هبة ..

فكرة حلوة ، يبغالي انفذها بالفعل ..

.
.

كوكي ..

الشغالة مو دايما معاهم .. ترى هي ماهي ممتازة 100 % ..
و أنا ما أصدقها بكل شي ، تعرفي بالأخير اغلب العاملات المنزليات ، تهمهم راحتهم ..

مرات تطنشهم و تدخل البيت ، و أرسلها تشوفهم لما أحس صوتهم صار بعيد ..
و وجهها يتغير مرات ، عشان يحبوا الكسل ..

و الشغالة ما راح تعيش معانا على طول ، مثلا أتقصد إني ما أقفل الباب أبدا بالمفتاح ..
عشان يكون الرادع من داخل ابني .. و يسمع كلامي حتى لو أنا نايمة و ماني موجودة

و مشكلة أولاد صحبتي ، إنها ما تسمح لهم يلعبوا غير مرة وحدة في الأسبوع ..
هي حريصة بزيادة ، لكن بنفس أعمار أولادي و لسى أطفال ، و لعبهم بريئ ..

ولدي ماشاء الله ، يلعب يوميا و حتى الجارات يسألوني ما عنده دراسة ؟؟؟
لكن بأحاول إني ما أضغط عليه بالدراسة و نفس الوقت ما أبغى كل وقته لعب ..

.
.

بس متعبني ، و خاصة الفترة الأخيرة ..

كثير يعاند و كثير يطنشني .. مع إنه هو بالذات ما ينضرب مني غير بالنادر جدا جدا جدا ..

و أما بخصوص النظرات ، أخواتي و عمتي ،، يقولولي ( قبل طبعا ) ..
أولادك ماشاء الله ، لاحظنا يسمعوا كلامك ،، حتى لو إنت مو موجودة ..
و من نظرة عينك ، يفهموا ..

نحن ما يعبرونا أولادنا ، و يردوا علينا ..

.
.

مو عشان كذا ، أقول قبل سن المدرسة أحس إني سهل أتعامل معهم ..

لكن دحين حاسة إني ماني عارفة كيف أتصرف ؟؟؟

بصراحه اهنيش تعجبيني
انتي ام ناجحه باذن الله مو فاشله
عيل شو بتسوين في فترة المراهقه
ترى ولدش طلع لش

__________________
وهل من مصير اخر ؟

( ملاحظة / ولدي الكبير مرة حنون و قلبه طيب ،، و مرة يحب أخوانه )

قبل أسبوع ، قفل الباب بالغلط على يد أخوه الصغير
و جاء البيت و هو حزيييين و يدلع أخوه .. و أخوه الصغير طبعا يبكيييييييييييييي ..
و خاصمت الكبير قلت له تفتح عيونك مرة ثانية ..

و الشغالة تحكي لي بعدين ،، إنه الكبير لما قفل الباب على يد أخوه، صار يسب و يشتم نفسه ..
يقول أنا شرير .. أنا عورت أخويا .. أنا أستاهل الضرب .. أنا أستاهل أي شي ..

و جاء عندي الكبير و قال لي ( ماما أعطيني ريالين عشان أعطي لأخويا ، عشاني عورت يده )
و راح فتح شنطته ، و طلع منه ريال و أعطاها لأخوه الصغير ،،

و قال للشغالة ، وديني البقالة عشان أروح اشتري له هدية ، عشاني عورت يده ..

هذا قبل أسبوع ، و هذا ولدي اللي أعرفه من قبل ..


.
.

لكن ..
أمس يتضارب مع أخوه ،. و طول الوقت متنكد و مكشررررر و يدور على أي شي عشان ينكد ..

- ياخد مثلا كورته ، و يوريها لأخوه .. و يقول له ما أعطيك الكورة ..
لما أخوه يبكي و يبغى الكورة ، أقول له ألعبوا مع بعض .. يقولي الكبير مالي دخل ، هو ضيع كورته ..
أقول له ، طيب كم مرة قلت لك لا توري الشي لأخوك إذا ما تبغى تعطيه له ؟

- ما يخلي أخوه يمسك الأيباد .. قلت له ، مافيها شي خليه شوية يمسك الأيباد و يطفش منه و يرجعه لك ..
ما يبغى ..

- أخوه الصغير طفشان ، يبغاه يلعب معاه و هو قدام التلفزيون و الأيباد ..
راح أخوه الصغير و جاب كاسة موية باردة ،، و رشها على أخوه .. و مسكين الصغير ما يقصد ..

لإنه الكبير مرات كان يضحك له ، و يجري وراه ،، فهو على باله إنه بيجري وراه ..

