حبيبتي بكون معك واقعيه انتي بنت في العشرين توك الصغيره
وزوجك رجال كبير انتي في عمر بناته لاتتوقعين يتقبل هالحركات لكل عمر أحكامه
أكبري لزوجك أعرف كلامي قاسي لكن الحقيقه وش تبين مثلا يوديك البحر ويتمشى وسوالف وضحك راعي سنه وعنده عيال وزواجه منك هدفه العيال
الله يسخر لك
__________________
قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه
حاولي تتقبلين واقعك إنتي رضيتي فيه من اول تحملي قرارك ولا راح تكسبينه بهالتصرفات
ولا تحسسينه انتي قبلتي فيه عشانه فلوسه وصدقيني لما يشوفك ناضجه راح تاخذين كل شي تبينه
__________________
قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه
يالله ياملامح والله تعبانه ماني عارفه اصيطر علي مشاعري ودموعي
من اليوم وهو يدق علي ليش ماطلعتي روحي اتمشي يعني علي اساس ماقصر معي
لاتجلسين بلحالك تطفشين
يعني ماطلبت شي غالي والله مابي فلوسه ابي احساس ابي احس انه يعزني
ورب البيت كنت ابي ارتب له حفله ماحلم فيها بس صدمني وكسر خاطري
وبعدين ليش اراعي عمره وتفكيره ليش مايراعي هو عمري ويعطيني حقي
ماطلبت منه يسفرني هو كله يوم واحد ومن بعد غياب بغيته بس يعبر عن شوقه
مو يمسح فيني الارض ويخليني زعلانه وجوعانه وتعبانه وينام مبسوط ويطلع ويمشيهم
الي الحين مارجع وبيرجع وبينام عندهم
بذمتكم اي عدل هذاا اي دين يقبل اللي انا فيه ويصلي ويصوم طيب ليش مايخاف ربه في ظلمه لي
تراكني بين اربع جدران ويقول شوفي السواق عندك اطلعي واتمشي كاني بنت شوارع
الله يكسر بخاطره الله ياخذ حقي لي
والله ماسامحه علي دموعي وجرحي
شوفي الإنسان له سن معين تكون الأفكار فيها ثابته
يعني تقريبا بعد 35 صعب جدا تغيريين أفكار شخص وأنتي كم الفرق بينك وبينه 30 سنه لاحظي مو فرق سهل
خلاص هذا أبو عيالك إدعي ربي يسخره لك ولاتنسين هو عليه ضغط زوجته عياله
انتي كم لك متزوجه تتوقعين تغيرينه عليهم في هالسنوات
حبيبتي أقولها لك بالفم المليان لاتخلينه محور حياتك عيشي لنفسك وعيالك
ولاتقولين يصغر نفسه إنتي منتي مطالبه تغيرين أفكاره
صدقيني محد راح يتعب الا إنتي عزي نفسك عنه يعزك
وصدقيني أكيد لك محبه في قلبه والا كان مااتصل بس هم هذا جيلهم هو تقريبا في جيل أبوي جيل مايعرف يظهر مشاعره وتعود على الكتمان
أنا متعاطفه معك وحاسه فيك كل وحده تبي زوجها لها ويراعيها لكن الدنيا ماتعطي كل شي نبيه وسبحان الله حتى البنات الي ياخذون في سنهم شوفي مشاكل الكل عنده مشاكل
عشان كذا لاتخلين الهم ياكلك وحبي نفسك
الله يشرح صدرك وييسر أمرك
__________________
قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه
تكفوون ساعدوني ووجهوني وعلموني اذا انا غلطانه عشان اتغير
ابي رايكم بكل صراحه حتي لو قاسي بتحمل عشان اتغير
اخر ماحصل....
