صارحها ولا تفكر تستمر بالكذبه بحجه انك بتصارحها بعد الخطبه
لانها بتنصدم فيك اكثر وبتكرهك لانك خدعتها
كون واضح وصريح وقولها عن ماضيك وانك تركت هذا كله
هذا لو كنت تقدر تكلمها ولو ما قدرت حاول تخلي اختك توصل لها الكلام هذا باقرب معنى ممكن
والله يوفقك

__________________

الله يعطيكم العافيه جميع وماقصرتوا

ادري ان كلامي ما بيعجبك .. في مشكلتك هذي انته اثبت ان الرجل منكم ما يملي عينه ألا التراب ..
وطبعا مو الكل اقدر اقول الاغلبيه ..
يعني اللحين تبي ..... تقول انك تحبها .. يا أخ.. الحب بريىء منك .. صدقني ما يعرف الحب من سوى سواتك ..
تحب وحده عفيفه طاهره بنت حسب ونسب وفي نفس الوقت تكلم ..... عديمه الذمه .. شو ها التناقض العجيب ..
اللي يحب يصون ما يخون ..
لاحظ اني ما تكلمت من الناحيه الدينيه ..... .. لو كنت تخاف ربك ما كان حصل شيء من اللي ذكرته .. فخليني اتكلم بالطريقه اللي يمكن تفهم منها..
لو انك فعلآ حبيتها زي ما تقول وفكرت بالاقتران بها فأول شيء تسويه انك تقطع جميع علاقاتك المشبوهه..
الماضي راح وانتهى .. لكن بعد كذا انته محاسب على كل غلطه او زله .. لاتقول قلت علاقاتي .. قول قطعت جميع علاقاتي .. وإلاّ صدقني زي ما كشفك الواحد الاحد المره الاولى بيكشفك مره ثانيه ..
وترى بنت العرب لمّا صدقت كذبتك صدقني ما صدقت لان الكذبه مقعنة .. لا .. صدقت لانها تبي تصدق ..
وقلت انت في حديثك ..(وخوفي الوحيد من المستقبل اخاف من مساوره الشك لها بعد الزواج ) ..
انت ما بتخاف لو انك فعلا مقرر وصادق النيه زي ما تقول في قطع علاقاتك .. لكن الظاهر العكس .. فأصدق النيه اولآ..
ولو اتوفقت واتزوجتها اثبت لها حبك لو كنت صادق وهي عمرها ما بتشك فيك .. كل شيء المراه ممكن تتحمله إلآ الخيـــــــــانه ..

ادري ان كلامي قاسي وانا غير متأسفه على اي كلمه .. الصدق مطلوب وان كان يجرح..
في الاخير ..من فينا يضمن انه يعيش لبكره .. سبحان الله نخاف من المخلوقات ولا نخاف الخالق ..

تم التعديل بواسطة المشرف

__________________

شيختنا..

كلامك..فيه الكثير من الصواب..

ولاتنسي انا حسبت حساب كل شيء قبل لااضيف هنا موضوعي...

وبالنسبه للبنات انا فعلا اتهرب من العلاقات بس ماادري من وين يطلعون حتى هلايام صرت اقفل موبايلي خوف من اتصالات مشبوهه والمشكله الثانيه ان عملي يفرض ان موبايلي يكون مفتوح وتجي ارقام غريبه وفجأه تطلع وحده كنت على علاقه فيها ورجعت والمصيبه فيهن متزوجات..

عموما انا قررت اخطب بعد كم يوم ان شالله..

وربي ييسر..

وبالنسبه لك لاتتأسفي ولاشيء..
حسيت من كلامك انك مقهوره مني بس لاتلوميني البنات فتنه وربي يصلح حالي ووحال غيري؟.


شكرا شيختنا

مرحبا ..
يا أخ سعادة السفير .. مسأله الموبايل وانهم كل شوي يتصلون فيك .. فهذي حلها سهل جدآ ..
وهو انك تغير رقم الموبايل .. ما اعتقد ان الموضوع صعب لهذي الدرجه ..
وعمومآ الله يوفقك ..

__________________

قلت لك عمل..

ومنشان اغير الرقم..


يبي لها وقت..وعملي في اي وقت راح يطلبني


عموما شكرا لاضافتك سيدتي وماقصرتي واسفين على ازعاجك..

احسن حل ان تستخير لله فعند الله الحل الشافي

و ان شالله ستتوفق في زواجك

أنا أنصحك بأن تنسجم أكثر مع خطيبتك و تفاتحها بالموضوع قبل الزواج و أن تقنعها بأنك لست على علاقه مع تلك الفتاة
وشكرا

تستاهل انت هذي نتيجة المشي البطال اما هي فارجو من الله ان يرزقها بمن هو افضل منك

تقدم لها وارتبط بها وبرهن لها انه الوحيدة في حياتك .. وانك فزت بها ...
وفقك الله دوما مادمت صادقا مع نفسك ومع زوجتك .. ولا تخشى شيئا فالشك لن يكون له محل
في حياتكما مادمت صادقا في تعاملك ومشاعرك واحترامك وتقديرك لزوجتك ..