عزيزتي

لاتكررين نفس السؤال كذا مررة .. سالتيه مرة مرتين ماعطاك جواب مقنع
خلاص اثقلي .. يعني ابعدي عنه وانتي بعيدة وريه احسن شي منك
يعني لاتظهرين اهتمام مباشر وان جاك رحبي فيه .. بكذا هو الي يرجع لك
وش ما كان الشي الي مشغله عنك اكيد انه يحتاج وقت يراجع حساباته ويرتب افكاره

يوم قال تحبين المشاكل مافيني شي الخ الخ = تعني انه مو مستعد نفسيا
يحكي الي بباله ..

فانتي خلال هالفترة خليه على راحته لا تخنقينه بالاهتمام .. لين ما يستقر
نفسيا ويرجع لك ..

واضح كلامي ؟

__________________
شتان .. بين من تسيره مبادئه ، ومن تسيره مصالحه

:*

عزيزتي :لايكلف الله نفساً إلا وسعها

أنا ماني شايفتك مقصرة معه ولا مع أهله
بالعكس بنت حلال طيبة ومحترمه وتسعين برضاه
ومتحمله رداة فعله الجارحة جداً


إلي شايفته أنك مقصرة بحق نفسك وهاينتها كثير
ومعذبتها

حبيبتي قومي بحقوقك الزوجية كامله وأرضي ربك
هو إن رضى كان بها
مو عاجبه ومستبد ويقل ذوقه معك (عطيه طناش)
ولاتركضين خلفه كثير
فقط أدي واجباتك بسكات

الآن :أبغاك تهتمي بنفسك وصحتك والبيبي الجاي بالطريق
إن شاء الله

ولاتعذبين عمرك بملاحق المقفين هو يدل دربك ويعرف
رقم جوالك الله لايهينه

وإذا براسه مواال خليه يغنيه ومصيره يرد لك
لأنه ماراح يلاقي وحده تعزة وتحتمله زيك

المهم :حافظي على كرامتك وعزي نفسك
ومدام مرضيه ربك وقايمة بكل واجباتك لاتلومين نفسك
ولاتنتقصينها

ولاتنسي تهتم بنفسك وتدلعينه وتتشيكين وتلبسين
إرضاء لنفسك قبل كل شيء وحتى مايلاقي حجج واهية لإنتقادك


وكلمة أقولها لكل النساء:
"لاتجعلي الرجل مدار حياتك بل شريك حياة لا أكثر"

:*

__________________

أختي الغالي
أنتي على مايبدوا لي لم تقصري في حقه نهائيا
ولكن سؤالي كيف علاقتك بربك
تبغين زوجك يرضى عليك أرضي رب العالمين
قومي صلي في الثلث الخير من الليل
وأنتي منطرحه بين يدي رب العالمين قولي :
ياررررررب لا أسألك سوى رضاك
ربي قصرت في حقك كثيرا فأغفرلي وارزقني رضاك
غاليتي لقد جعلت زوجي أكبر أهتماماتك في الحياة فأي تصرف منه يحزنك يعذبك يخنقك
أنتي قومي بحقوقه كاملة تقربا لله قبل كل شيء
فوالله إن أرضيتي الله سوف يجعله الله لك كما تحبين هو وكل من تتمنين
أسأل الله العظيم رب العرش العظيم أن يسخره لك وينزل محبتك في قلبه ويبدل حالك لما تتمنينه ..
تقبلي مروري

__________________
أنّا تَرّانِيّ لَوُ قِسّى الوَقّتْ بِالذّاتْ
يِزدْادْ مَعَ قَسّوّة زِمْانّي ثِبْوّتِي ~

اشكركم من كل قلبي ع مروركم الرائع والمتالق ويشهدربي اني ارتحت لكلامكم كثير
ميثاا /بالنسبه لتكرار هالكلمه والله اني مدري وعلاقته باهله قويه اشكر مرورك غاليتي..
البليغ/كلامك ذهب اشكرك وانشاء الله انفذ كل نصائحك بس للمعلوميه ماتركت شي ماسويته هو مايبغى لا اكلم ولا ارسل ولا اسال عنه بصراحه كلام الجميع صحيح اطنشه وارتاح وش رايك مو افضل لي وله اشكر مرورك..
احساس /كلامك حلو والتطنيش هو الحل اشكر مرورك غاليتي..

