السكن معهم مؤقت ؟؟
وفي نفس المنزل
يعني كل شيء مشترك
والا شقة بنفس العماره ؟؟؟؟؟

الحسن صناره شكرًا اخوي على مشاركتك

لكن هل فعلا الفلوس اهي المشكلة ؟

انا اشعر اننا مرتاحين ماديا

مادام ان قسط دينه يستقطع من معاشه ويبقى مايكفي احتياجاتنا ورفاهيتنا ؟!

والجميع اموره تسير بهذه ألطريقه

ماأعتقد الفلوس

وإذا عندك توضيح اكثر ياليت تفيدني

اهلا ينابيع الهوى

السكن في شقه منفصله

لكن انا مااشعر بالراحه

لان أكيد راح نلتقى اقل شي عند مواقف السيارات

او بأوقات الخروج وهذا شي جدا موترني

ماتعودت أعيش علاقات متوتره جذي

السكن اوسع او اضيق من سكنكم الحالي؟

6 شهور معقولة لا هو تنازل عن طلبه ولا انتي تنازلتي ووافقتي على اللي يبيه؟
كم ناويين تركبون راسكم زود؟ وكله للأسف على حساب الابناء .

اختى مريم شكرا على الرد

انا ماشفتها لانها في التشطيبات النهائيه

واحنا نكلم بعض يوميا ونطلع مع بعض احيانا مع الأطفال

لكن للأسف فعلا اهوا مايبي يغير رايه

ورافض عودتي للمنزل الا بموافقتي على السكن في منزل اهله

السلام عليكم
الله يفرج همك أختي الفاضله روح وريحان
وإن شاء الله مافيه إلا الخير

فيك الخير يعطيك العافيه
أختي روح وريحان قولي كل اللي بخاطرك لزوجك
وبطريقه حلوه وصدقيني راح يسمع منك ويتجاوب معاك
التصرفات الحلوه واللينه تجيب نتيجه مع اي رجل
وإن الرجال مايتغير كله كلام غلط في غلط
الواحد يتغير بين ويوم وليله وسبحان من يغير ولا يتغير
اي رجل يتغير واي امرأه تتغير
ماعليك من اللي يقولون لك ماراح يتغير
انتي في يدك تغيرين رجلك وتخلينه خاتم في اصبعك
انا رجل واعرف

وتبين نصيحتي اقسم لك بالله المشاكل ماتجي الا من تدخل الاهل
فنصيحه مني خليك بس انتي وزوجك وابنائك الله يحفظكم
فكري بس في حياتكم الشخصيه وبس
لا تدخلين لا أهلك ولا أهله
وإذا جبرك تعيشين مع اهله في البيت خليك بس في شقتك
ولا تطلعين منها نهائياً
نصيحه مني خلي اهتمامك في بيتك وزوجك واولادك
وصدقيي زوجك انتي في يدك تغيرينه 100% بذكائك وتعاملك الطيب

نصيحه مني لا تدخلين احد نهائياً

الله لا يفرق مابينكم ويصلح مابينكم ويجمعكم دوم على الخير ويجعل بيتكم بيت عامر آمين

انت ليه ماتشترين لك بيت وتسكنون فيه
الله يفرج همك ويصلح زوجك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

يا اختي ماتدرين الخيرة وين
إنتي ماكنتي مبسوطة مع زوجك في شقتكم القديمة
جربي إنتي ايش خسرانة
وحلو الأطفال يختلطوا با أعمامهم
وإنتي ترتاحي منهم شوي
وليش تتوترين اذا تقابلتي معاهم موقف السيارات؟؟
غيري من نفسك تتغير حياتك
وبالتوفيق وربي يكتب لك الخيرة

بارك الله فيك اخوي "احبها موت"

وشكرا على كلامك الناصح

ولكن من ضمن شروطه

اني اذهب الي أهله وأزورهم وأعتذر منهم

وانا ماأخطأت بشي

ولما اقوله لييييش اعتذر ؟ يقول عشان انتي ماعاملتي ولدهم زين ؟؟

قلت له بكل هدوء

ماعاملت زوجي زين هذا شي بيني وبينه اعتذر لك انت ،مايحتاج اعتذر للأهل اجمعين !

يقول هذا شروطي وإنتي كيفج !

وانا بديت اتعب من مشاعر الذل والاهانات

وانا والله لازلت احمل لهم مشاعر الاحترام والمحبه

لكن عند كرامتي اصونها ويحق لي

وانا ماأحب أتدخل في شؤون غيري ابدااااا

انا حتى في عملي يتفاجأووون من وحدتي وعدم اختلاطي الدائم

ولما اجتمع مع زميلات العمل يسألونليش دايما منعزله

اقولهم أحب التجمعات المفيده

واجمل شخص اجلس معه وأحاوره وأكلمه هو نفسي

انا مااحب اتدخل بشؤووون احد ابدااااااا

سديم" تسلمين على الرد

ان شاء الله ننتظر الدور الاسكاني احنا جذي بالخليج.