المشاركة الأصلية كتبت بواسطة R.TULIP

السلام عليكم هذي أول مشاركه لي بالمنتدى ولو انا مو محتاجه التوجيه لما عرضت مشكلتي, انا فتاه عمري 27 تزوجت زواج قبلي تقليدي يعني (ماشفته الا يوم العرس), تزوجت وصارلي سنه وشهرين معاه صج انسان طيب وحنون وهذا فقط السبب الوحيد المصبري لاغير والله يشهد. بس احس الحين ماني قادره اتحمل باقي صفاته انا اقولكم انا يمكن اعزه او اشفق عليه ماني فاهمه شعوري بس انا ادري انه يحبي

أولا انا مثابره ومواظبه واحب الدوام بعد الدوام اروح الكليه احضر محاضراتي
سنه ونص واهوه عاطل عن العمل عايشين مع اهله وياخذ مصرفه اهو فقط من اهله
طبع انا ما اطلب منه شي ومقدره وضعه؟
اهو طلب مني فلوس مره ومره سياره ومره اعبي كرت موبايله .....بس رفضت لاني اؤمن ان الرجل هو من يصرف مو بخل لا مابي اعلمه وخليه يطاول

مو هني المشكله المشكله اني اكتشفت انه مافي توافق فكري بيني بينه مافي حوار ولله احس لمن اتكلم عن السياسه اول اي علمي او ديني او اجتماعي احس الي جدامي شخص بدائي شقول لكم؟؟ انسان عايش على البركه اقوله دش العسكريه يقول لا بنطر الديوان مابي العسكريه تعب؟؟

زوجي انسان ربادي كسول ناطر وظيفه حكومه يزرق منها ماعنده طموح اكل نوم ودوانيه؟؟ طبعا صدمتي من شهرين انه مايعرف يقرا عدل مثلا تطوير قراها تصوير انا هني ذهلت
في شغله بعد جسمه سمين وهالشغله جدا مضايقتني
وساعات ينسى يفرش اسنانه او نادرا مايفرش اسنانه طبعا انا اقوله بس تعبت مو كل مره احن هالشي ولد عندي برود جنسي وماحس بالرغبه الجنسيه معاه

وقت النوم ساعات اقوم ابجي ولله او اروح انام بالصاله ...........زوجي يشاخر شخير عال جدا موطبيعي صفارات على كل الالحان ولله شر البليه مايضحك ادري بتضحكون .

انا الحين ببيت اهلي لاني قلته دبر حالك وتوظف متى مالقيت وظيفه انا اردلك؟ صارلي اسبوعين عند اهلي طبع اهو يدق ويطلب مني ارد لانه ناطر الديوان ؟بس قلت له اناعند موقفي

شسوي قولولي احس مابي اردله ابي اطلق وايد في شغلات صعب اعدلها واطورها ؟وساعات افكر واخاف اذا اطلقت ماراح اتزوج علما باني مملوحه وجسمي حلو اجتماعيه جدا ....... بداخلي ابي الطلاق ولمن افكر بالعذال شماتتهم واني ممكن اقعد ماتزوج اقول تحملي وعيشي معاه بس راح اكون انسانه تعيسه مو مرتاحه

بين نار المجتمع ونظرته وبين راحتي وحياتي...........ساعدوني ابي توجيهكم جزاكم الله خيرا