صباح الخير
:: فالي طيب ::
أكيد هناك أشياء مستحيييييييييل أقولها حق زوجي وهو ايضا فيه أشياء ماراح يقولها لي مثلا لنفرض أنك تقدم لج أكثر من شخص قبل لا يتقدم زوجك وتعلقتي في أحدهم تعلق حقيقي وتمنيتيه حق نفسج هل راح تخبرينه ها الشيء ؟! مستحيل لأن ساعتها راح يغار ويقلب عليج
والله يخليج حق زوجج ويتمم عليكم ع خير
:: أحلاهم وأتحاهم ::
اقتباس:
الرجال كلامهم: الدوامات ومشاكلها.. الشوارع وزحمتها.. كرة القدم وبرامج التحليلات الرياضية..
الأنظمة والقوانين.. السياسة..
الحريم : حش بالشغالات.. رجة العيال.. الطبخ.. فناتق الحلويات.. الأسواق .. التخفيضات..
فلانة زوجها تزوج عليها وووووو الخ .. قصص مأساوية..
|
في ها الوقت وخاصة عصر الانفتاح صارت ها الاهتمامات اللي ذكرتيها تقدر تستوعبها المراة وأيضا الرجل يقدر يستوعب اهتمامات زوجته .... يمكن لو كان الزمن قبل 20 سنة او أكثر مثلا بوافقج الراي لأن المجتمعات كانت جدا منغلقة وكانت المرأة لا تخرج للعمل او للمشاوير الاجتماعية مثل الحين
الحين مثلا لما يطلع الزوج وزوجته للسوق لشراء حاجيات خاصة فيهم كل واحد ياخذ راي الثاني في الملابس المناسبة لبعض ... أذا أخذنا مثال ثاني وهي السيارات هذا الاهتمام من قديم الأزل كان حكر للرجال فقط والنساء ما تفهم شي فيه لكن الحين الوضع تغير وكل واحد صار يستشير الثاني ويتناقش وياه اذا اراد أحد الطرفين شراء سيارة ما ...
مع ذلك عزيزتي لا أنكر انه فيه أمور لا يمكن للزوج انه يفهمها وكذلك امور لا يمكن للزوجة ان تفهمها في زوجهها ولكن ها الشي لا يؤثر على صداقتهما مع بعض لأن الصداقة الحقيقية تفرض علينا أن نراعي تفكير الآخر أليس كذلك ؟
اقتباس:
شوفي الواقع.. أصدقاء مختلفين بالهوايات والثقافة لكنهم أصدقاء.. ينبسطون مع بعض وهرجتهم مشتركة.. وياخذون ويعطون.. ومايملون من بعض.. وودهم 24 ساعة يتقابلون..
|
أتفق وياج على ها الشي ولكن الموازاة اللي قصدتها مو ان الثقافات تكون وحدة ولكن العقل والفكر يكونون مستعدين للنقاش والحوار حتى لو كانت الثقافات مختلفة
أما الهوايات المشتركة شي مهم جدا في حياة الأصدقاء والأزواج أيضا ..يعني لازم الواحد والوحدة يدورون هوايات مشتركة مع بعض أكيد راح يحصلون وحتى لو ما حصلوا يحاولون يستمتعون بهوايات بعض لأنهم بها الطريقة راح يفهمون بعض أكثر ويفهمون تفكير بعض وتتقوى العلاقة بينهم
شكرا لرأيك