مرحباً أختي

كلامك صحيح

إللي سواه غلط

قبل ما يتقدم رسمي لكِ يكون مستخير ثم يتقدم

والحمدلله جاته الموافقة .. يعني الأمور سهالة

الخطوة الثانية يستخير قبل الشوفة الشرعية ثم بعدها إما يستمر أو يعتذر ويقول مالي نصيب عندكم

أعانك الله

أختي نوارة
يمكن استجد أمر ما، يمكن شاف نفسه مايستحقك ومايبي يظلمك، فيه مليون ألف سبب ممكن يحدث ويغير رأيه، وبالعكس يستخير ويغير رأيه قبل العقد خيراً من أن يغير رأيه بعد العقد
أنتي أحمدي ربك، وربما لو تزوجتيه راح تعافين الدنيا معه
تفائلي، وآمني بحكمة الله وقضاءه وقدره.

__________________
ياصبحِ لاتِقبل !!
عط الليل من وقتك..

صح معك حق اختي تصرف مافيه رجوله ابدا وعيب اللي سواه هو واخوه
اللي يبي يخطب يستخير ويسأل قبل يخطب مو بعد مالناس يوافقون يقول لا انا استخرت !!!
على العموم احمدي الله واشكريه اختي انه ابعده عنك

الفعل غلط بعد ماتمت الموافقه المفروض ماينسحب , لكن لعل الامر فيه خيره لك اعلمي ان الامر قدر من اقدار الله وهو سبحانه مصرف الكون ، انا عن نفسي لو يحصل لأختي او لبنتي اقول في نفسي الحمدلله لعله خيره وشر انزاح ...!
دائماً الخيره خفيه ولاتعلمين عنها الا بعد سنوات ....!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

معاها حق
الاستخاره و التراجع مافيها شي
لكن يخطب ويسحب عليهم ليمن ابوها يكلم تجرح
هو استخار ونوى يفركش والبنت واهلها وابوها يفكرون ومشغلهم هالموضوع
عموما خيره وبي كاتب لك الخير

معاك حق لكن لا يجي بنفسك شيء و الله بيعوضك ان شاء الله
و الحمدلله انه فكر و قرر قبل العقد او الشوفه
لان لو بعدها راح تتأثرين جدًا
فالحمدلله

ابوي مصاب بجلطه وعنده شلل متوسط في جنبه الأيسر ولا يمشي او يخدم نفسه
ونقوم على رعايته
ولما ولد صديقه خطب فرح جدا
قلت له اني موافقه اتصل على اخوه الكبيره يعلمه وتفاجئ برد برفض
حلفت ما اتركها في نفس ابوي
اخذت جواله بدون علمه وارسلت لاخوه الكبير عتاب
ان هذا التصرف عيب والمفروض ان يستخير ويشاور قبل ان يخطب ولا يكلم ابوي الا وهو عارف ضروفه ومقتنع بذات ان ابوي صديق ابوكم وفي مقام الوالد
ابوي لا يستحق هذا التصرف منكم
ولم يكلف اخوك او انت نفسه الاتصال والعتذار
وبحكم عشرت العمر اللي بين ابوك وابوي ارسلت لك
وللعلم الرساله بدون علم الوالد
بعدها في المساء حضر اخوه الكبير عند الوالد واعتذر منه وحب راسه وقال اخوي غلطان وانا خجلان منك ومشكلة اخوي الضروف الماديه
طيب لمفروض مايخطب وهو عارف ضروفه
الامر الثاني ما استمع لبوي راح يطلب منه طلبات تعجزيه او لا
بعدها يقول ما اقدر
والله ان ابوي كان يقول لي بطلب منه يسكن في الدور الفوقي
في بيتي ولا راح اكلفه شي
والمهر ابوي ما يطلب الا شيئ قليل جدا
تصرفه كسر قلب ابوي وامي فرحو كثير
وكسر قلبي لكن يهون عند كسرة قلبي ابوي وهو في مقام الوالد
وانتظروه لما يتصل عشان يقولون مافيه نصيب
انعدمت الرجوله والمروه
حسبي الله ونعم الوكيل

__________________

والله ياختي انه خيرة لك وش تبين فيه متزوج ؟
يمكن الله كاتب لك العازب اللي يسواه عشر مرات

احنا تعلمنا من الحياة ان الشيء الجميل ما يجي الا وقبله تكون فيه صعوبات
لهذا وكلي امرك لله و انسيه تماما و لا كأنه دق الباب

و روحي لامك و ابوك و قولي لهم تصدقون اني كنت ادعي ربي ما يتم الموضوع
لأني وافقت عشانكم و خصوصا انت يابوي لانه ولد صديقك و لا كان ودي ارفضه حتى انت ما تزعل علي
لكن الحمدلله جات منهم و لا جات مني انا

حسسيهم انك مبسوطة عشان هم يرتاحون


والله يحفظهم لك ويطول باعمارهم

أنت ثمينه و سيأتيك الأفضل بإذن الله

تصرفه يمثله هو و لا يجرحكم أبدا الطيب جا منكم و معدنكم واضح انه طيب و بإذن الله بطيبكم و معدنكم تسامحوه واضح أنه ما عرف يتصرف ممكن لأسباب لا تعلمونها

وفقك الله ورزقك باللي يعرف قدرك ويسعدك

أنت الآن رب أعطاك فرصة ثمينه في بر والدك و القرب منه أغتنمي هذه الفرصه

وفقك الله و يسر الله أمورك

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

لاعاد تصرفك الاخير غلط
كنه الرجل الاخير بالعالم
كان ماعاتبتي ولا شي
الامور هذي تحصل
اجل لو مطلقك وش بتسوين
لاتكبري الموضوع ولا ترمي نفسك على احد
الله كاتب لك القدر و الخيره ورزق افضل
وش الي اسكنه فوق ومااخذ منه مهر انتي منتي رخيصه
بيجي ان شاءالله الي بيحطك على راسه من فوق
انتي عزي نفسك ولا عاد ترسلي
وتوكلي على الله