المهم ، ما افتكر ايش صار ، و قمت عاقبته ..

جاء يستفزني و أنا مطنشته ، صار يقول ( يارب .. دخل ماما النار )
طنشته ، جلس يكرر و يطالع فيا ( يارب دخل ماما النار )

قلتله ، لاتكلمني ..

بعد شوية ، قلتله تعال ..
أخدته المطبخ و كان البوتجاز مفتوح و فوقه القدر ..
و قلتله أمسك يدي ، و أحرقه بالنار يالله .. مو تبغاني انحرق بالنار ؟؟؟ يالله احرقني دحين ..

راح و يبكي ..

هذا كله ، عشان قلتله أعطي الألعاب لأخوك
( ألعاب أطفال ، مكعبات و أشياء صغيرة .. بس هو مجمعها و يمنع أخوه يلعبها و يعطي لأخوه الأشياء المكسرة )

و أنا من زمان ساكتة له ، بس أمس لاحظت إنه مافي و لا لعبة عند أخوه الصغير و هو مجمعهم كلهم
و مقفل عليهم ، لا هو اللي يلعب بهم و لا أخوه ..

و لما يجوا أولاد صحبتي ، يلعبهم كل شي .. و ما يخلي أخوه يلعب ..

.
.

راح الكبير ياخد أي شي ، عشان يبكي أخوه .. و زي كذا بس مضاربات ..

و في العصر ، قابلوه أولاد الجيران .. اللي بالثانوية قاله ( روح افقع لك وجهك )
ولدي قاله ( كلّ ...... )

طبعا لفظ جديد ، لكن ما علقت و لا قلت شي ..
عشان خليه يدافع عن نفسه قدام الأولاد إذا واحد غلط عليه ..
لإنه زوجي دايما يقول ( ولدك هذا .. خيخة ، زي البنات نعوم و بسرعة يبكي )
طبعا اللي يعرفني من قبل
( ولدي هذا اتربى في بريطانيا 4 سنوات ، فما زال التأثير موجود و زوجي مو عاجبه )

.
.

يحاولوا يقنعوا ولدي ، إنه يروح معاهم و يلعب يا في بيتهم أو ورا العمارة في أرض فاضية
و أنا أمنعه يدخل معاهم أي أماكن مغلقة ،، أو يروح برة العمارة .. بس مسموح مع الشغالة أو أبوه ..

.
.

تعبني بجد ..

أبوه أصلا ما ينفع معليه بالتربية ..

زوجي عنده مبدأ التفرقة ، كثير يفرق بين الإثنين .. و كم مرة أنبهه ..
و كثير يقسي عالكبير ، و يبغى الكبير ينحرم من كل شي .. مثل ما هو أنحرم في بيت أهله ..
أحسه يطبق كل شي عاشه ، في ولده الكبير ..

فأنا مجرد ما أقول لأبوه أي شي ، أحس إنه جات الفرصة لأبوه ..
زوجي يخرج غضبه و ينفس عن نفسه .. بإنه يصرب ولدي هذا حتى على أتفه سبب ..
و ما يسمع له ، و لا يهتم فيه ..

مرات بالنادر ، يعامله كويس و يسمع له ، و بيحاول الصراحة إنه ( يخاوي ولده ) ..
فما أقدر اعتمد على رأيي زوجي ..

زوجي عنده كل شي ، أضربيه ، امنعيه ، احبسيه ..

.
.

و مع كذا ، ماشاء الله ولدي يحب أبوه ..
و مرة أبوه ضربه كفوف ، لإنه مو راضي ياكل ربع تمرة و يبغى يستفرغ و عمل فيلم هندي ،،
و صار ولدي بعدها ، زي الألف بعد ما بكي و هدي .. و راح يحاول يراضي أبوه ..

قلت بداخلي بجد شكله الضرب يجيب نتيجة ؟؟؟؟؟؟

.
.

أنا ما أضربه ، بس أهدد ..
و يطنشني ..

و صرت دحين أضربه ، على الشي الي حذرته منه ميييية مرة و يخسرني ..

.
.

بجد ما أعرف إيش اعمل ؟

اخليه يلعب مع أولاد الجيران ؟
طيب كيف أحبسه و هما 24 ساعة موجودين .. و يدقوا باب بيتنا ينادوه ..

