al7an
اختي الغاليه كان الله في عونك .... وابدلك الله زوجا خيرا من زوجك ..... ولك الاجر والثواب على مصيبتك هذه بأذن الله تعالى .
اختي ودي اقولك عن واقع تجربتي الخاصه مع اهل زوجي ...
ام زوجي متناقضه لأبعد الحدود .... أجدها احيانا تكره الكلام معي ... بالأحرى استطيع ان اقول تتجاهل وجودي ..... ترمي كلمات من هنا وهناك غير مباشره لكي افهم قصدها .... واحيانا اراها ملاك لا يوجد من هو احسن منه ..... حقيقه هي متناقضه 100% .
احيانا اخرى تحاول صنع المشاكل بيني وبين زوجي بطريقه غريبه ... تمدح امامه فلانه وعلانه ..... وتروي له قصص الناس .... فلان لا يذهب مع زوجته اي مكان فهي قابعه في البيت لا تتحرك .... فلانه موفره على زوجها لا تريد اهدار امواله .... وغيرها من القصص ... طبعا هذا الاسلوب يؤثر في زوجي اكثر من لو انها كانت تهاجمه بأسلوب مباشر يعني زوجتك فيها وزوجتك سوت هذا ...... الخ .
وهنا تبدأ الطامه ... يأتي زوجي للبيت وعلى وجهه علامات الضيق ويبدأ هو برمي الكلام .
المهم .... ما بكذب عليكم وبقولكم والله انا ما اكلمه في اي شي يصير منهم ... وانا صابره وكاتمه الي اشوفه منهم ..... ومن معاملتهم.
موقفي هو : اولا اي شي يصير اوضحه حق زوجي عشان يكون عنده فكره وما يتأثر بالكلام الي يسمعه منها.... لكن اقوله قبل كل شي هذي امك لا تزعلها....... بصراحه من قلبي هذا الكلام ما اريده يزعلها ولا اريده يضايقها ..... لكن في نفس الوقت لازم يعرف الي يصير منها عشان ما يظلمني ..... احاول اقتعه انه يتودد لها يقبل ايدها يقبل رجلها .... يسوي اي شي بس عشان نبتعد من المشاكل معها ... يعني بصراحه انا دايما احثه يفعل الخير فيها .
طريقة لاجتناب المشاكل : الصمت ... ودكم تعرفون كيف .... يعني ما اقصر فيهم لكن اكون صامته معاهم لا اتكلم كثيرا .... ما اقول وين رايحين ويني جايين شو نشتري شو نسوي .... احاول قدر المستطاع اتباع حديث الرسول ( اقضوا حوائجكم بالكتمان ) ... بصراحه ولا في احلى من هذا الحل .... تتجنبين التدخلات .... تتجنبين القال والقيل ... تتجنبين الحسد ... تتجنبين الغيره .
غلطه كبيره : مشكلتي يوم امر مع ام زوجي بموقف ما اقدر اكتمه عن المقربين من الضيق اضطر اقوللهم ..... ودي اسيطر على نفسي قد ما اقدر ..... صحيح ما تهون عليه اشوه سمعتها لكن مااقدر اسوي كونترول وايد ..... تدرون اتبعت طريقه .... صحيح هيه صعبه كثير لكن يله نفعتني على الاقل ... احاول في وقت المشكله ما اتصل بحد ولا ارد على اي اتصال ما اروح اي زياره لين ما يبرد القهر الي فقلبي .