روعه غاليتي اشكرك كلامك واضح جدا واعجبني اشكر مرورك..
غاليتي سيدة الموقف غاليتي قويه رغم الجراح كلامكم يشرح الصدر اشكركم من الاعماق ... اولا اشكرك ع دعوتك لي قويه الله يرزقك ماتحبين يارب والله انكم صادقات كلامكم اثر فيني بجد اشكر مروركم الرائع والمتالق ..

أم ثامر:
اقرئي مشاركتي السابقة وطبقي ما فيها إن أردت.
أما رأيي فهو أن تفعلي ما قلته لك..فإن لم يجب برسالة أو اتصال فاتركيه وشأنه أسبوعاً بلا رسالة أو اتصال حتى نرى ما يحدث.

مع الاخوات نفس الكلام

الله يهديه ويصلح بينكم يارب ويتم نعمته عليك بولادة طفلك بخير وعلى خير امييييييييييييييييين

__________________

اختي نصيحه لاتركضين وراه يهرب منك ويقهرك اكثر..

خليك غامضه وصامته وكلامك قليييييييل .. خليه يسحب الكلام منك تسحيب ويتمنى اللحظه اللي تتكلمي فيها....



تجاهليه بدون ماتقفلين الجوال .. يعني لما يدق لاتردين ولما يرسل لاتردين ..

اتركيه اسبوع اسبوعين .. وبعدين جربي وردي عليه وقولي له الوو ..انت متصل ..؟! فيه شي؟

هو يمكن يقول لك وش فيك ماتردين ويسب ويهاوش .. انتي خلك صامته .. وقولي له مشغوله يلا اكلمك بعدين مع السلامه ..مثلي انك مستعجله تسوين شي عالسريع .. ولو اتصل تجاهلي مكالمته

ولما يدق اليوم اللي بعده ويهاوش قولي له : اوووه نسيت ماكلمتك اعذرني انشغلت باشياء مهمه ..ولما يسألك عن اي شي ردي ع قد السؤال .. وانتبهي تسولفين معه او تشتكين له او تبينين له انك زعلانه

ولا تقولين له اصحابك غيروك او اهلك غيروك علي .. انتبهي ....



طنشيـــــــه ولاتبيني زعلك .. ولو ضايقوك اهله لاتعلمينه مهما كان الشي اللي سووه

لانهم رح يقولون له بانفسهم .. ويمكن يحدونه عليك وهو يشوفك ساكته ولاجبتي طاري الموضوع وتكبرين بعينه .. ولما يجيب كلام عنهم ويبغى هواش خلك صامته وقولي والله ماتوقعتها من الغاليه ( امك - اختك .. الخ ) بس لو سمحت مابغاك تجيب سوالف حريم .. انا ابي اعيش مرتاحه وما احب اشتكي لك ولا تشتكي لي بسوالف تخص الحريم ..ولما يكثر كلام خلك صامته ولا تتجادلي معه ..



لما يهاوشك ويغلط عليك باي كلمه لاتسأليه او تحني فوق راسه عشان يرد عليك او يجاوبك

بالعكس تجاهلي ولا تبيني اهتمامك ..

باقي كلام كثيييييير بس هذا المهم وعساه ينفع معك ..

انا مع اخي بليغ ...
وياعزيزتي البعد جفا .... لازم ماتبعدوا عن بعض لهدرجة ولو هو حكالك روحي لعند اهلك احكيله انا مابرتاح الا معك ... وانت اهلي ... وبكرر لا الك البعد جفااااااااااااااا,,,,, جفاااا.. والمدة اللي بعدتي فيها عنه مش قليلة ...وضلك لمن تحاكيه احكيله عن مراحل الحمل تاعتك ... واحكيله بطني كبر صار عمره شهرين تلات وهكذا ...
وربي يقومك بحال السلامة ويهدي بالك انتي وزوجك ياااااااااااااااااااااااااارب ... وانتبهي لصحتك منيح