دق علي الساعه 10 صلحتي عشاء قلت لسه بصلح قال خلاص بجي اتعشى معاك
صلحت العشاء ولما جت الساعه 11 وصل ويضحك ويستهبل وطنشته
تعشينا ولا اشوف الرجال يلبس بجامته طبعا انصعقت كيف بينام عندنا
المهم فرشت لي ع الارض انا وعيالي ونمت لما جاء قبل الصلاه لقاني صاحيه
قال تعالي بقولك شي
انتي مطوله بزعلك اللي بدون سبب قلت لا مو بدون سبب انت كسرت بخاطري
قال وخاطر عيالي االي كسرتيه وعيالي اللي رتبو لك حفله وانتي طنشتيهم
اللي مسووين لك كيكه وحاطين عليها صوره عيالك وفارشين الارض ورد
وحاطين نوافير وشموع ولابسين بلايز عليها صور عيالك ومتكلفين
وش موقفهم يوم طنشتيهم
لو انك تقدريني كان رحتي لهم وتعشيتي ويوم ثاني نطلع انا وياك بس مو تجرحينهم كذاا
عموما خلاص انا سامحتك بس هم ماظني يسامحونك
يالله قهرني زوود مااحب احد يزعل مني انقهرت ان عياله سوو كذاا وان ردي عليهم بايخ
عاد بنته حاطه صوره الكيكه وكاتبه جنبها صدمتينا ياخساره
حسيت بالذنب ولاعاد اعرف اتصرف لامعاه ولامع اهله احس اني اتحمل فوق طاقتي
يقول ماتوقعتك جامعيه وراقيه ومثقفه وحساسه تفكيرك كذا لازم ليله الاربعين نصير سوو وكل الناس تدري عنا حسسني اني ولا شي
والله انا ماكان كذا تفكيري بس انقهرت انهم كانو يبون يطردوني من بيتي وانهم عازميني عشانه وعشان يكسبون رضاه يعني مو لي واساسا ماكلفو نفسهم وعزموني
بلغوه انه يجيبني من اهلي وعلي طول عندهم
يعني لو مشاعرهم صادقه لي ليش ماعزموني شخصيا ومن باب الادب كان خلوه ثاني يوم لي مو اطلع من عند اهلي واروح اسهر معاهم
إحنا لو تكلمنا .. دائماً تضعي أعذار لنفسك و تبريرات
عشان كذا اكتفي بالسكوت دائماً
الصراحة، في بداية الموقف اللي حصل بينكم ..
انت مانت غلطانة، و لا هو غلطان ..
لكن انت تفكري و تتصرفي بعمرك و هو نفس الشي ..
و لاتقولي هو المفروض يتنازل وووووو الخ
لانك تزوجتيه و انت تعرفي انه كبيييير و انه اب و جد كمان مثل مافهمت !
و متزوج و مسؤول عن عيلته ووو الخ
فالمفترض انك قبلتي فيه و انت عارفة ظروفه و لازم تكيفي نفسك مع ظروفه ..
يعني تخيلي أولاده و زوجته عازمينكم و فرحانيين فيكم
و هو يقول لهم، معليييش أنا و حرمتي رايحين للفندق نحتفل مع بعض ؟
و الله انه بينزل من نظرهم و لا عاد يحترموه .. و يصير مسخرة علي لسان الكل
.
.
قدري ظروفه ..
.
.
و بعدين جالسة تدوري عن النكد لييييييش ؟
جاب لك العشا و تركهم كلهم و انت طنشتيه ؟
تبغيه يعمل ايش ؟
يترجاك و يبكي عشان يرضيكي ؟
تري انت تتعاملي مع ( جد لاحفاد و اب لعيال متزوجين و واحد متزوج من سنوااااات و شبعان من المشاكل الزوجية و النكد ..
انت مو متزوجة واحد شاب بنفس عمرك .. فخليكي شجاعة و ارضي بالواقع )
لاتجلسي تحاسبي الرجال علي نتيجة قرارك بقبولك الزواج به ..
و عشان ترضي الجميع ..
فاحس انه حركة الفندق مالها داعي مثل ماقالت ليه الغرور ؟
جيبي ولدك و جيبي هدايا للكل و اعتذري لهم بانك كنت يومها
تعبانة و عندك مشاكل ببيت اهلك و ماحبيتي تجي عندهم و نفسيتك
مقفلة و تنكدي عليهم فرحتهم .. و يفهموك وقتها غلط ..
بقولك شئ ولازعلين من كلمتي المعرفات هنا بعضها من تشوفها تحس بشئ مرتبط فيه
مثلا البليغ الححكمه .. حبر راقي .. عالم الشعر والنثر ..
