثل زوجك
ويشوفون أنك تبالغين في الزعل

وأنا ما ألومك

أبداً أنتي مو عايشه بعالم خيالي ما حبيتي أسلوبه وهو يصحيك وأنتم مسافرين وحابين تنبسطون وتغيرون جو

روقي شوي

‏سُئل الامام أحمد بن حنبل : أين نجد العافيه ؟
فقال : تسعة أعشار العافية في التغافل عن الزلات ثم
قال : بل هي العافية كلها !

يبدو لي إنك مرهفة الاحساس وتطمحين إن الطرف الثاني يعاملك بنفس ما إنتي متوقعة لكن الشخصيات تختلف والي تظنينه أنت قسوة ويجرح قد يكون تصرف عفوي أو من غير قصد أو زلة أو تصرف ناتج من ضغوط أوغيره

بالنهاية كلنا بشر قد نخطيء أو ويساء فهمنا .
قللي من حساسيتك واخفضي سقف توقعاتك تغافلي عن الأخطاء البسيطة وراح تنعمين بحياة هادئة باذن الله .
وبلحظة صفاء بينكم اذكري إنك مثلا تحبين منه هذا التصرف وتعودتي منه كذا وامتدحيه أفضل من لحظات التصادم والزعل المتكرر على أسباب تافهه .

سبحان الله مدري ليه الوحده لما تكتب مشكلتها والاعضاء يحاولون يجدون الحلول واذا كان احد عارض اسلوبكم تزعلو
لامثاليه ولاشي فعلا تصرفك غلط ميه بالميه
لازم تغيري اسلوبك معاه وتتثقفي فالتعامل مع الزوج وتعرفي نمطه وشخصيته
لوغيرتي اسلوبك وقلتي حبيبي ميحلا يومي الاونتي تصحيني مثل معودتني او اي اسلوب مو تكبريها المرأه
الله يصلح حالكم

تدرون وش اللي يقهر .. هو يطلب مني أكون رومانسية معه .. وأنا المفروض اتحمل قسوته وتجريحه بس لأنه رجل ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الاسبوع الماضي هديته وردة وعليها بطاقة .. اليوم بعد مارجعنا حصلت البطاقة مقطعة على التسريحة .. علطول جمعت كل الورد والبطاقات اللي حاطتتها على الدولاب ورميتها ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

طيب قولي ايش اللي تحسين فيه

اعتبري الموضوع فضفضة وتكلمي عن كل اللي يضايقك حقيقي

بظنك ليه الكل قال ان حساسيتك عالية ؟ تراه شي مو معيب

ونعرف قد ايش الحساسية تتعب الشخص الحساس وما تخليه يستمتع بحياته

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

أنا فعلا حساسة وعارفة إن هالشيء عيب فيني .. وعارفة إن زوجي مل مني ويشوفني نكدية .. لكن هذا أنا .. وعشان كذا قلت له منت مجبور تتحملني وفعلا أنا قاصدته الكلمة لاني تعبت .. لاني قادرة اتخلص من هالحساسية ولاهو قادر يتحملني .. زمان كان يقول بتحملك وانتي تتحمليني لانه مالنا غنى عن بعض .. بس الحين تعب وما الومه .. بس وش الحل ؟!!! فعلا اسال وش الحل؟!! وهل أنا ماأستاهل أنه يتحملني؟!!!

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الحل هو التطنيش
لا تدققين على كل شيء
وبتمشي أمورك

والله المنتدى صار لي متنفس .. لازم افضفض هنا .. المعذرة

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..