و عناده مع أخوه .. إيش الحل ؟
و تطنيشه لي ؟

ذكرتيني بنفسي اول الامومه
اتصلت بدكتور في مجال العلاقات الاسريه
وقلت
انا ام فاشله ولم انطق غيرها لاني انخرطت في البكاء
فأجاب
لانك اتصلتي فانت ناجحه مكافحه ومحظوظون ابناؤك بك
حطي دستور غير قابل للنقاش الدين كذا ياروح
والامر الاخر والمهم
اغرسي فيهم القيم
مو لأن امي ماترضى!
لا بل لأني انا كأنسان ما ارضى
وهذا بالرقابة الذاتيه
هو يحب نفسه لانه يحب نفسه علميه من خلق نفسه وكل هالجمال والنعيم الي عايش فيه ان حبه تماما بيرضيه وبيخجل منه
ثم اخبريه بان حبك وبرك رضاه وطاعته سبحانه هنا سيشعر بانك مرسولة من الجنة له سيجد انك الصلة بينه وبين الله
سبحان الله المهم ان تكوني اقدوة الحقيقية
التربية للابناء تربينا على المقام الاول
اسال الله لك التوفيق

__________________
الحمد لله..اللهم صل على محمد و ال محمد

التفريغ المنهجي

ولدش يقلدش في سياسة الاخذ والعطاء
والعقاب
على اخوه
يتاثر بسهوله ويلقط
قيادي ما شاء الله

__________________
وهل من مصير اخر ؟

روح ما يصير انتي وابوه عليه في الضرب

__________________
وهل من مصير اخر ؟

اخر شي ( ليش يتعبني ؟ )

- لما أناديه بإسمه .. مرة ، مرتين ، الشغالة تقول له مامتك تناديك .. يا يقول نعم و يخسرني ..
بعد ما أصرخ و أقول له - و الله يعز السامعين - ( يا حمار ) أو أي سب .. يجري و يجي .. أو يتحرك بسرعة ..
قلتله ، إنت مثلا - مو انسان ، إنت حيوان ؟ ليش لما اناديك بإسمك تنطشني ؟ و لما أسبك تجي و تقول نعم ؟

لدرجة مرة عصبت من الصغير و سبيته ، على طول الكبير قال ( نعم ) ..


- لما أصحيه الصبح يروح المدرسة ، يتعبني ، و يبكيييييي .. أنا طفشت ، مابغى أروح مدرسة ..
و لازم أسبه و أعامله بقسوة ، بعدين يتحرك بسرعة ..


- لما أبغاه باكل أي شي ، يرفض و يعاند ..


- لما أقول له يمين ، يقول شمال ..


- لما أحذره من أي شي ، يقول طيب .. ثم يطنشني و يعمل اللي براسه ..
لازم خلاص في الأخير أضربه ضرب .. ثم ما يكرر الغلط أبدا ..


- يستفز أخوه ، لازم ينسب و ينشتم ، بعدين .. يمشي مضبوط ..
و أنا ما أبغى ألغي شخصيته .. لكن تعبني ..

كوكي

باجرب طريقة هبة ..

غرفة العقاب هذه احسها جابت نتيجة ..
احطه فيها ربع ساعة اقل شي و اجيب له كتاب ..
يحل الواجب صح .. بعدين يخرج لما يوعدني ما يكرر الغلط

بس كل شي بالعناد معايا ..

.
.

كم مرة يجيب القلم و يمثل انه بيطعن اخوه باللعب و المزح
او يقطع راسه .. حذرته و طنشني

كرر الشي هذا .. مع اني حذرته مرتين
اخر شي ضربته ..

.
.

كوكي

مو كل شي اضربه
احذره كم مرة و اخر شي اضربه لما يكون عارف غلطه و يكرر الغلط ..

ابوه بسرعة يضربه ..
و كلمته و قلتله نبهه اول شي ..

او ترى هو يقصد كذا ..

بس شايفته يسمع كلام ابوه بسرعة و انا يطنشني

Unlimited

كلام جميل و يارب اقدر اكون كذا

لكن اقيس فشلي و نجاحي من طريقة تعامله مع الاخرين و مراقبتي له من بعيد
لما انام او اغيب .. اسمع بيعمل و يعمل من ورايا كم شغلة و اغلاط ..

مثلا /
يقطع اي شي لما يعصب و يقول للشغالة قومي نظفي
و يتأمر عليها من ورايا و يستحقرها

مع اني ما اعاملها ابدا بالطريقة هذه

يقولها انت شغالة .. و لو ماتسمعي الكلام نحن نجيب غيرك
اشتكت لي؛ قلتله خلاص نحن نسفرها و انت تنظف لي البيت ..

.
.

او يأذي اخوه و يبكيه و يطنشه ..

او يعمل اي شي من ورايا ..

.
.

و لما يبغى مصلحة .. يجي يراضيني .. !!!؟

.
.