اعتقد الاخوان ما قصروا

وبزيد للي يحب يعرف اكثر عن ابها

بالنسبة للفنادق افضل 3 راح اذكرهم

الانتركونتنتال في السودة .. يعتبر افضل فندق في ابها

الفندق فيه فلل ايضا ً .. والمنظر من الفندق جدا ً رائع

فندق و شقق ابها الجديده .. عباره عن مدينه كامله مسوره

فيها فندق و شقق و مدينة العاب و مطاعم و مقهى ( شيشة ) رجال و نساء

فندق البحيره .. هذا اي شخص يجي ابها انصحه يسكن يومين فيه

الين يقرر اما يظل فيه او يغير السكن الى شقة .. يقع في اول الطريق المأدي الى السوده

بالنسبه للشقق كثر النمل .. و الارقى موجود في حي الضباب .. وعموما على شارع الحزام كلها نظيفة

اما الاسواق فا الاشهر عسير مول و سوق القبه في ابها

اما الخميس ماشاء الله مليانه اسواق

بالنسبه للاماكن السياحية بكل تأكيد السووووده حلوه جدا ً

فيها التلفريك مدته 10 دقائق يمشي فيك 2 كيلو بس مره حلو

فيها مطلات كثيرات وحلووووه تطلع على العقبات و بعض القرى ما اعرف اساميها

على طريق السوده في اكثر من منتزه و مطعم وللعوائل فقط

في ايضا ً الحبله ما تبعد كثير عن ابها .. فيها مناظر حلووه

طبعا ً الحبله اسفل توصل لها بالتلفريك .. مدته 3 دقائق ممكن .. بسيط جدا ً

سموها الحبله لانهم كانو يطلعون فوق بالحبال فقط لا غير

قبل يجي الملك فيصل ويأمرهم يطلعون .. حتى ان بعض بيوتهم الى الان موجوده زي ماهي عليه

فيها العاب للاطفال وجلسات عوائل و شباب

نرجع ابها .. في منتزه و مطعم الجبل الاخضر .. جدا ً حلو حتى فيه تلفريك يودي الى ابها الجديده ويرجع فيك

فيه مطل قمه مره مره حلوه وقليل يعرفونه .. موجود فوق ابها الجديده .. انصحكم تروحون له

فيه مطعم قريب من دوار القصبه اسمه مشاوي صح .. انصحكم تاخذون كنافه منه .. اااااااااااه

بس لاتنسون الملابس الشتويه .. تحتاجونها بالليل .. اذا طلعتو برا راح تبردون .. وخاصة الاطفال


وبالاخير ... اتمنى لكم سفرا سعيدا ً و ممتعا ً .. وتروحون و ترجعون بالسلامه ان شاء الله