وحدانيه .. البكا والصياح .. يابنتي خففي قوي شخصيتك بطلي بكاء وصياح
وان ماجا شئ على ماتحبين بكيتي وزعلتي تراك بتشيبين بسرعه ..
وقبل مااشوف ردك الاخير .. نفس كلام زوجك لك جا في بالي ..
مش معقوله بيكنسل كل اللي سووه وبيروح معك .. مة قلة حب لا فكري مكن تصير حزازيات وزعل
انتي كونك تحسين بالظلم هذا يخليك تصرين اخذ حقك او اللي تبينه بدون مايكون عندك بعد نظر للمواقف
وفعلا ايش المشكله لو لبيتي له واجلتي يومكم مع بعض ..!
وتقولين خلاني زعلانه وجوعانه .. وحدانيه خليكي حقانيه انتي اللي رفضتي تتعشين وانتي اللي زعلتي ..
ومع هذا جاك ثاني يوم بعشا وتعشى معاك وجلس يناقشك وسامحك ..
اجلسي مع نفسك شوفي عيوب شخصيتك فكري بطريقة حلك لبعض المواقف ..
لاتنفري زوجك من بيتك اكسبيه ياغلاهم ...
واسمعي مني .. انتي اذا دخلتي المنتدى لا تكتفين بكتابة مشكلتك وتطلعي ..
اقرا حلول الاخ البليغ وحول الاخ رجل الرجال .. وربي راح تغذي عقلك ..
اتمنى جد اشوفك مرتاحه ..
__________________
اللهم أجمعني مع أحبتي في الفردوس الأعلى من الجنة ،،
وحدانية أولاً حمدلله على سلامتك ومبروك المولود
شوفي ياعيوني لاتزعلين مني
أنتِ بصراحة صايرة تدورين المشاكل والنكد دوارة
وأشوف زوجك ماقصر معاكِ حتى لو له هفوات
وهو يبغاله شوية مسايس لا أكثر وأنتِ الله يهديك
تحبين العناد ومافي شيء بالدنيا بيجي على كيفنا
لازم شوية تنازلت وشوية ذكاء أنثوي
:*
ومدام مشكلة البيت أنحلت وكان معك كل الحق فيها
فماله داعي العناد إلي جاء بعدها
*
خلينا نحل موقفك مع أولاده وعزومتهم
أشتري كيكة حلوة وكبيرة وأكتبي عليها
((أحبكم وأشتقت لكم))
أو أي عبارة تناسب الموقف
وخذي هدايا لكل واحد منهم
أو سلة شوكلت فخمه
:*
زوجك تقدرين تملكين قلبه بسهولة
لأنه ماشاء الله باين أنه يحبك ويغليك
وحكاية الفندق ماتنفع نهائي له
*أستعيضي عنها
بشيء ثاني ممكن تسوين ليلة حلوة
وترقصين له
أو تجهزين البانيو وتملينه زيوت عطرية
وشموع حواليه وتأخذينه هناك وتجلسون
جلسة وديه
اتفق مع سيدة الموقف وروح الطير.. عطوك حلول رائعه..
لكن لي رأي مختلف شوي.. زوجك المفروض نبهك بمعنى لو انه يوم راح لهم ارسل لك مسج وقالك تعوذي من الشيطان وتراهم مسوين لك كيكة عليها صور عيالك وفارشين الارض ورود ونوافير وو الخ يمكن تغيرين رايك وتضغطين على نفسك وتروحين.. يعني هو مافهمك الوضع كيف ولا قد ايش كانو متحمسين ومستعدين.. يعني عشان ما يأنبك ضميرك مرة انا اشوف انه هو يشاركك الذنب..
ممكن لما تشوفينهم وتشرحين لهم ظروفك زي ما اقترحو عليك الاخوات تظيفين انك مادريتي انها عزيمة او حفلة وزوجك قالك تعالي نتعشى معهم وقلتي انك تعبانه.. بالذات انهم ما عزموك شخصيا اشوف انه ما يحق لهم ينصدمون لهالدرجة.. لازم يتفهمون موقفك.. انا عشان كذا ما احب المفاجات لان احيانا الشخص يطنش او مايجي لانه مايدري عن اهميه المناسبه..
__________________
التعديل الأخير تم بواسطة البحلة بالنفس ; 10-02-2012 الساعة 01:20 PM